முட்டைக்கு கட்டுப்பாட்டு விலை விரைவில்
சாதாரண விலையை விடவும் அதிக விலைக்கு முட்டை விற்கப்படுவதால் விரைவில் கட்டுப்பாட்டு விலை நடைமுறைப்படுத்தப்படும் என்று விவசாயத்துறை அமைச்சர் மகிந்த அமரவீர தெரிவித்துள்ளார்.
ஊடகங்களுக்கு கருத்து தெரிவிக்கும்போதே அவர் இதனை தெரிவித்துள்ளார்.
இந்த அதிகபட்ச சில்லறை விலை அடுத்த வாரம் நுகர்வோர் பாதுகாப்பு அதிகார சபைக்குச் சமர்ப்பிக்கப்படும் என்றும் அவர் கூறியுள்ளார்.
மேலும் 50 ரூபாவுக்கும் குறைவாக முட்டையை விற்பனை செய்ய முடியும் என்ற போதிலும் 60 ரூபா வரை சந்தையில் விற்பனை செய்யப்படுகின்றது என்றும் அமைச்சர் குறிப்பிட்டுள்ளார்.
