அஜித்-ன்னா யாருன்னு கேட்ட துரைமுருகன்!

அஜித்-ன்னா யாருன்னு கேட்ட துரைமுருகன்!

நடிகர் அஜித் குமார் என்றால் யார் என்று கேள்வி கேட்ட அமைச்சர் துரைமுருகனை, அஜித் ரசிகர்கள் சமூக வலைதளங்களில் கலாய்த்து வருகின்றனர்.

தமிழக அமைச்சர் துரைமுருகன், செய்தியாளர்கள் ஒரு கேள்வி கேட்டால் அதற்கு வேறு விதத்தில் பதில் சொல்பவர். அதுமட்டுமல்லாமல், அவர் தக் ஃலைப் செய்வதில் வல்லவர்.

கருணாநிதி காலம் முதல் மு.க.ஸ்டாலின் வரை அரசியலில் தனித்துவமான இடத்தை தனக்கென பெற்றுள்ளவர். இவர், சமீபத்தில் யூடியூப் சேனல் ஒன்றுக்கு பேட்டி அளித்திருந்தார்.

அப்போது துரைமுருகனிடம் நெறியாளர், அஜித் படங்கள் பார்த்தது உண்டா என்று கேள்வி கேட்கிறார். அதற்கு, அவர் அஜித் என்றால் யார் என்று கேள்வி கேட்டுள்ளார். தற்போது, துரைமுருகன் பேசிய இந்த பேச்சு தான் ட்ரெண்டிங்கில் உள்ளது.

அமைச்சர் துரைமுருகன் பேசிய பேச்சுக்கு அஜித் ரசிகர்கள், அஜித் ஹேட்டர்ஸ்கள் அனைவரும் கலாய்த்து வருகின்றனர். துரைமுருகன் பேசிய இந்த வீடியோ வைரலானதையடுத்து தற்போது வெளியான ஜெயிலர் பாடல் போட்டு எடிட் செய்த வீடியோ இணையத்தில் பரவி வருகிறது.

மேலும், முன்னாள் முதலமைச்சர் கருணாநிதிக்கு நடந்த பாராட்டு விழாவில் பங்கேற்று நடிகர் அஜித் குமார் பேசினார். அதில் அவர், தன்னை கட்டாயப்படுத்தி நிகழ்ச்சி வரவழைத்ததாகவும், தன்னை மிரட்டுகிறார்கள் என்று பேசி மேடையை அதிர வைத்தார். அந்த வீடியோவையும் அஜித் ரசிகர் ட்ரோல் செய்து வருகின்றனர்.