தமிழ் சினிமாவில் மங்காத்தா, ஜில்லா, சென்னை 28, மாநாடு உள்ளிட்ட படங்களில் மக்களின் கவனத்தைப் பெற்ற நடிகர் மகத் ராகவேந்திரா, தற்போது தன்னுடைய பிசிக்கல் டிரான்ஸ்பர்மேஷன் (Physical Transformation) குறித்துப் புதிய தகவலை வெளியிட்டுள்ளார்.
விஜய் டிவியின் பிக்பாஸ் நிகழ்ச்சியில் கலந்துகொண்டு சில சர்ச்சைகளில் சிக்கி பாதியிலேயே வெளியேறிய மகத், அதன் பின் படங்கள் பக்கமோ சின்னத்திரை பக்கமோ அதிகம் காணப்படவில்லை.
இந்த நிலையில், அவர் தன்னுடைய புதிய தொடக்கமாக முழு வீச்சில் குத்துச்சண்டைப் பயிற்சியில் ஈடுபட்டுள்ளார்.
மகத் கடந்த ஒரு வருடமாக இந்தியாவில் பாக்ஸிங் பயிற்சி பெற்று வந்தார். இதைத் தொடர்ந்து மூன்று மாதங்கள் ஆஸ்திரேலியாவிலும் பாக்ஸிங் பயிற்சி பெற்றார்.
இந்த வருடம் ஆஸ்திரேலிய சூப்பர் வெல்டர்வெயிட் குத்துச்சண்டை சாம்பியனான கோயன் மசூடியரிடம் (Koen Mazoudier) பயிற்சி பெறும் வாய்ப்பும் அவருக்குக் கிடைத்துள்ளது.
கடின உழைப்பை போட்டுத் தன்னை முழுவதுமாக மாற்றியுள்ள மகத் ராகவேந்திராவின் புகைப்படங்களைப் பார்த்த ரசிகர்கள், “அட இவரா இது” என ஆச்சரியமாகப் பார்க்கின்றனர். அவருடைய இந்தப் புதிய மாற்றம், அவர் மீண்டும் திரையுலகில் நுழையும் முயற்சியாக இருக்கலாம் என்று எதிர்பார்க்கப்படுகிறது.