சீமான் விவகாரத்தில் மீண்டும் பொலிஸாருக்கு கோரிக்கை விடுத்துள்ள விஜயலட்சுமி
நாம் தமிழர் கட்சியின் தலைமை ஒருங்கிணைப்பாளர் சீமானுக்கு எதிராக பல வழக்குகளை தொடர்ந்து வந்த நடிகை விஜயலட்சுமி, சிறிய இடைவெளியில் புதிய வீடியோ ஒன்றை தற்போது வெளியிட்டிருக்கிறார்.
நாம் தமிழர் கட்சியின் தலைமை ஒருங்கிணைப்பாளர் சீமானுக்கு எதிராக தான் கொடுத்திருந்த வழக்கினை நடிகை விஜயலட்சுமி அண்மையில் திரும்பப் பெற்றார்.
அப்போது, “எனது புகார் மீதான நடவடிக்கையில் எந்த முன்னேற்றமும் இல்லை. காவல்துறை நடவடிக்கை எடுக்கவும் இல்லை.தனி நபராக என்னால் போராட முடியவில்லை.
மேலும் சீமானை எதிர்கொள்ள எனக்கு போதிய ஆதரவு யாரிடமும் கிடைக்கவில்லை” என்பது உள்ளிட்ட காரணங்களை விஜயலட்சுமி தெரிவித்திருந்தார்.
இந்நிலையில் தற்போது புதிய வீடியோ ஒன்றை வெளியிட்டிருக்கிறார். இந்த வீடியோவை விஜயலட்சுமி நேற்று(நவ.27) பதிவு செய்திருப்பதாக தெரிகிறது.
இந்த வீடியோவில் நடிகை விஜயலட்சுமி, ஊடகத்தினர் மற்றும் தமிழக பொலிஸாருக்கு கோரிக்கை விடுத்து பேசியுள்ளார்.
