Ai-Da என அழைக்கப்படும் உலகின் முதல் அல்ட்ரா-ரியலிஸ்டிக் கலைஞர் ரோபோவானது பிரித்தானியாவில் உள்ள எய்டன் மெல்லர் என்பவரால் உருவாக்கப்பட்டுள்ளது.

ஓவியங்களை வரைவதற்காக பயன்படுத்தப்படும் குறித்த AI Model ரோபோவானது, கடந்த 2019ஆம் ஆண்டு வடிவமைக்கப்பட்டுள்ளது.

இந்த ரோபோ, தனது கண்களில் உள்ள கெமராக்களை பயன்படுத்தி ஓவியங்கள் வரைவதற்கு திறன் கொண்டுள்ளதுடன் AI அல்காரிதம்கள் மற்றும் ரோபோ கைகளை பயன்படுத்தி நேர்த்தியாக வரைகின்றது.

AI தொழில்நுட்பம் மூலம் பேசும் வகையில் வடிவமைக்கப்பட்டுள்ள இந்த ரோபோவானது, தனது கலை மற்றும் மனிதநேய பண்புகளினால் பலரின் கவனத்தை ஈர்த்துள்ளது.

Ai-Daவினால் வரையப்பட்டுள்ள ஓவியங்களின் கண்காட்சிகள் சர்வதேச அங்கீகாரத்தைப் பெற்றுள்ளன.

அதேவேளை, ஐக்கிய நாடுகள் சபையின் ‘ஏஐ ஃபோர் குட்’ என்னும் நிகழ்வில் Ai-Da ரோபோ, தொழில்நுட்பம் பற்றிய சிறந்த உரை ஒன்றையும் நிகழ்த்தியுள்ளது.

இன்றைய சமுதாயத்தில் தொழில்நுட்பத்தின் மகத்தான ஒருங்கிணைப்பை பிரதிபலிக்கும் முகமாகவே இந்த ரோபோ கலைஞர் கண்டுபிடிக்கப்பட்டுள்ளதாக தெரிவித்துள்ளார்.

சர்வதேச ஓவியப்போட்டியில் இலங்கையைச் (Sri Lanka) சேர்ந்த சிறுமி ஒருவர் முதலிடம் பெற்று பெருமை சேர்த்துள்ளார்.

ஜப்பானில் (Japan) உள்ள யுனிசெப் அலுவலகமும், ஜப்பான் தரச்சான்றிதழ் அலுவலகமும் இணைந்து 23 ஆவது சர்வதேச சிறுவர் ஓவியப்போட்டி நடாத்தியது.

இதன்போது, புத்தளத்தில் உள்ள தேசிய பாடசாலையில் 11 ஆம் தரத்தில் கல்வி கற்கும் பி மலிஷா நிர்மலி (15) என்ற சிறுமி பங்கு பற்றி முதலிடம் பெற்றுள்ளார்.

6 வயது முதல் 15 வயதுக்குட்பட்ட குழந்தைகளுக்காக நடத்தப்பட்ட ஓவியப் போட்டியில் “இயற்கையை நேசிக்கும் குழந்தைகள்” என்ற தலைப்பில் இந்த ஓவியம் சமர்ப்பிக்கப்பட்டுள்ளது.

இந்த போட்டியில் உலகின் 83 நாடுகளைச் சேர்ந்த இலட்சக்கணக்கான சிறுவர்கள் சமர்ப்பித்த ஓவியங்களில் இலங்கை முதலாம் இடத்தைப் பெற்றுள்ளது.

மேலும், குறித்த சிறுமி தேசிய அளவிலான பல கலைப் போட்டிகளிலும் வெற்றி பெற்றுள்ளார்.

காலியில் உள்ள இலங்கை சிறுவர் கலை நிலையத்தின் பணிப்பாளர் பியசேன டி சில்வாவின் வழிகாட்டலின் கீழ் இலங்கையிலிருந்து சிறுவர்கள் இந்த கலைப் போட்டிக்கு ஓவியங்களை சமர்ப்பித்திருந்தனர்.