நானும், Vijay-ம் Meet பண்ணும்போது நிறைய விஷயங்கள் பேசுவோம்- ஓபனாகப் பேசிய நடிகர் பிரசாந்த்
ஏஜிஎஸ் நிறுவனம் தளபதி விஜய்யின் அடுத்த படமான, அவரது 68-ஆவது படத்தை தயாரித்து வருகிறது. இந்த படத்தின் பூஜை கடந்த செப்டம்பர் மாதம், மிக பிரமாண்டமாக போடப்பட்ட நிலையில், ‘லியோ’ ரிலீசுக்கு முன்பே படப்பிடிப்பும் துவங்கியது.
வெங்கட் பிரபு இயக்கும் இந்த படத்தில் தளபதி விஜய் தற்போது நடித்து வருகிறார். படக்குழு ‘லியோ’ ரிலீசுக்கு பின்னரே தளபதி 68 படத்தின் புகைப்படங்கள், வீடியோக்கள், உள்ளிட்ட அப்டேட் வெளியாகும் என தெரிவித்திருந்தனர்.
ஆனால் லியோ படம் வெளியான பின்னரும், படம் குறித்த விவரங்கள் வெளியாகாமல் இருந்த நிலையில், ரசிகர்கள் தொடர்ந்து ‘தளபதி 68’ படத்தின் அப்டேட் குறித்து கேள்வி எழுப்பி வந்த நிலையில், இப்படத்தின் தயாரிப்பாளர் அர்ச்சனா கல்பாத்தி நேற்றைய தினம் தளபதி 68 படத்தின் பூஜை வீடியோவை வெளியிட்டிருந்தார்.
அந்த வீடியோ மூலம் இப்படத்தில் பிரபுதேவா,சினேகா,பிரசாந்த்,லைலா என 90 கிட்ஸ் பிரபலங்கள் நடிப்பது உறுதியாகி விட்டது. இப்படியான நிலையில் விஜய் குறித்து பிரசாந்த் ஒரு இன்டர்வியூவில் பேசியுள்ளார். அதாவது விஜய்யும் நானும் நிறைய இடத்தில மீட் பண்ணி பேசியிருக்கிறோம். நம்ம குடும்பத்தில ஒருத்தர் மாதிரி தான் அவர், தெரியாத விஷயங்கள் எல்லாம் அவர் கிட்ட அதிகமாக பேசியிருக்கிறோம் என்று சொல்கின்றார்.
