ஒன்லைனில் 14 வயது சிறுமி என்று சந்திக்க சென்ற நபருக்கு காத்திருந்த அதிர்ச்சி

ஒன்லைனில் 14 வயது சிறுமி என்று சந்திக்க சென்ற நபருக்கு காத்திருந்த அதிர்ச்சி

சுவிட்சர்லாந்தில், இணையம் வாயிலாக சிறுமி ஒருத்தியுடன் பழகிவந்த ஒருவர், அவளை நேரில் சந்திக்க விரும்புவதாகக் கூறி, அவளைக் காண்பதற்காக நீண்ட பயணம் மேற்கொண்டுள்ளார்.

ஜெனீவாவிலிருந்து சுமார் 120 கிலோமீற்றர் பயணித்து அந்தச் சிறுமியைக் காணச் சென்ற அந்த 50 வயது நபருக்கு பெரும் ஏமாற்றம் மட்டுமல்ல, கூடவே அதிர்ச்சியும் காத்திருந்தது.

ஆம், அவர் இவ்வளவு நாளும் 14 வயது சிறுமி என்று நினைத்து இணையம் வாயிலாக பேசிவந்தது ஒரு பொலிசாரிடம் என்பது அப்போதுதான் அவருக்குப் புரிந்துள்ளது.

இப்படிச் சின்னப் பிள்ளைகளை ஆசை காட்டி மயக்கும் ஆண்களைப் பொறிவைத்துப் பிடிப்பதற்காகவே தனியாக பொலிசார் இருக்கிறார்கள்.

Neuchatel வரை பயணம் செய்து வந்த அந்த நபரை, அங்குள்ள பொலிசார் பிடித்து சம்பந்தப்பட்ட துறை விசாரணை அதிகாரிகளிடம் ஒப்படைத்துள்ளார்கள்.