10 ஆண்டுகளுக்கு முன் அஜித் வாங்கிய சம்பளம்
இன்று தமிழ் சினிமாவில் அதிகம் சம்பளம் வாங்கும் டாப் 3 ஹீரோக்கள் லிஸ்டில் அஜித்தும் ஒருவர். இவர் அடுத்ததாக நடிக்கவிருக்கும் ஏகே 63 படத்திற்காக ரூ. 163 கோடி வரை சம்பளம் வாங்கியுள்ளார் என கூறப்படுகிறது.
அஜித் நடிப்பில் தற்போது விடாமுயற்சி திரைப்படம் உருவாகி வருகிறது. மகிழ் திருமேனி இயக்கி வரும் இப்படத்தில் நடிப்பதற்காக நடிகர் அஜித் ரூ. 105 கோடி சம்பளம் வாங்கியுள்ளார் என சொல்லப்படும் நிலையில், அடுத்ததாக நடிக்கவுள்ள படத்திற்காக ரூ. 163 கோடி சம்பளம் வாங்கியுள்ளார் என பேசப்பட்டு வருகிறது.
இப்படியொரு நிலையில், இன்றை காலகட்டத்தில் ரூ. 200 கோடி சம்பளத்தை நெருங்கி வரும் அஜித், கடந்த 10 ஆண்டுகளுக்கு முன் வாங்கி சம்பளம் குறித்து தகவல் வெளியாகியுள்ளது. அதன்படி, அஜித் நடிப்பில் கடந்த 2013ஆம் ஆண்டு வெளிவந்து மாபெரும் வெற்றியடைந்த திரைப்படம் ஆரம்பம்.
இப்படத்தை அஜித்தின் ஆஸ்தான இயக்குனர்களில் ஒருவரான விஷ்ணு வர்தன் இயக்கியிருந்தார். இப்படத்தில் அஜித்துடன் இணைந்து நயன்தாரா, ஆர்யா, டாப்ஸி, ராணா உள்ளிட்டோர் நடித்திருந்தனர். மேலும் இப்படத்தில் நடிக்க ரூ. 18 கோடி சம்பளமாக வாங்கினாராம் அஜித் என்பது குறிப்பிடத்தக்கது.
