இந்திய மாணவர்களை ஈர்க்கும் நோக்கில், விசா மற்றும் பணி தொடர்பான அனுமதிகள் பெறுவதை பிரான்ஸ் எளிமையாக்கலாம் என எதிர்பார்க்கப்படுகிறது.
பிரான்ஸ் தலைநகர் பாரீஸிலுள்ள Sciences Po நிறுவனத்தில் புதிய இயக்குநரான Luis Vassy, சமீபத்தில் இந்தியாவுக்குச் சென்றிருந்தபோது, தங்கள் நாட்டில் விசா பிரச்சினை எல்லாம் கிடையாது, ஆகவே தங்கள் நாட்டுக்கு வரலாம் என சர்வதேச மாணவர்களை வரவேற்றது நினைவிருக்கலாம்.
இந்திய மாணவர்களை பிரான்சுக்கு கல்வி கற்க வரவேற்ற Vassy, தங்கள் பல்கலையில் பயிலும் மாணவர்களில் பாதிபேர் வெளிநாட்டவர்கள்தான் என்றும், பல்கலையில் ஆங்கிலத்திலும் பிரெஞ்சு மொழியிலும் கல்வி கற்றுக்கொடுக்கப்படும் என்றும் தெரிவித்திருந்தார்.
கனடா அமெரிக்கா போன்ற நாடுகள் சர்வதேச மாணவர்களுக்கு கெடுபிடி ஏற்படுத்துகின்றன, எங்கள் நாட்டில் அந்த பிரச்சினை எல்லாம் கிடையாது. அதனால், சர்வதேச மாணவர்கள் வந்து எங்கள் நாட்டில் கல்வி கற்கலாம் என்றும் கூறியிருந்தார் Vassy.
இந்நிலையில், பிரான்சிலுள்ள Lyon நகரத்தில் அமைந்துள்ள Emlyon Business School என்னும் கல்வி நிறுவனத்தின் தலைவரான இசபெல் (Isabelle Huault) என்பவரும், இந்திய மாணவர்களை ஈர்க்கும் நோக்கில், விசா மற்றும் பணி தொடர்பான அனுமதிகள் பெறுவதை பிரான்ஸ் எளிமையாக்கலாம் என்று தற்போது கூறியுள்ளார்.
அமெரிக்க ஜனாதிபதி ட்ரம்பின் புலம்பெயர்தல் கட்டுப்பாடுகள், கனடாவுடனான தூதரக உறவில் பிரச்சினைகளுக்கு மத்தியில், இந்திய மாணவர்களை ஈர்ப்பதற்காக, விசா மற்றும் பணி தொடர்பான அனுமதிகள் பெறுவதை பிரான்ஸ் எளிமையாக்கலாம் என்று அவர் கூறியுள்ளார்.
