பிரபல ஹொலிவூட் நடிகர் டுவெயின் ஜோன்சன் (Dwayne Johnson) நடிக்கும், டிஸ்னியின் மிகவும் எதிர்பார்க்கப்பட்ட நேரடி-திரைப்படமான ‘மோனா’ (Moana Live-Action) படத்தின் முதல் டீஸர் தற்போது வெளியாகி, ரசிகர்களிடையே பெரும் எதிர்பார்ப்பை ஏற்படுத்தியுள்ளது.
இந்த நேரடிப் படத்தில், கதாநாயகி மோனாவாக இளம் நடிகை கேத்தரின் லாகா’ஐயா (Catherine Laga’aia) அறிமுகமாகிறார். 17 வயதான இவர், அவுஸ்திரேலியாவைச் சேர்ந்த சமோவா வம்சாவளியைச் சேர்ந்தவர் என்பது குறிப்பிடத்தக்கது.
அனிமேஷன் மோனா திரைப்படத்தில் சக்திவாய்ந்த அரைகடவுள் மாவி (Maui) கதாபாத்திரத்திற்குக் குரல் கொடுத்த டுவெயின் ஜோன்சனே, இந்த நேரடிப் பதிப்பிலும் அதே கதாபாத்திரத்தில் நடிக்கிறார். டீஸரில் அவரது தோற்றம் ரசிகர்களைக் கவர்ந்துள்ளது.
இந்தப் படம் ஜூலை 10, 2026 அன்று திரையரங்குகளில் வெளியாகும் என எதிர்பார்க்கப்படுகிறது. ‘கடல் என்னை அழைக்கிறது’ (‘The Ocean is Calling’) என்ற தொனிப்பொருளுடன், மோனாவின் தீவு வாழ்க்கை மற்றும் சாகசப் பயணங்களின் காட்சிகளைக் கொண்ட இந்த டீஸர், ரசிகர்களுக்குப் பெரும் உற்சாகத்தைக் கொடுத்துள்ளது.
