செயற்கை நுண்ணறிவு (AI) துறையில் உலகின் முதல் மூன்று வல்லரசு நாடுகளில் ஒன்றாக உருவெடுக்கும் இலக்குடன், தென்கொரியா தனது புதிய ‘AI அடிப்படைச் சட்டத்தை’ (AI Basic Act) இன்று உத்தியோகபூர்வமாக நடைமுறைக்குக் கொண்டு வந்துள்ளது.
ஐரோப்பிய ஒன்றியம் AI சட்டங்களை உருவாக்குவதில் முன்னிலையில் இருந்தாலும், அவற்றின் முழுமையான அமலாக்கம் 2027 வரை நீடிக்கும் நிலையில், தென்கொரியா தற்போதே இச்சட்டத்தை அமுல்படுத்தி உலக நாடுகளை வியப்பில் ஆழ்த்தியுள்ளது.
அணுசக்தி பாதுகாப்பு, குடிநீர் உற்பத்தி, போக்குவரத்து, சுகாதாரம் மற்றும் கடன் மதிப்பீடு போன்ற அதிக தாக்கம் கொண்ட (High-impact) துறைகளில் AI பயன்படுத்தப்படும் போது, மனிதர்களின் நேரடி மேற்பார்வை இருப்பது இனி சட்டப்படி கட்டாயமாக்கப்பட்டுள்ளது.
AI மூலம் உருவாக்கப்பட்ட சேவைகள் அல்லது பொருட்களைப் பயன்படுத்தும் போது, அது குறித்து வாடிக்கையாளர்களுக்கு முன்கூட்டியே அறிவிக்கப்பட வேண்டும்.
AI-ஆல் உருவாக்கப்பட்ட போலியான விடயங்களை (Deepfakes/Synthesized content) உண்மையானவற்றில் இருந்து பிரித்தறிய முடியாத போது, அவை ‘AI-ஆல் உருவாக்கப்பட்டவை’ என்பதைத் தெளிவாகக் குறிப்பிட வேண்டும்.
தென்கொரியாவின் இந்த அதிரடி நடவடிக்கை குறித்து அங்குள்ள புதிய தொழில்முயற்சியாளர்கள் (Startups) சில விமர்சனங்களை முன்வைத்துள்ளனர்:
இத்தகைய கடுமையான கட்டுப்பாடுகள் புதிய கண்டுபிடிப்புகளையும், வணிக வளர்ச்சியையும் முடக்கும் என அவர்கள் அஞ்சுகின்றனர்.
சட்டத்தில் பயன்படுத்தப்பட்டுள்ள சில விதிமுறைகள் மற்றும் சொற்கள் தெளிவற்றதாக இருப்பதாகவும், இது எதிர்காலத்தில் சட்டச் சிக்கல்களை உருவாக்கும் என்றும் அவர்கள் சுட்டிக்காட்டியுள்ளனர்.
இருப்பினும், AI தொழில்நுட்பத்தை ஒழுங்குபடுத்துவதிலும், அதன் பாதுகாப்பை உறுதி செய்வதிலும் ஆசியாவின் முன்னோடியாகத் திகழத் தென்கொரியா இந்த நடவடிக்கையை மேற்கொண்டுள்ளது.
South Korea Outpaces EU by Implementing World’s First Comprehensive AI Law; Human Oversight Mandatory for High-Impact Sectors.
South Korea AI Basic Act 2026, AI Regulation High Impact Sectors, South Korea AI Superpower, AI Transparency Law Seoul, Startup Concerns AI Law.
