நடிகர் அஜித் குமார் மற்றும் இயக்குநர் ஆதிக் ரவிச்சந்திரன் கூட்டணியில் இந்த ஆண்டு வெளிவந்த ‘குட் பேட் அக்லி’ (Good Bad Ugly – GBU) திரைப்படம் மக்கள் மத்தியில் அமோக வரவேற்பைப் பெற்றதுடன், அஜித்தின் திரை வாழ்க்கையில் அதிக வசூல் செய்த படம் என்ற சாதனையையும் படைத்தது. இந்தப் பெரும் வெற்றியைத் தொடர்ந்து, மீண்டும் இந்தக் கூட்டணி AK 64 படத்திற்காக இணைந்துள்ளது.
AK 64 படம் குறித்த அதிகாரப்பூர்வ அறிவிப்பு இதுவரை வெளியாகாத நிலையில், படத்தின் ஷூட்டிங் குறித்த தகவலை இயக்குநர் ஆதிக் ரவிச்சந்திரன் செய்தியாளர்கள் சந்திப்பில் வெளியிட்டுள்ளார்.
“கிட்டத்தட்ட படத்தின் முன் தயாரிப்புப் பணிகள் முடிவுக்கு வந்துவிட்டது” என்று அவர் கூறியுள்ளார்.
“பிப்ரவரி மாதம் முதல் ஷூட்டிங் ஆரம்பம்” என்று அவர் அதிகாரப்பூர்வமற்ற தகவலைத் தெரிவித்துள்ளார்.
AK 64 தனக்குச் ஸ்பெஷல் படம் என்றும், GBU படத்தின் மாபெரும் வெற்றியைத் தொடர்ந்து மீண்டும் அஜித் சார் கொடுத்த இந்த படத்தைச் சிறப்பாக எடுக்க வேண்டும் என்கிற பொறுப்பு இருப்பதாகவும் அவர் தெரிவித்துள்ளார்.
நடிகர் அஜித் குறித்துப் பேசிய ஆதிக், “சினிமாவை தவிர்த்து அஜித் சார் இன்ஸ்பிரேஷனாகத் தான் பார்க்கிறோம். சார் சினிமாவை எந்த அளவிற்கு நேசிக்கிறாரோ, அதே அளவிற்கு அவருடைய பேஷனையும் (Passion) நேசிக்கிறார். இந்தியாவுக்குப் பெருமை தேடித் தருகிறார்” எனவும் புகழாரம் சூட்டியுள்ளார்.