பெரிய வெங்காயத்துக்கு வரி 40 ரூபா!

பெரிய வெங்காயத்துக்கு வரி 40 ரூபா!

பெரிய வெங்காயத்துக்கான இறக்குமதி வரியை அதிகரிக்க தீர்மானிக்கப்பட்டுள்ளது என அமைச்சர் மஹிந்தானந்த அளுத்கமகே தெரிவித்துள்ளார்.

இதன்படி ஒரு கிலோ பெரிய வெங்காயத்துக்கு 40 ரூபா இறக்குமதி வரி விதிக்க தீர்மானம் செய்யப்பட்டுள்ளது என அவர் மேலும் தெரிவித்துள்ளார்.

அமைச்சரவை முடிவுகளை அறிவிக்கும் ஊடக சந்திப்பிலேயே அவர் இவ்வாறு குறிப்பிட்டுள்ளார்.

உள்நாட்டு விவசாயிகளின் உற்பத்தியை பலப்படுத்தும் நோக்கில் அரசு இந்தத் தீர்மானத்தை மேற்கொண்டுள்ளது.

அத்தோடு தற்போது பெரிய வெங்காயத்தை இறக்குமதி செய்தால் உள்நாட்டு விவசாயிகள் பாதிக்கப்படுவர் என்பதன் காரணமாக இறக்குமதி வரியை 40 ரூபாவாக விதிக்க தீர்மானிக்கப்பட்டுள்ளது என அவர் தெரிவித்துள்ளார்.

உள்நாட்டு விவசாயிகளின் வெங்காயச் செய்கையில் எதுவித பிரச்சினைகளும் தோன்றாது எனவும் அவர்களின் உற்பத்திக்கு சிறந்த விலை கிடைக்கும் எனவும் அவர் மேலும் குறிப்பிட்டுள்ளார்.

ர்.