மிட் வீக் எவிக்ஷனில் வெளியேற்றப்பட்ட விஜய் வர்மா

பிக்பாஸ் ஃபைனலுக்கு இன்னும் சில தினங்களே உள்ள நிலையில், தற்போது மிட் வீக் எவிக்ஷன் நடத்தப்பட்டு விஜய் வர்மா வெளியேற்றப்பட்டுள்ளார்.

பிக் பாஸ் சீசன் 7 நிகழ்ச்சி முடிவடைய இன்னும் ஓரிரு நாட்கள் தான் இருக்கின்றன.

ஆனால் போட்டியாளர்கள் மத்தியில் இருக்கும் பிரச்சனைகள் ஓய்ந்தபாடில்லை.

இந்த சீசனில் ஏகப்பட்ட மோதல்களும், சர்ச்சைகளும் நிகழ்ந்துள்ளன.

பிக் பாஸ் தமிழ் வரலாற்றிலேயே அதிகப்படியான சர்ச்சைகளை சந்தித்த சீசன் இதுவாகத்தான் இருக்கும் என்பதில் எந்த மாற்று கருத்தும் இல்லை.

இந்நிலையில், விஜய் வர்மா வெளியேற்றப்பட்டுள்ளார். தற்போது, விஷ்ணு, தினேஷ், அர்ச்சனா, மாயா , மற்றும் மணிச்சந்திரா ஆகியோர் இறுதி போட்டியில் பங்கேற்பது உறுதியாகியுள்ளது.

மேலும், நிகழ்ச்சி முடிவுக்கு வர இன்னும் சில தினங்கள் மட்டுமே உள்ளதால், பிக்பாஸ் வீட்டில் இருந்து வெளியேறிய போட்டியாளர்கள் மீண்டும் பிக்பாஸ் வீட்டிற்குள் வர துவங்கியுள்ளனர்.

எனினும் ஃபைனலில் யார் வெற்றியாராக அறிவிக்கப்படுவார் என்பதை பொறுத்திருந்து பார்ப்போம்.