பெரிதும் எதிர்பார்க்கப்பட்டு வெளியான ‘டூட்’ (Dude) திரைப்படம் தற்போது கலவையான விமர்சனங்களைப் பெற்று வருகிறது. விமர்சகர்கள் முதல் பாதியை நன்றாக உள்ளது என்றும், இரண்டாம் பாதி திருப்தி அளிக்கவில்லை என்றும் கூறுகின்றனர்.
இந்தப் படத்தில் பிரதீப் ரங்கநாதன் கதாநாயகனாக நடிக்க, அவருக்கு ஜோடியாக மமிதா பைஜூ நடித்துள்ளார். அறிமுக இயக்குநர் கீர்த்திஸ்வரன் இப்படத்தை இயக்கியுள்ளார். இப்படத்தில் சரத்குமார், நேஹா ஷெட்டி ஆகியோர் முக்கிய கதாபாத்திரங்களில் நடித்துள்ளனர். சாய் அப்யங்கர் இப்படத்திற்கு இசையமைத்திருந்தார்.
இந்நிலையில், ‘டூட்’ திரைப்படம் முதல் நாள் உலகளவில் செய்த வசூல் குறித்த தகவல் வெளியாகியுள்ளது. அதன்படி, ‘டூட்’ முதல் நாள் உலகளவில் ரூ. 20+ கோடி வசூல் செய்துள்ளது. இனி வரும் நாட்களில் இப்படத்தின் வசூல் எப்படி இருக்கும் என்பதைப் பொறுத்திருந்து பார்க்க வேண்டும்.
