10 மொழிகளில் 3டியில் வெளியாகும் சூர்யா படம்! மோஷன் போஸ்டர் இணையத்தில் வைரல்

இயக்குனர் சிவா இயக்கும் படத்தில் சூர்யா தற்போது நடித்து வருகிறார்.

சூர்யா 42 என்று தற்காலிகமாக பெயரிடப்பட்டுள்ள இப்படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கின்றனர்.

இப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர். தேவி ஸ்ரீ பிரசாத் இசையமைக்கவுள்ள இப்படத்தின் படப்பிடிப்பு சில தினங்களுக்கு முன்பு பூஜையுடன் தொடங்கியது.10 மொழிகளில் 3டியில் வெளியாகும் இந்த படத்தின் மோஷன் போஸ்டர் இன்று காலை வெளியாகி சமூக வலைதளத்தில் வைரலாகி வருகிறது.

இந்நிலையில், அரத்தர், வெண்காட்டர், மண்டாங்கர், முக்காட்டர், பெருமனத்தார் என்ற பல கதாபாத்திரத்தில் சூர்யா நடிக்கவுள்ளதாக கூறப்படுகின்றது.

இதற்காக ஸ்பெஷல் மேக்கப் டெஸ்டுகள் மற்றும் போட்டோஷூட்கள் எடுத்த பிறகே இந்த கதாபாத்திரங்கள் உறுதி செய்யப்பட்டதாகவும் தகவல் வெளியாகியுள்ளது.

#Suriya #Cinema