நடிகை பூஜா ஹெக்டே தற்போது தமிழ்த் திரையுலகில் பிஸியான நடிகையாக வலம் வருகிறார். தளபதி விஜய்யின் கடைசி படமான ‘ஜனநாயகன்’ உட்பட இரண்டு பெரிய படங்களில் அவர் பணியாற்றி வருவதுடன், தனுஷுடன் ஒரு புதிய படத்திலும் இணையவிருப்பதாகத் தகவல்கள் வெளியாகியுள்ளன.
ஜனநாயகன் (Jananaayagan)
தளபதி விஜய்யின் கடைசி படமான ‘ஜனநாயகன்’ படத்தில் பூஜா ஹெக்டே கதாநாயகியாக நடித்துள்ளார். இதில் அவர் கயல் என்ற கதாபாத்திரத்தில் நடித்திருக்கிறார். இந்தப் படத்தை ஹெச். வினோத் இயக்க, கே.வி.என் நிறுவனம் தயாரிக்கிறது.
படத்தின் படப்பிடிப்பு முடிந்து இறுதிக்கட்டப் பணிகள் நடைபெற்று வரும் நிலையில், அடுத்த ஆண்டு பொங்கல் பண்டிகையை முன்னிட்டு இப்படம் வெளியாகும் என எதிர்பார்க்கப்படுகிறது.
தனுஷுடன் இணையும் ‘D55’
இயக்குநர் ராஜ்குமார் பெரியசாமி இயக்கத்தில் தனுஷ் நடிக்கவிருக்கும் புதிய படம் ‘D55’. இப்படத்தில் தனுஷுக்கு ஜோடியாகப் பூஜா ஹெக்டே நடிக்கப்போவதாகத் தகவல்கள் தெரிவிக்கின்றன.
இப்படத்திற்குச் சாய் அப்யங்கர் இசையமைக்கவுள்ளதாகவும் கூறப்படுகிறது. விரைவில் இதற்கான உத்தியோகபூர்வ அறிவிப்பு வெளிவரும் என எதிர்பார்க்கப்படுகிறது.
இதைத் தவிர, ராகவா லாரன்ஸ் இயக்கி நடித்து வரும் ‘காஞ்சனா 4’ படத்திலும் பூஜா ஹெக்டே நடித்து வருகிறார்.