திரைப்படம் தவிர தனக்குப் பிடித்த விஷயங்களிலும் தொடர் ஆர்வம் காட்டி வருபவர் நடிகர் அஜித்குமார். அவர் தற்போது தனது திரைத்துறை மற்றும் தனிப்பட்ட ஆர்வம் குறித்த புதிய தகவல்களால் கவனம் ஈர்த்துள்ளார்.
கார் ரேஸிங்கில் தீவிர ஆர்வம் கொண்ட அஜித், இடையில் விலகி இருந்தவர், இப்போது மீண்டும் வேறு எந்த வேலையிலும் கமிட் ஆகாமல், அதில் மட்டுமே கவனம் செலுத்தி வெற்றியும் கண்டார்.
கார் ரேஸிங்கைத் தொடர்ந்து இப்போது அஜித் துப்பாக்கி சுடுதல் (Shooting) பயிற்சியிலும் இறங்கியுள்ளார். இதற்கிடையில், சமீபத்தில் அஜித் கொடுத்த ஒரு பேட்டியும் சமூக வலைத்தளங்களில் வைரலானது.
நடிகர் அஜித் தனது 64வது படமான ‘குட் பேட் அக்லி’ யில் ஹிட் கொடுத்த இயக்குநர் ஆதிக் ரவிச்சந்திரன் இயக்கத்திலேயே நடிக்க உள்ளார். பான்-இந்தியா படமாக, பல மொழி ரசிகர்களைக் கவரும் வகையில் பிரம்மாண்டமாக உருவாக்கப்படவுள்ள இந்தப் படத்தில், சமீபத்தில் ராகவா லாரன்ஸ் மற்றும் விஜய் சேதுபதி இணைந்து நடிக்க இருப்பதாகக் கூறப்பட்டது.
இந்த நிலையில் அஜித்தின் 65வது பட இயக்குநர் குறித்த ஒரு தகவல் தற்போது வெளியாகியுள்ளது. அதாவது, அஜித் தனது 65வது படத்திற்குப் பிரம்மாண்ட இயக்குநர் லோகேஷ் கனகராஜைத் தேர்வு செய்திருப்பதாகக் கூறப்படுகிறது.