தென்னிந்தியத் திரையுலகின் முன்னணி நடிகையாக வளர்ந்து வரும் ஸ்ரீலீலா, ‘புஷ்பா 2’ படத்தில் ஆடிய ‘கிஸிக்’ (Kissik) பாடல் குறித்தும், தனது எதிர்காலத் திட்டங்கள் குறித்தும் சுவாரசியமான தகவல்களைப் பகிர்ந்துள்ளார்.
தற்போது அவர் கதாநாயகியாக நடித்துள்ள ‘பராசக்தி’ திரைப்படத்தின் புரமோஷன் நிகழ்ச்சியில் கலந்துகொண்டு பேசியபோது அவர் கூறியதாவது, பொதுவாக மற்ற நடிகர்களின் படங்களில் சிறப்புப் பாடல்களுக்கு (Special Appearance) நடனமாடுவது எனக்குப் பிடித்தமான விஷயம் அல்ல. நான் நடிக்கும் படங்களில் மட்டுமே ஆடுவதையே விரும்புகிறேன்.
‘புஷ்பா 2: தி ரூல்’ படத்திற்காக அந்த முடிவை எடுத்தது மிகவும் யோசித்தே எடுக்கப்பட்டது. அந்தப் பாடல் தனக்குப் மிகப்பெரிய அளவில் ‘ரீச்’ (Reach) கொடுத்திருப்பதால், அது சரியான முடிவு என்றே தற்போது கருதுகிறேன்.
இயக்குனர் சுதா கொங்கரா இயக்கத்தில், சிவகார்த்திகேயன் மற்றும் ஸ்ரீலீலா இணைந்து நடித்துள்ள ‘பராசக்தி’ திரைப்படம் பெரும் எதிர்பார்ப்புகளுக்கு மத்தியில் வருகிற ஜனவரி 10-ஆம் திகதி திரையரங்குகளில் வெளியாகிறது.
தமிழ் மற்றும் தெலுங்கு என இரு மொழிகளிலும் ஸ்ரீலீலாவுக்குப் பட வாய்ப்புகள் குவிந்து வருவதால், அவர் தற்போது தென்னிந்திய சினிமாவில் மிகவும் பிஸியான நடிகையாக வலம் வருகிறார்.