நடிகர் விஜய்யின் கடைசி படமாகக் கருதப்படும் ‘ஜனநாயகன்’ திரைப்படம் வரவிருக்கும் 2026 ஜனவரி 9ஆம் திகதி வெளியாகவுள்ளது. இந்நிலையில், இப்படத்தின் சாட்டிலைட் உரிமை குறித்த தகவல் தற்போது வெளியாகியுள்ளது.
தளபதி விஜய்யின் கடைசிப் படம் என்பதால், இப்படத்தைத் திரையில் காண ரசிகர்கள் அனைவரும் ஆவலுடன் எதிர்பார்த்து காத்திருக்கிறார்கள்.
இப்படத்தின் ப்ரீ பிசினஸ் பட்டையைக் கிளப்பி வருகிறது. இதுவரை நடந்த ப்ரீ பிசினஸ் மட்டுமே சுமார் ரூ. 500 கோடி இருக்கும் எனத் திரையுலக வட்டாரங்கள் தெரிவிக்கின்றன.
ப்ரீ பிசினஸ் இவ்வளவு பெரிய தொகையை எட்டியிருந்தாலும், இதுவரை இப்படத்தின் சாட்டிலைட் உரிமை விற்பனை ஆகாமல் இருந்தது.
இந்த நிலையில், ஜீ நிறுவனம் ‘ஜனநாயகன்’ படத்தின் சாட்டிலைட் உரிமையை வாங்கியுள்ளதாகத் தகவல் தெரிவிக்கின்றன.
மேலும், ரூ. 40 கோடிக்குச் சாட்டிலைட் உரிமையை ஜீ நிறுவனம் கைப்பற்றியுள்ளதாகவும் கூறப்படுகிறது.
எனினும், இந்தத் தகவல் எந்த அளவிற்கு உண்மை எனத் தெரியவில்லை என்பது குறிப்பிடத்தக்கது.