வரவிருக்கும் பண்டிகைக் காலத்தைக் கருத்தில் கொண்டு, வர்த்தகம், வணிகம் மற்றும் உணவுப் பாதுகாப்பு அமைச்சு ஒரு முறையான திட்டத்தை வைத்திருக்க வேண்டும் என தேசிய நுகர்வோர் முன்னணி (National Consumer Front) வலியுறுத்தியுள்ளது.
தேசிய நுகர்வோர் முன்னணியின் தலைவர் அசேல சம்பத், ஆங்கில ஊடகமொன்றுக்கு அளித்த பேட்டியில் இந்தக் கோரிக்கையை முன்வைத்தார்.
அத்தியாவசியப் பொருட்களின் விலை நிலையாக இருக்க நடவடிக்கை தேவை
அவர் தனது கோரிக்கையில், அரசாங்கம் உடனடியாகப் பின்வரும் அத்தியாவசியப் பொருட்களை அடையாளம் காண வேண்டும் எனக் குறிப்பிட்டுள்ளார்:
இந்தப் பண்டிகைக் காலம் முழுவதும் மேற்கண்ட அத்தியாவசியப் பொருட்களின் விலைகள் நிலையாக இருப்பதை உறுதி செய்ய அரசாங்கம் உரிய நடவடிக்கைகளை எடுக்க வேண்டும் என்றும் அசேல சம்பத் கேட்டுக் கொண்டுள்ளார்.
“ஏற்கனவே குறித்த அத்தியாவசியப் பொருட்களின் விலைகள் அதிகரித்துள்ளன. பண்டிகைக் காலத்திற்காக வர்த்தகம், வணிகம் மற்றும் உணவுப் பாதுகாப்பு அமைச்சு எந்தவொரு திட்டத்தையும் வைத்திருப்பதாக நான் நினைக்கவில்லை. அவர்கள் உடனடியாகத் திட்டமொன்றைத் தயாரிக்க வேண்டும்” என்றும் அவர் அமைச்சின் தயக்கத்தைக் குறிப்பிட்டு விமர்சித்துள்ளார்.