இஷா அம்பானியின் ரூ. 500 கோடி வீட்டை வாங்கியுள்ள ஹாலிவுட் பிரபலம்- யார் தெரியுமா?
ஹாலிவுட் சினிமாவில் மிகவும் பிரபலமான நடிகையும், பாடகியுமாக இருப்பவர் ஜெனிஃபர் லோபஸ்.
இவர் சமீபத்தில் நடிகர் பென் அஃப்லெக் என்பவரை திருமணம் செய்துகொண்டார். பென் வோயேஜ் ஆஃப் தி மிமி என்ற கல்வித் தொடரில் குழந்தை நட்சத்திரமாக அறிமுகமாகி பின் பியர்ல் ஹார்பர், ஆர்கோ, கான் கேர்ள் உள்ளிட்ட படங்களில் நடித்து பிரபலமானார்.
குறிப்பாக 2016ம் ஆண்டு பேட்மேன் Vs சூப்பர்மேன்: டான் ஆஃப்ட் ஜஸ்டிஸ் படத்தில் பேட்மேனாக நடித்து ரசிகர்களை கவர்ந்திருந்தார்.
பென் மற்றும் ஜெனிஃபர் இருவரும் திருமணத்திற்கு பிறகு நியூயார்க் நகரில் வீடு தேடுவதாக செய்திகள் வந்தன.
இந்த நிலையில் இருவரும் லாஸ் ஏஞ்சல்ஸ் நகரில் பெவர்லி ஹில்ஸ் பகுதியில் இந்திய தொழிலதிபர் முகேஷ் அம்பானியின் மகள் ஈஷா அம்பானிக்குச் சொந்தமான ஒரு சொகுசு பங்களாவை வாங்கியுள்ளதாக தகவல் வெளியாகியுள்ளது.
38 ஆயிரம் சதுர அடி கொண்ட இந்த பிரம்மாண்ட சொகுசு பங்களாவை ரூ. 494 கோடிக்கு கொடுத்து வாங்கியுள்ளார்களாம்.
12 பெட்ரூம், ஒரு பெரிய நீச்சல் குளம், டென்னிஸ் பால் கோர்ட், ஜிம், ஸ்பா, சலூன், அவுட்டோர் கிட்சன் ஆகியவை இந்த வீட்டில் இடம்பெற்றுள்ளன.
