அஜித்தின் விடாமுயற்சி படத்தின் ஃபஸ்ட் லுக் எப்போது?- வெளிவந்த தகவல்
தமிழ் சினிமா ரசிகர்கள் அடுத்து ஆவலாக பார்க்க விரும்பும் திரைப்படம் அஜித்தின் விடாமுயற்சி தான்.
துணிவு படத்தை தொடர்ந்து அவர் விக்னேஷ் சிவன் இயக்கத்தில் தான் தனது 62வது படத்தில் நடிக்க இருந்தார், ஆனால் அவர்களது கூட்டணி அமையவில்லை.
அதன்பிறகு லைகா நிறுவனம் தயாரிப்பில் மகிழ்திருமேனி இயக்கத்தில் தனது 62வது படத்தில் நடிக்க தொடங்கினார்.
அஜர்பைஜானில் படத்தின் படப்பிடிப்புகள் நடந்துவந்த நிலையில் அங்கு முடிந்துள்ளது. அடுத்தகட்டமாக சென்னை அல்லது மும்பையில் அடுத்தக்கட்ட படப்பிடிப்பு நடக்கும் என கூறப்படுகிறது.
அண்மையில் படம் குறித்து வந்த தகவல் என்னவென்றால், வரும் பிப்ரவரி 2ம் வாரத்தில் படத்தின் ஃபஸ்ட் லுக் வெளியாகும் என கூறப்படுகிறது, அதற்கான படப்பிடிப்பும் முடிந்ததாக தகவல்கள் தெரிவிக்கின்றன.
அனிருத் 5 பாடல்களை இசையமைத்து முடித்துள்ளதாகவும், அதில் ஆலுமா டோலுமா போல ஒரு குத்து பாடல் இருக்கிறது என்கின்றனர்.
படத்தின் இறுதிக்கட்ட படப்பிடிப்பு பிப்ரவரியில் ஹைதராபாத்தில் முடிவடைந்து ஏப்ரலில் படம் ரிலீஸ் ஆகும் என செய்திகள் வருகின்றன.
