ஜப்னா கிங்ஸை சுழலில் சுருட்டிய காலி கிளாடியேட்டர்ஸ்!!!

நேற்று ஆரம்பமான எல்.பி.எல் போட்டியில் ஜப்னா கிங்ஸை 54 ஓட்டங்களால் வெற்றி பெற்றது காலி கிளாடியேட்டர்ஸ்.

லங்கா பிறீமியர் லீக்கின் இரண்டாவது பருவகால போட்டிகள் நேற்றைய தினம் கொழும்பு ஆர்.பிரேமதாச மைதானத்தில் நடைபெற்றது.

முதலாவது போட்டியில் நடப்பு சம்பியனான ஜப்னா கிங்ஸ் மற்றும் காலி கிளாடியேட்டர்ஸ் ஆகிய அணிகள் மோதின.

இதற்கமைய முதலில் துடுப்பெடுத்தாடிய காலி கிளாடியேட்டர்ஸ் அணி நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 164 ஓட்டங்களைப் பெற்றுக் கொண்டது.

காலி கிளாடியேட்டர்ஸ் அணி சார்பில் அணித்தலைவர் பாணுக ராஜபக்ச 56 ஓட்டங்களையும், சமித் பட்டேல் 42 ஓட்டங்களையும் பெற்றுக் கொடுத்தனர்.

165 எனும் வெற்றியிலக்கை நோக்கி துடுப்பெடுத்தாடிய ஜப்னா கிங்ஸ் அணி 18 ஓவர்களில் சகல விக்கெட்டுகளையும் இழந்து 110 ஓட்டங்களைப் மாத்திரம் பெற்றுக் கொண்டது.

ஜப்னா கிங்ஸ் அணி சார்பில் அதிகபட்சமாக வகாப் றியாஸ் 27 ஓட்டங்களைப் பெற்றுக் கொடுத்தார்.

இதற்கமைய, நேற்றைய போட்டியில் காலி கிளாடியேட்டர்ஸ் அணி 54 ஓட்டங்களினால் வெற்றி பெற்றதுடன், போட்டியின் சிறப்பாட்டக்காரராக சமித் பட்டேல் தெரிவு செய்யப்பட்டார்.
#Sports