இந்தப் புதிய பயணத்தின் தொடக்க விழாவில் ரவி மோகனுடன், பாடகி கெனிஷா பிரான்சிஸும் கலந்துகொண்டார். இந்நிகழ்வின் போது கெனிஷா தனது இன்ஸ்டாகிராம் பக்கத்தில் ஒரு நெகிழ்ச்சியான வீடியோவை வெளியிட்டார். அதில், “ரவி மோகன் பல வருடங்களாகத் தனது முதல் படத்தை இயக்க வேண்டும் என்று காத்திருந்தார். பல தடைகள் மற்றும் கஷ்டங்களைக் கடந்து, இன்று அவர் தனது கனவை நனவாக்குகிறார். எவ்வளவு விமர்சனங்கள் மற்றும் நெகட்டிவிட்டி இருந்தாலும், நான் எப்போதும் அவர் பக்கமே இருப்பேன்” எனப் பாராட்டிப் பேசியுள்ளார்.

இருப்பினும், கெனிஷா பதிவிட்டிருந்த வீடியோவில் அவர் குறிப்பிட்ட “கடந்த கால வாழ்க்கை” தொடர்பான கருத்துகள் சமூக வலைதளங்களில் மீண்டும் சர்ச்சையைக் கிளப்பியுள்ளன. சிலர் ரவி மோகனின் புதிய முயற்சியை மனதார வாழ்த்தினாலும், கெனிஷா தேவையில்லாமல் பழைய விஷயங்களைப் பேசுவதைத் தவிர்த்திருக்கலாம் என விமர்சித்து வருகின்றனர். முன்னதாக, ரவி மோகன் மற்றும் பாடகி கெனிஷா இடையே நிலவும் நட்பு, அவரது குடும்ப வாழ்க்கையில் விரிசலை ஏற்படுத்தியதாகக் கூறப்பட்ட விவகாரங்கள் நீண்ட காலமாகப் பேசப்பட்டு வருவது குறிப்பிடத்தக்கது.

தனது தனிப்பட்ட வாழ்க்கை விவகாரங்கள் குறித்துப் பேசியபோது, மனைவி ஆர்த்தி மற்றும் அவரது குடும்பத்தினர் தன்னை நடத்திய விதம் குறித்து ரவி மோகன் முன்னரே பகிரங்கமாகக் குற்றச்சாட்டுகளை முன்வைத்திருந்தார். அக்குற்றச்சாட்டுகள் பெரும் பரபரப்பை ஏற்படுத்திய நிலையில், தற்போது ரவி மோகன் மீண்டும் தனது படைப்பாற்றலில் கவனம் செலுத்தத் தொடங்கியுள்ளார். நடிகராகப் புகழ்பெற்ற ரவி மோகன், முதல்முறை இயக்குநராக யோகி பாபுவை வைத்துப் படம் எடுக்கும் இந்த புதிய முயற்சி, ரசிகர்களிடையே பெரும் எதிர்பார்ப்பை ஏற்படுத்தியுள்ளது.

நடிகர் யோகி பாபு கோலிவுட்டில் முக்கிய காமெடியன்களில் ஒருவர். அவர் தற்போது அஜித், விஜய், ரஜினி என பல முன்னணி நடிகர்களின் படங்களில் காமெடியனாக நடிப்பது மட்டுமின்றி கதையின் நாயகனாகவும் பல படங்களில் நடித்து வருகிறார்.

அந்த வகையில், கடைசியாக ‘போட்’ படத்தில் நடித்துள்ளார். ஆன்மீகத்தில் மிகுந்த பற்று கொண்ட யோகி பாபு ஒவ்வொரு படம் முடிந்த பின் கோயில் கோயிலாக சென்று வருவதை நம்மால் காண முடிகிறது.

அதோடு, கையில் பல நிறங்களில் கயிறும், காப்பும், தாயத்தும் கட்டியிருப்பார். இந்நிலையில், நிகழ்ச்சி ஒன்றில் தொகுப்பாளர் ஒருவர் அவரிடம் இது குறித்து கேள்வி எழுப்பினார்.

அதாவது, நாளுக்கு நாள் உங்கள் கையில் கயிறு அதிகரித்து கொண்டு இருக்கிறது. அதற்கு காரணம் என்ன என்று கேட்க, அதற்கு, “இது சாமி விஷயம். மேலும், இது தேவையற்ற கேள்வி.

நீ இல்லை, நான் இல்லை நம் முன்னோர்களுக்கு முன் உருவான விஷயம் இது. இது தொடர்பாக பேச வேண்டாம்” என நச்சென்று பதிலளித்துள்ளார்.

தமிழ் சினிமாவில் முன்னணி நடிகரான அஜித் தற்போது விடாமுயற்சி படத்தை முடித்துவிட்டு குட் பேட் அக்லீ படத்தில் நடித்து கொண்டு வருகிறார்.

அஜித்தின் குட் பேட் அக்லீ படம் வரும் பொங்கலுக்கு ரிலீஸ் ஆகும் என தயாரிப்பாளர் ஏற்கனவே அறிவித்திருந்தார்.

மேலும் இசையமைப்பார் தேவி ஸ்ரீ பிரசாத் இப்படத்தில் இருந்து நீக்கப்பட்டு, அவருக்கு பதிலாக தற்போது ஜீ.வி.பிரகாஷ் ஒப்பந்தம் ஆகி இருக்கிறார்.

ஜீ.வி.பிரகாஷ், அஜித்தின் குட் பேட் அக்லீ படத்தில் இசையமைக்க இருப்பதால் ரசிகர்களுக்கு படத்தின் மீது எதிர்ப்பார்ப்பு அதிகரித்துள்ளது.

இந்நிலையில், குட் பேட் அக்லீ ஷூட்டிங் ஸ்பாட்டில் யோகி பாபு தல அஜித்துடன் எடுத்த வீடியோ ஒன்றை அவரது ட்விட்டர் தளத்தில் பதிவிட்டுள்ளார். தற்போது இந்த வீடியோ இணையத்தில் வைரலாகி வருகிறது.

பாகுபலி படத்திற்கு பின் உலக சினிமா ரசிகர்கள் அனைவரும் தலைமேல் தூக்கி வைத்து கொண்டாடிய ஹீரோ பிரபாஸ். இவர் நடிப்பில் கடைசியாக வெளிவந்த திரைப்படம் கல்கி 2898 AD. இப்படத்தை நாக் அஸ்வின் இயக்கியிருந்தார்.

கல்கி உலகளவில் ரூ. 1000 கோடிக்கும் மேல் வசூல் செய்து சாதனை படைத்தது. அடுத்ததாக பிரபாஸ் நடிப்பில் உருவாகி வரும் திரைப்படம் தி ராஜா சாப். இப்படத்தை மாருதி என்பவர் இயக்கி வருகிறார். மேலும் இப்படத்தில் மாளவிகா மோகனன், யோகி பாபு, நிதி அகர்வால், சஞ்சய் தத் உள்ளிட்டோர் நடித்து வருகிறார்கள்.

இந்த நிலையில், இன்று நடிகர் பிரபாஸின் பிறந்தநாள் என்பதினால், பிரபாஸின் ரசிகர்களுக்கு விருந்தளிக்கும்படி, ராஜா சாப் படத்தின் மோஷன் போஸ்டர் வீடியோவை வெளியிட்டுள்ளனர்.

திகில் கதைக்களத்தில் பிரபாஸ் நடித்துள்ள இப்படம் கண்டிப்பாக ரூ. 1000 கோடிக்கும் மேல் வசூல் செய்யும் என ரசிகர்கள் இப்போதே சமூக வலைத்தளத்தில் கூறி வருகிறார்கள்.

திரையரங்கில் ரசிகர்களால் எப்படி ஒரு திரைப்படம் கொண்டாடப்படுகிறதோ, அதே போல் அப்படத்தை OTT-ல் கொண்டாடவும் குறிப்பிட்டு ரசிகர்கள் கூட்டம் காத்திருக்கிறது.

இந்த நிலையில், இந்த வாரம் OTT-ல் வெளிவரவுள்ள தரமான தமிழ் திரைப்படங்கள் மற்றும் வெப் தொடர் குறித்து கீழே காணலாம்.

கார்த்தியின் அட்டகாசமான நடிப்பில் வெளியான திரைப்படம் மெய்யழகன். பிரேம் குமார் இயக்கத்தில் வெளியான இந்த படத்தில் ரவிந்த் சாமி, ஸ்ரீதிவ்யா, ராஜ்கிரண் என முன்னணி நட்சத்திரங்கள் இணைந்து நடித்துள்ளனர். இப்படம் வரும் அக்டோபர் 25-ந் தேதி நெட்பிளிக்ஸ் ஓடிடி தளத்தில் வெளியாக உள்ளது.

தமிழ் சினிமாவில் தற்போது நடிப்பு, இசை, படங்களை இயக்குவது என பல துறைகளில் கலக்கி கொண்டிருக்கும் ஹிப்ஹாப் ஆதி நடித்தும், இயக்கியும் வெளிவந்த திரைப்படம் கடைசி உலகப் போர்.

இப்படம் வருகிற அக்டோபர் 25-ந் தேதி அமேசான் பிரைம் ஓடிடி தளத்தில் வெளிவர உள்ளது.

சீனு ராமசாமி இயக்கத்தில் கடந்த செப்டம்பர் 20 வெளிவந்த படம் கோழிப்பண்ணை செல்லதுரை. யோகிபாபு, பிரிகிடா, ஏகன் ஆகியோர் முக்கிய கதாபாத்திரத்தில் நடித்து வெளிவந்த இந்த படம் அக்டோபர் 24 அமேசான் பிரைம் ஓடிடி தளத்தில் வெளியாகிறது.

நடிகை சாய் தன்ஷிகா, சந்தோஷ் பிரதாப், தேவதர்ஷினி, பொன்வண்ணன் ஆகியோர் முக்கிய கதாபாத்திரத்தில் நடித்து வெளிவந்த வெப் தொடர் ஐந்தாம் வேதம். இந்த தொடர் அக்டோபர் 25-ம் தேதி ஜீ5 ஓடிடி தளத்தில் வெளியாக உள்ளது.

விஜய் டிவியின் குக் வித் கோமாளி 5ம் சீசனில் நடுவராக இருந்து வருபவர் மாதம்பட்டி ரங்கராஜ். அவர் சமையல் துறையில் பிரபலம் என்பதால் குக் வித் கோமாளி ஷோவில் பங்கேற்கும் வாய்ப்பு கிடைத்தது.

இதற்கு முன்பு மெஹந்தி சர்க்கர்ஸ் படத்தில் அவர் நடித்து இருந்தார் என்பது எல்லோருக்கும் தெரியும். தற்போது அவர் மீண்டும் ஒரு படத்தில் ஹீரோவாக நடித்து இருக்கிறார்.

யோகி பாபு உடன் சேர்ந்து மிஸ் மேகி என்ற படத்தில் தான் மாதம்பட்டி ரங்கராஜ் நடித்து இருக்கிறார். இதில் அவருக்கு ஜோடியாக ஆத்மிகா நடித்து உள்ளார்.

வெப் சீரிஸ் என்பது ஹாலிவுட் கலாச்சாரத்தில் மட்டுமே இருக்க தற்போது இந்தியாவிலும் கொடிக்கட்டி பறக்கிறது. அதிலும் கொரோனா காலத்துக்கு அப்றம் பல வெப் சீரிஸுகளை படையெடுக்க, எப்போதும் ஜாலியான அதே நேரத்தில் தரமான படங்களை கொடுத்த ராதாமோகனின் இயக்கத்தில் யோகிபாபு, கயல் சந்திரன், நிதின் சத்யா, மைனா நந்தினி, நிழல்கள் ரவி நடிப்பில் 6 எபிசோட்-களாக வெளிவந்துள்ள Hotstar-ல் சீரிஸ் தான் இந்த சட்னி சாம்பார். சரி எப்படியிருக்க பார்ப்போம்.

ஊட்டியில் இப்படி ஒரு சாம்பார் எங்கும் கிடைக்காது, ஊர் உலகமே இந்த சாம்பார்-காக தான் வரும் என்பது போல் அமுதா கஃபே என்ற ஹோட்டல் நடத்தி வருகிறார் நிழல்கள் ரவி. அன்பான மனைவி, அழகான குடும்பம் என அவர் இருக்க, அப்போது எதிர்ப்பாராத விதமாக நிழல்கள் ரவிக்கு கேன்சர் 3வது கட்டத்தை அடைய, தன் கடைசி நாட்களை எண்ணிக்கொண்டு இருக்கிறார்.

அப்போது தன் மகன் கயல் சந்திரனை அழைத்து அம்மாவை சந்திப்பதற்கு முன்பு சென்னையில் ஒரு பெண்ணிடம் வாழ்ந்து வந்ததாகவும், அப்போது ஒரு சில காரணத்தால் அந்த பெண்ணை விட்டு வரவேண்டிய கட்டாயம், அந்த பெண் இப்போது உயிரோடு இல்லை, ஆனால் என் பையன் அங்கு இருக்கிறான், என கூறி அவனை அழைத்து வர வேண்டும், நான் இறந்தால் என் சடங்குகள் அனைத்தும் அவனும் செய்ய வேண்டும், இந்த குடும்பத்தில் ஒருவராக அவரை பார்க்க வேண்டும் என சத்தியம் வாங்குகிறார்.

அதற்காக கயல் சந்திரன், நிதின் சத்யா, இளங்கோ ஆகியோர் அந்த பையனை தேடி வர, அந்த பையன் யோகி பாபு சென்னையில் ஒரு தள்ளுவண்டி சாப்பாடு கடை நடந்த, அவர் எவ்ளோ சொல்லியும் அப்பாவிற்காக யோகிபாபுவை ஊட்டிக்கு தூக்கி வருகின்றனர்.

அவர் வந்து நிழல்கள் ரவியை பார்த்தவுடன் அவரும் இறக்கிறார், அதன் பிறகு யோகிபாபு அந்த குடும்பத்தை ஏற்றார்களா என்பதே மீதிக்கதை.

ராதாமோகன் படம் என்றாலே மக்களின் எமோஷ்னல் உணர்வுகாலை மிக அழகாக படம்பிடித்து ஆடியன்ஸிடம் காட்டுவார், அப்படி தான் இந்த அமுதா கஃபே-யிலும், சட்னி சாம்பார் என்ற டைட்டிலை பார்த்ததும் எதோ இரண்டு ஹோட்டலுக்கான யுத்தம் என்று பார்த்தால், மனிதர்களின் வழக்கமான எமோஷ்னல் விஷயங்களை தன் பாணியில் அழகாகவும் காமெடியான வசனங்களுடன் செம ஸ்கோர் செய்துள்ளார் ராதாமோகன்.

அதிலும் யோகி பாபு entry அப்றம் அவர் வசனங்கள் தன் அப்பா நிழல்கள் ரவி தன்னையும் தன் அம்மாவையும் விட்டுவிட்டு ஓடியதால் கடைசி வரை அப்பாவை திட்டிக்கொண்டே இருக்க, தன் அப்பாவால் பல குடும்பங்கள் இங்கு நன்றாக வாழ்கிறது என்று தெரிந்ததும் மனம் மாறுவது என கெரியர் பெஸ்ட் நடிப்பை கொடுத்துள்ளார்.

கயல் சந்திரன், வானி போஜன், மைனா நந்தினி, நிதின் சத்யா, சார்லி, இளங்கோ என ஒரு நட்சத்திர பட்டாளமே நடித்துள்ளனர். அதிலும் எப்போதும் குடித்து தன் வாழ்க்கை மட்டுமின்றி வானி போஜன் வாழ்க்கையையும் சேர்த்து கெடுக்கும் அப்பாவாக சார்லி நம் வெறுப்பை எல்லாம் சம்பாதித்து நடிப்பிலும் அசத்தியுள்ளார்.

அதோடு கயல் சந்திரனை தவிற அவருடைய அக்கா, அம்மா யாரும் யோகி பாபுவை ஏற்றுக்கொள்ளாத நேரத்தில் யோகி பாபு தன் குணத்தால் எப்படி அந்த குடும்பத்தில் நுழைந்தார், என்பதன் காட்சிகள் அத்தனை அழகு.

ஆனால், இத்தனை அழகான காட்சிகள் நகர்ந்தாலும் கடைசியில் நிழல்கள் ரவி இந்த காரணத்திற்காக தான் யோகிபாபு அம்மாவை விட்டு வந்தார் என்று தெரியும் போது இது என்னடா வடிவேலு பேக்கரி காமெடி போல் ஆகிருச்சு என சொல்வதை தவிர்க்க முடியவில்லை.

மேலும், யோகிபாபு அம்மாவாக குக் வித் கோமாளி தீபா நன்றாகவே நடித்திருந்தாலும், அவரின் யங் ஏஜ் என்று காட்டும் போது அவருக்கு வேறு யாராவது கதாபாத்திரம் செய்திருக்கலாம் என தோன்றியது.

வானி போஜனுக்கும் யோகிபாபுவிற்கும் இருக்கும் ஒரு கெமிஸ்ட்ரி அட இது என்னப்பா இவுங்க லவ் பண்றாங்களா இல்லை நண்பர்களா என ஒரு கேள்வி வந்துக்கொண்டே இருக்க, கடைசியாக யோகிபாபு வானி போஜனிடம் ப்ரோபோஸ் செய்யும் இடம் ரசிக்க வைக்கின்றது.

டெக்னிக்கலாக ஒளிப்பதிவு, இசை என்று அனைத்தும் டீசண்ட்.

மொத்ததில் சட்னி, சாம்பார் தனித்தனியாக இருப்பதை விட சேர்ந்து இருந்தால் இன்னும் சுவை அதிகம் என்பதை ராதாமோகன் மீண்டும் தன் ஸ்டைலில் அருமையான விருந்து வைத்துள்ளார்.

தமிழ் சினிமாவில் நகைச்சுவை நடிகர்களில் தற்போது டாப்பில் இருப்பவர் யோகி பாபு. இவர் நடிப்பில் கடைசியாக தமிழில் அரண்மனை 4 வெளிவந்தது. இப்படம் மக்களிடையே அமோக வரவேற்பை பெற்றது.

இதை தொடர்ந்து யோகி பாபு கைவசம் கங்குவா, GOAT, அந்தகன், மெடிக்கல் மிராக்கள் ஆகிய படங்கள் உருவாகி வருகிறது. ஒரு நகைச்சுவை நடிகராகவும் மறுபக்கம் கதையின் நாயகனாகவும் நடித்து வருகிறார்.

அப்படி அவர் நடித்து வெளிவந்த மண்டேலா திரைப்படம் அனைவராலும் ரசிக்கப்பட்டது. தொடர்ந்து மக்களை திரை மூலம் மகிழ வைத்து வரும் நடிகர் யோகி பாபுவின் சம்பளம் குறித்த விவரம் வெளியாகியுள்ளது.

அதன்படி, யோகி பாபு ஒரு நாளைக்கு ரூ. 12 லட்சம் வரை சம்பளம் வாங்கி வருகிறாராம். இந்த தகவலை பிரபல மூத்த பத்திரிகையாளர் பிஸ்மி வலைப்பேச்சு Youtube பக்கத்தில் கூறியுள்ளார் என்பது குறிப்பிடத்தக்கது.

இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டார், தனது அடுத்த படைப்பாக இயக்குநர் சுரேஷ் சங்கையா இயக்கத்தில், நடிகர் யோகிபாபு நடிக்கும் புதிய திரைப்படத்தை, அதிகாரப்பூர்வமாக அறிவித்துள்ளது. ஹாட்ஸ்டார் ஸ்பெஷல் திரைப்படமாக உருவாகவிருக்கும் இந்தப் படத்தில், நடிகர் யோகி பாபு நாயகனாக நடிக்கிறார், லவ்லின் சந்திரசேகர் கதாநாயகியாக நடிக்கிறார். முன்னதாக இயக்குநர் சுரேஷ் சங்கையா இயக்கத்தில் வெளியான “ஒரு கிடாவின் கருணை மனு” மற்றும் “சத்திய சோதனை” படங்கள் பார்வையாளர்கள் மற்றும் விமர்சகர்கள் மத்தியில் நல்ல வரவேற்பைப் பெற்றது.

இந்நிலையில் இந்த புதிய திரைப்படத்தின் அறிவிப்பு, ரசிகர்களை உற்சாகத்தில் ஆழ்த்தியுள்ளது. RB Talkies சார்பில் S.R. ரமேஷ் பாபு மற்றும் Box office studios சார்பில் ஜெகன் பாஸ்கரன் ஆகியோர் இணைந்து இப்படத்தினை தயாரிக்கின்றனர்.

இந்த ஹாட்ஸ்டார் ஸ்பெஷல் திரைப்படத்தில் நடிகர்கள் ஜார்ஜ் மரியன், ரேச்சல் ரெபெக்கா மற்றும் ராமகிருஷ்ணன் ஆகியோர் முக்கிய கதாபாத்திரத்தில் நடிக்கின்றனர். இன்னும் தலைப்பிடப்படாத இப்படத்தின் படப்பிடிப்பு, மதுரை மற்றும் அதன் சுற்றுப்புற கிராமங்களில் படமாக்கப்பட்டு வருகிறது.

படம் குறித்து நடிகர் யோகி பாபு கூறுகையில்.., “சுரேஷ் சங்கையாவின் ஒரு கிடாவின் கருணை மனு மற்றும் சத்திய சோதனை ஆகிய படங்களை நான் பார்த்திருக்கிறேன். எனக்கு மிகவும் பிடித்த படங்கள் .அவருடைய படத்தில் நடிக்க ஆவலுடன் காத்திருந்தேன், அந்த அதிர்ஷ்டகரமான வாய்ப்பு இப்போது கிடைத்துள்ளது. இது டிஸ்னி+ ஹாட்ஸ்டாருடன் நான் இணைந்து பணியாற்றும் இரண்டாவது படைப்பாகும்.

மேலும் வரும் காலங்களில் டிஸ்னி+ ஹாட்ஸ்டார் வழங்கும் பல தரமான கதையம்சமுள்ள படைப்புகளில் நான் தொடர்ந்து நடிப்பேன். இந்த திரைப்படம் ரசிகர்களுக்கு ஒரு புதுமையான அனுபவமாக இருக்கும்” என்றார்.

படம் குறித்து இயக்குநர் சுரேஷ் சங்கையா கூறுகையில்.., “இந்த வாய்ப்பை வழங்கிய டிஸ்னி+ ஹாட்ஸ்டார் மற்றும் தயாரிப்பாளர்களுக்கு நன்றி. இந்த படத்தின் திரைக்கதை அனைத்து பார்வையாளர்களையும் ஈர்க்கும் வகையில், அசத்தலான பொழுதுபோக்குடன், பரபரப்பான ரோலர் கோஸ்டர் அனுபவமாக இருக்கும். மேலும் இப்படத்தில் சமூகத்திற்குத் தேவையான அவசியமான செய்தியும் இருக்கும்” என்றார்.

படம் குறித்து நடிகை லவ்லின் சந்திரசேகர் கூறுகையில், “இயக்குநர் சுரேஷ் சங்கையாவின் அற்புதமான திரைக்கதையில் நடிப்பது மகிழ்ச்சி. இப்படத்தில் நான் அழகான மற்றும் தைரியமான இளம் பெண்ணாக நடிக்கிறேன்.

ஒரு மிகச்சிறந்த திரைப்படத்தின் ஒரு பகுதியாக இருப்பதில் மிகவும் மகிழ்ச்சியாகவும் உற்சாகமாகவும் இருக்கிறேன். தயாரிப்பாளர்கள் மற்றும் ஒட்டுமொத்த படக்குழுவினருக்கும் நன்றி” என்றார். இந்த ஹாட்ஸ்டார் ஸ்பெஷல் படத்திற்கு நிவாஸ் K பிரசன்னா இசையமைக்க, V. தியாகராஜன் ஒளிப்பதிவு செய்யவுள்ளார். P.L. சுபேந்தர் கலை இயக்கம் செய்ய, படத்தொகுப்பை R.ராமர் கையாள்கிறார்.

முன்னணி ஹீரோவாக ரசிகர்களால் கொண்டாடப்பட்டு வரும் நடிகர் ஜெயம் ரவியின் நடிப்பில் கடந்த வாரம் வெளிவந்த திரைப்படம் தான் சைரன். ரிவென்ஜ் கதைக்களத்தில் உருவான இப்படத்தை அறிமுக இயக்குனரான ஆண்டனி பாக்யராஜ் இயக்கியிருந்தார்.

இப்படத்தை ஜெயம் ரவியின் மாமியார் சுஜாதா விஜயகுமார் தயாரிக்க ஜி.வி. பிரகாஷ் இசையமைத்திருந்தார். மேலும் ஜெயம் ரவியுடன் இணைந்து இப்படத்தில் கீர்த்தி சுரேஷ், அனுபமா பரமேஸ்வரன் உள்ளிட்டோர் நடித்திருந்தனர். ஏற்கனவே கோமாளி படத்தில் ஹிட் காம்போ என நிரூபித்த ஜெயம் ரவி – யோகி பாபு கூட்டணி இப்படத்தில் இணைந்தது.

மக்களிடையே நல்ல எதிர்பார்ப்பில் இருந்த இப்படம் சற்று கலவையான விமர்சனங்கள் பெற்று வருகிறது. இந்நிலையில், சைரன் படத்தின் இதுவரையிலான வசூல் குறித்து தகவல் வெளியாகியுள்ளது. அதன்படி, இப்படம் உலகளவில் கடந்த மூன்று நாட்களில் ரூ. 7 கோடிக்கும் மேல் வசூல் செய்துள்ளது.

எதிர்பார்த்ததை விட இது குறைவான வசூல் தான் என திரையுலக வட்டாரத்தில் பேச்சு அடிபடுகிறது. பொறுத்திருந்து பார்ப்போம், இனி வரும் நாட்களில் சைரன் திரைப்படத்தின் வசூல் எப்படி இருக்க போகிறது என்று.