இலங்கையின் வெளிநாட்டு வேலைவாய்ப்பு வரலாற்றில் இதுவரை இல்லாத அளவாக, கடந்த 2025-ஆம் ஆண்டில் புலம்பெயர்ந்த தொழிலாளர்கள் மூலம் மிக அதிகப்படியான அந்நியச் செலாவணி வருமானம் கிடைத்துள்ளதாக இலங்கை வெளிநாட்டு வேலைவாய்ப்புப் பணியகம் அறிவித்துள்ளது.
மொத்த வருமானம் (2025) 8.07 பில்லியன் அமெரிக்க டொலர் (சுமார் 2,432 பில்லியன் ரூபா). இது 2024-ஆம் ஆண்டுடன் ($6.575 பில்லியன்) ஒப்பிடுகையில் 22.8% அதிகரிப்பாகும்.
2025 டிசம்பர் மாதத்தில் மாத்திரம் 879.1 மில்லியன் அமெரிக்க டொலர் வருமானமாகப் பெறப்பட்டுள்ளது. இதுவே ஒரு மாதத்தில் இலங்கைக்குக் கிடைத்த அதிகப்படியான தொகையாகப் பதிவாகியுள்ளது.
இந்த அதீத வளர்ச்சிக்கு முக்கிய காரணங்கள், சாதாரண தொழிலாளர்களை விட, தரமான மற்றும் திறன்மிக்க (Skilled) தொழிலாளர்களை வெளிநாடுகளுக்கு அனுப்பியமை.
அந்நியச் செலாவணியை முறையான வங்கி வழிகள் மூலம் நாட்டுக்கு அனுப்புவதை ஊக்குவித்த அரசாங்கத்தின் சீர்திருத்தங்கள். கடந்த 2025-ஆம் ஆண்டில் மாத்திரம் சுமார் 310,000 இலங்கையர்கள் வேலைவாய்ப்புக்காக வெளிநாடுகளுக்குச் சென்றுள்ளனர்.
நாட்டின் அந்நியச் செலாவணி கையிருப்பைப் பலப்படுத்துவதற்கும், பொருளாதார நெருக்கடியிலிருந்து மீண்டு நிலையான வளர்ச்சியை எட்டுவதற்கும் புலம்பெயர்ந்த தொழிலாளர்களின் இந்த வருமானம் முதுகெலும்பாக அமைந்துள்ளதாகப் பொருளாதார நிபுணர்கள் தெரிவிக்கின்றனர்.
