தனுஷ் இயக்கும் நான்காவது திரைப்படம் தான் இட்லி கடை. தனுஷுடன் இணைந்து இப்படத்தில் அருண் விஜய், நித்யா மேனன், சத்யராஜ் என பலர் நடித்து வருகின்றனர். பீல் குட் படமாக உருவாகும் இப்படத்தின் முதல்கட்ட படப்பிடிப்பு தற்போது நிறைவுபெற்றுள்ளது. விரைவில் இப்படத்தின் இரண்டாம் கட்ட படப்பிடிப்பு துவங்கும் என எதிர்பார்க்கப்படுகின்றது.

இதற்கிடையில் தனுஷ் நிலவுக்கு என்மேல் என்னடி கோபம் என்ற திரைப்படத்தையும் இயக்கி முடித்துள்ளார். முற்றிலும் இளம் நடிகர்களை வைத்து தனுஷ் இயக்கியுள்ள இப்படத்தின் படப்பிடிப்பு முடிவடைந்து போஸ்ட் ப்ரொடக்ஷன் பணிகள் விறுவிறுப்பாக போய்க்கொண்டிருக்கிறது. அநேகமாக டிசம்பர் மாதம் கிறிஸ்துமஸ் பண்டிகையை முன்னிட்டு இப்படம் வெளியாகும்.

இந்நிலையில் தனுஷ் இசைஞானி இளையராஜாவின் வாழ்க்கை வரலாற்றில் நடிப்பதாக பல மாதங்களுக்கு முன்பே அறிவிப்பு வெளியானது. தனுஷ் நடிக்கும் இளையஜாராவின் பயோபிக் கோலிவுட் வட்டாரத்தில் மிகப்பெரிய எதிர்பார்ப்பை உண்டாக்கியது. ஆனால் தற்போது இளையராஜாவின் பயோபிக் படத்தின் படப்பிடிப்பு துவங்க மேலும் சில மாதம் எடுக்குமாம். தற்போது தனுஷ் நடித்து இயக்கி வரும் படங்களின் வேலைகளை முடித்துக்கொண்டு தான் இளையராஜா பயோ பிக்கில் நடிக்கவுள்ளாராம் தனுஷ்.

அருண் மாதேஸ்வரன் இயக்கத்தில் தனுஷ் நடிக்க இருக்கும் திரைப்படம் தான் இளையராஜாவின் பயோபிக். இது தொடர்பான தகவல்கள் சமீப காலமாகவே பரபரப்பாக பேசப்பட்டு வருகிறது.

இசைஞானி இளையராஜா இளம் வயதில் எப்படி இருந்தாரோ அதேபோன்ற லுக்கில் தனுஷின் புகைப்படங்களும் சோசியல் மீடியாவில் வைரலாகி வருகின்றன.

இந்தப் படத்தின் போஸ்டரை சமீபத்தில் படக் குழுவினர் வெளியிட்டு இருந்தனர். அந்த போஸ்டரில் இந்த படம் தமிழ், தெலுங்கு, மலையாளம், இந்தி, கன்னடம் உள்ளிட்ட ஐந்து மொழிகளில் வெளியாக உள்ளதாக அறிவிக்கப்பட்டது.

இதனால் படம் மீதான எதிர்பார்ப்பு ரசிகர்கள் மத்தியில் இன்னும் அதிகமாகவே காணப்பட்டது. அத்துடன் இந்த படத்தில் வைரமுத்து, ஏ.ஆர் ரகுமான் ஆகிய இருவரின் கதையும் இடம்பெறுமா? என்ற கேள்வியும் பலருக்கு எழுந்துள்ளது.

ஏனென்றால் இளையராஜாவை ஓரம் கட்டி ஆஸ்கார் விருதை வென்றவர் தான் ஏ.ஆர் ரகுமான். அதுபோல இளையராஜாவும் வைரமுத்துவும் ஏற்கனவே புன்னகை மன்னன், மண்வாசனை, முதல் மரியாதை போன்ற படங்களில் இருந்து பணியாற்றி உள்ளார்கள். ஆனால் இருவருக்கும் இடையில் ஏற்பட்ட ஒரு சில கருத்து வேறுபாடுகள் காரணத்தால் இருவரும் எந்த நிகழ்ச்சியிலும் ஒன்றாக கலந்து கொள்ளவில்லை. அவ்வாறு கலந்து கொண்டாலும் பேசிக் கொள்வதில்லை.

இந்த நிலையில், தற்போது இளையராஜாவின் படத்தில் வைரமுத்துவின் கதாபாத்திரம் இடம் பெறும் என்ற புதிய தகவல் கிடைத்துள்ளது. இருப்பினும் வைரமுத்துவின் கேரக்டரில் யார் நடிப்பார்கள் என்பதை பொறுத்திருந்துதான் பார்க்க வேண்டும்.

இதேவேளை, இளையராஜா , வைரமுத்துவின் பிரிவிற்கு இதுவரையில் என்ன காரணம் என்று யாருக்கும் தெரியவில்லை. பலர் பலவிதமான காரணங்களை சுட்டிக்காட்டி இருந்தாலும் உண்மை என்ன என்பது அவர்கள் இருவர்க்க மட்டும் தான் தெரியும். இதனால் அவர்கள் இருவருக்கும் இடையிலான பிரிவின் மர்மம் பற்றி இந்த படத்தில் கட்டவிழ்க்கப்படுமா? என்பதை பொறுத்திருந்து பார்ப்போம்.