சூப்பர் ஸ்டார் ரஜினிகாந்த் கடந்த 50 ஆண்டுகளுக்கும் மேலாக இந்தியத் திரையுலகின் அடையாளமாக விளங்குபவர் என்றும், யாராலும் எட்டிப்பிடிக்க முடியாத உயரத்தில் அவர் இருப்பதாகவும் அண்ணாமலை சுட்டிக்காட்டியுள்ளார். இந்த இடம் அவருக்கு எளிதில் கிடைக்கவில்லை; அரை நூற்றாண்டு காலக் கடின உழைப்பு, விடாமுயற்சி மற்றும் கலைத் திறனால் மக்களால் வழங்கப்பட்ட கௌரவம் அது என அவர் புகழ்ந்துள்ளார்.

ரஜினிகாந்தின் மனவலிமை குறித்து விமர்சிப்பவர்களைச் சாடிய அண்ணாமலை, “தனக்கென தனி அடையாளம் இல்லாமல், மாமனாரின் பணத்தை வைத்துப் பல கட்சிகள் மாறி அடையாளம் தேடிக்கொள்பவர்கள், ஐம்பது ஆண்டுகளாக உச்சத்தில் இருக்கும் ஒருவரின் மனவலிமையைப் பேசுவது நகைப்புக்குரியது” எனச் சாடியுள்ளார். அன்றும், இன்றும், என்றும் அவர் சூப்பர் ஸ்டாராக இருப்பதற்கு அவரது அபாரமான மனவலிமையே காரணம் என்றும் அவர் பதிவிட்டுள்ளார்.

ஆதவ் அர்ஜுனாவின் இந்தப் பேச்சு ரஜினி ரசிகர்கள் மற்றும் அரசியல் வட்டாரத்தில் பெரும் பரபரப்பை ஏற்படுத்தியிருந்த நிலையில், அண்ணாமலையின் இந்த ஆதரவு அறிக்கை ரஜினிகாந்தின் ஆளுமையைப் பாதுகாக்கும் வகையில் அமைந்துள்ளதாகக் கருதப்படுகிறது. ஒரு தலைவரின் கலை மற்றும் தனிப்பட்ட பயணத்தைச் சிறுமைப்படுத்துவதை ஏற்க முடியாது என்பதே அண்ணாமலையின் கருத்தின் சாரமாக உள்ளது.

விஜய்யின் அரசியல் பிரவேசம் குறித்து முன்வைக்கப்பட்ட கேள்விகளுக்குப் பதிலளித்த நாமல் ராஜபக்ஷ, விஜய் ஒரு சிறந்த கலைஞர் என்பதைத் தாண்டி, அரசியலில் ஈடுபடும்போது அவர் எதிர்கொள்ள வேண்டிய சவால்களைச் சுட்டிக்காட்டினார். “நடிப்பு என்பது வேறு, அரசியல் என்பது முற்றிலும் வேறு என்பதை அவர் உணர வேண்டும். சினிமாவில் நடிப்பது போலல்லாமல், அரசியலில் அவர் ஒரு ‘நிஜக்காலத் திரைக்கதையை’ (real-time script) எதிர்கொள்ள வேண்டியிருக்கும். அரசியல் என்பது முழுநேரப் பொறுப்புடைய பணி” என அவர் அறிவுறுத்தியுள்ளார். மேலும், அவர் அரசியலில் இன்னும் சோதிக்கப்படவில்லை என்றும், அவரது திறமை மற்றும் செல்வாக்கு எவ்வாறு அரசியல் களத்தில் செயல்படுகிறது என்பதைப் பொறுத்திருந்துதான் பார்க்க வேண்டும் என்றும் தெரிவித்தார்.

கச்சத்தீவு தொடர்பான விஜய்யின் அரசியல் நிலைப்பாடு குறித்த கேள்விக்கு பதிலளிக்கையில், நாமல் ராஜபக்ஷ தனது உறுதியான நிலைப்பாட்டை வெளிப்படுத்தினார். 1974 ஆம் ஆண்டு இரு நாடுகளுக்கும் இடையே கையெழுத்திடப்பட்ட ஒப்பந்தத்தின்படி, கச்சத்தீவு இலங்கையின் இறையாண்மைக்கு உட்பட்ட ஒரு பகுதி என்பதை அவர் மீண்டும் வலியுறுத்தினார். இது போன்ற உணர்ச்சிகரமான விடயங்கள் குறித்துப் பேசும்போது, மாநில அரசு சார்ந்த அரசியலைப் பார்க்காமல், இரு நாடுகளின் மத்திய அரசுகளுக்கு இடையிலான இராஜதந்திர உறவுகளின் அடிப்படையில் அணுக வேண்டும் என்றும் அவர் கேட்டுக்கொண்டார்.

தனது கருத்துக்கள் ஒருவேளை சர்ச்சையை ஏற்படுத்தலாம் என்பதை நகைச்சுவையாகக் குறிப்பிட்ட நாமல் ராஜபக்ஷ, விஜய்யின் மீதுள்ள மதிப்பையும், தென்னிந்திய சினிமா மீதான தனது ஈடுபாட்டையும் வெளிப்படையாகப் பகிர்ந்து கொண்டார். இந்தியா மற்றும் இலங்கை இடையிலான கலாசார உறவுகளின் முக்கியத்துவத்தையும், அதே சமயம் அரசியல் களத்தில் நிலவும் எதார்த்தங்களையும் தனது உரையின் ஊடாக அவர் முன்வைத்துள்ளார்.

இந்தியாவின் தமிழ் நாட்டைச் சேர்ந்த அரசியல்வாதியும் தேர்தல் வியூக வகுப்பாளரும் விளையாட்டுத்துறை நிர்வாகியுமாகிய ஆதவ் அர்ஜுனா விடுதலை சிறுத்தைகள் கட்சியின் துணைப் பொதுச்செயலாளராக இருந்து கடந்த ஆண்டு டிசம்பரில் கட்சியிலிருந்து விலகினார். விலகிய பின்னர் விஜயுடன் மிகவும் நெருக்கமான நட்பினை வளர்த்து கொண்ட இவர் தற்போது விஜய் கட்சியில் இணையவுள்ளதாக தெரியவந்துள்ளது.

மற்றும் இவருக்கு கட்சியில் முக்கிய பதவியினை வழங்கவுள்ளதாக குறிப்பிடப்பட்டுள்ளது. இன்றைய தினம் ஒரு மணிநேரம் இடம்பெற்ற கலந்துரையாடலின் பின்னர் கட்சியின் உட்கட்டமைப்பினை அமைக்கும் பணியினை இவருக்கு அளித்துள்ளதாக அரசியல் வட்டாரங்களில் செய்திகள் வைரலாகியுள்ளது.

மற்றும் சுமூகமான முறையில் பேச்சு வார்த்தைகள் முடிவடைந்துள்ளதுடன் உத்தியோகபூர்வ செய்திகள் இது குறித்து இன்னும் வெளியாகவில்லை என்பதும் குறிப்பிடத்தக்கது.

விமானப்படை தினத்தை முன்னிட்டு, சென்னை மெரினா கடற்கரையில் மிகப் பெரிய விமான வான் சாகச நிகழ்ச்சி பிரம்மாண்டமாக நடந்து முடிந்தது. என்றாலும் நிகழ்ச்சிக்கு வந்து செல்வதற்கு சரியான போக்குவரத்து வசதி மற்றும் முறையான திட்டமிடல் இல்லாதததால் போக்குவரத்து நெரிசலில் சிக்கி பலர் நிகழ்ச்சியை காண முடியாமல் ஏமாற்றம் அடைந்துள்ளனர்.

மேலும் இதில் சிலர்ரணமடைந்தனர். இந்த சோகமான நிகழ்வினை முன்னிட்டு tvk தலைவர் தளபதி விஜய் தனது டுவிட்டர் பக்கத்தில் இவ்வாறு பதிவிட்டுள்ளார். சென்னையில் இந்திய விமானப் படை சார்பில், மெரினா கடற்கரையில் நடைபெற்ற சாகச நிகழ்ச்சியின் போது 5 பேர் உயிரிழந்த நிகழ்வு, வேதனையளிக்கிறது. அவர்களது குடும்பத்தினருக்கு என்னுடைய ஆழ்ந்த அனுதாபங்களைத் தெரிவித்துக் கொள்கிறேன்.

இந்நிகழ்ச்சியின் போது, அடிப்படை வசதிகள், போக்குவரத்து வசதிகள் மற்றும் பாதுகாப்பு உள்ளிட்டவை மீது அரசு போதுமான கவனம் செலுத்தவில்லை என்று நிகழ்ச்சியில் கலந்துகொண்ட பொதுமக்கள், தங்கள் வேதனையை வெளிப்படுத்திய செய்திகள் ஊடகங்களில் வந்துள்ளன.

இப்படி மக்கள் அதிக அளவில் கூடுகிற இடங்களில் அடிப்படை மற்றும் அத்தியாவசியத் தேவைக்கான வசதிகளையும் பாதுகாப்பையும் திறம்படச் செயல்படுத்துவதில், இனி வரும் காலங்களில் கவனம் செலுத்த வேண்டும் எனத் தமிழக அரசைக் கேட்டுக்கொள்கிறேன் என்று கூறியுள்ளார்.

நடிகர் விஜய் இன்னும் சில நாட்களில் இலங்கைக்கு ’கோட்’ படத்தின் படப்பிடிப்புக்காக செல்லும்போது ராஜபக்சேவை சந்திக்க திட்டமிட்டுள்ளதாக செய்திகள் கசிந்துள்ளது பரபரப்பை ஏற்படுத்தி உள்ளது.

நடிகர் விஜய் கடந்த சில நாட்களுக்கு முன்னர் தமிழக வெற்றி கழகம் என்ற அரசியல் கட்சியை தொடங்கிய நிலையில், கட்சியின் ஆலோசனை கூட்டத்தை சமீபத்தில் புதுச்சேரியில் நடத்தியதாக செய்திகள் வெளியானது.

இந்த நிலையில் விஜய் நடித்து வரும் ’கோட்’ படத்தின் படப்பிடிப்பு விரைவில் இலங்கையில் நடைபெற இருப்பதாகவும், சமீபத்தில் இலங்கை சென்ற இயக்குனர் வெங்கட் பிரபு லொகேஷன் பார்த்து விட்டு திரும்பி இருப்பதாகவும் கூறப்படுகிறது.

இந்த நிலையில் இலங்கை வரும் விஜய்யை சந்திக்க ராஜபக்சே மற்றும் அவரது மகன் விருப்பம் தெரிவித்துள்ளதாகவும் இந்த சந்திப்புக்கு இலங்கை அமைச்சர் தொண்டைமான் ஏற்பாடு செய்ய வாய்ப்பு இருப்பதாகவும் கூறப்படுகிறது.

தமிழர்களின் எதிரியாக கருதப்படும் ராஜபக்சேவை விஜய் சந்தித்தால், தமிழகத்தில் கடும் எதிர்வினைகள் ஏற்படும் என்று எதிர்பார்க்கப்படுகிறது. குறிப்பாக சீமான் உள்ளிட்ட இலங்கை தமிழ் ஆதரவாளர்கள், விஜய் – ராஜபக்சே சந்திப்பு நடந்தால் கடுமையாக விமர்சிப்பார்கள் என்றும் அதன் பிறகு அவர் தமிழகத்தில் அரசியல் செய்ய முடியுமா என்ற கேள்விக்குறி எழுந்தாலும் ஆச்சரியப்படுவதற்கு இல்லை என்றும் கூறப்படுகிறது.

எனவே விஜய் இலங்கைக்கு செல்வாரா? அப்படியே சென்றாலும் நான் ராஜபக்சேவை சந்திப்பதை தவிர்ப்பாரா? என்பதையெல்லாம் பொறுத்திருந்துதான் பார்க்க வேண்டும்.