கமல்ஹாசனை நைசாக கழட்டிவிட்ட தனுஷ்.. இனிமேல் தான் ஆட்டம் ஆரம்பம்..!
தனுஷ் படத்தில் கமல்ஹாசன் பணி புரிய இருந்ததாக கூறப்பட்ட நிலையில் கமல்ஹாசனை தனுஷ் நைசாக கழட்டி விட்டதாக செய்திகள் கசிந்துள்ளது.
இசைஞானி இளையராஜாவின் வாழ்க்கை வரலாறு திரைப்படமான ’இளையராஜா’ என்ற படத்தின் படப்பிடிப்பு விரைவில் தொடங்க இருக்கும் நிலையில் இந்த படத்தை அருண் மாதேஸ்வரன் இயக்க இருப்பதாகவும் கமல்ஹாசன் திரைக்கதை எழுத இருப்பதாகவும் கூறப்பட்டது.
ஆனால் கமல்ஹாசன் திரைக்கதை எழுதினால் அது ஏ சென்டர் மக்களுக்கு மட்டும் தான் புரியும் என்றும், பி,சி சென்டர்களுக்கு புரியும் வகையில் அவர் எழுத மாட்டார் என்றும் இளையராஜாவிடம் கூறிய தனுஷ், நானே திரைக்கதை எழுதுகிறேன் என்று கூறி அவரிடம் ஒப்புதல் பெற்று விட்டாராம்.
ஏற்கனவே கமல்ஹாசன் மூன்று படங்களில் நடித்துக் கொண்டிருக்கும் நிலையில் அரசியலிலும் பிரச்சாரத்தில் ஈடுபட்டு வருவதால் இளையராஜா இதற்கு ஒப்புக் கொண்டிருப்பதாகவும் இதனை அடுத்து தனுஷ் இந்த படத்திற்கு திரைக்கதை எழுத தொடங்கி விட்டதாகவும் கூறப்படுகிறது.
அது மட்டும் இன்றி அருண் மாதேஸ்வரன் என்பது பெயரளவுக்கு தான் இயக்குனர் என்றும் தனுஷ் தான் முழு படத்தையும் இயக்க இருப்பதாகவும் கூறப்படுகிறது. மொத்தத்தில் இளையராஜாவின் வாழ்க்கை வரலாறு திரைப்படத்தின் மொத்த பணியையும் தன் பக்கம் தனுஷ் இழுத்துக் கொண்டதை அடுத்து இந்த படத்தின் மூலம் ஒரு மிகப்பெரிய வெற்றியை பெற வேண்டும் என்று முடிவு செய்துள்ளாராம்.