தளபதி விஜயின் தமிழக வெற்றி கழக கட்சியின் தேர்தல் சின்னம் குறித்த தகவல் வெளியாகியுள்ளது.

தமிழக வெற்றி கழகம் என்ற பெயரில் விஜய் தனது அரசியல் பயணங்களை தொடங்கியுள்ளார்.

விஜயின் இந்த அறிவிப்பு அரசியல் வட்டாரங்களில் மிகுந்த பரபரப்பை ஏற்படுத்தியுள்ள நிலையில் தமிழகம் முழுவதும் தொண்டர்கள் பட்டாசு வெடித்து, இனிப்பு வழங்கி கொண்டாடினர்.

இந்நிலையில் விஜய், கட்சியின் கொடியை வடிவமைக்கும் பணியில் ஈடுபட்டு வருகிறார். கொடியின் நிறம் மற்றும் கொள்கைகளை விளக்கும் வகையில் கொடி வடிவமைக்கப்படுகிறது.

கட்சியின் சின்னம் பற்றி கட்சி தலைவர் விஜய், அகில இந்திய விஜய் மக்கள் இயக்கத்தின் பொதுச் செயலாளர் புஸ்சி ஆனந்த் மற்றும் நிர்வாகிகளுடன் தீவிரமாக ஆலோசனை நடத்தி வருகிறார்.

கட்சி சின்னம் பெண்களை கவரும் வகையில் இருக்க வேண்டும் என்ற நோக்கத்தில் தீவிரமாக ஆலோசனை செய்து சின்னம் தேர்வு செய்யப்பட உள்ளது.

ஏற்கனவே தேர்தல் கமிஷனுக்கு 5 சின்னம் கொடுக்கப்பட்டிருந்தது குறிப்பிடத்தக்கது.

இந்நிலையில், அடுத்து பெண்களை கவரும் வகையில் கட்சி சின்னம் தேர்வு செய்யப்பட்டு தேர்தல் கமிஷனுக்கு விரைவில் அனுப்பப்பட உள்ளதாக தகவல்கள் வெளியாகி உள்ளது.

தன்னுடைய அரசியல் பயணத்திற்கு வாழ்த்து தெரிவித்த அனைவருக்கும் தமிழக வெற்றி கழகம் தலைவர் நடிகர் விஜய் நன்றி தெரிவித்துள்ளார்.

பிரபல தமிழ் திரைப்பட நடிகர் விஜய் தமிழக வெற்றி கழகம் என்ற தனது அரசியல் கட்சி பெயரை அதிகாரப்பூர்வமாக வெளியிட்டு அரசியல் பயணத்தை பிப்ரவரி 2ம் திகதி தொடங்கினார்.

நடிகர் விஜய்யின் அரசியல் பயணத்திற்கு தமிழக விளையாட்டு துறை அமைச்சர் உதயநிதி ஸ்டாலின், அதிமுக கட்சி சார்பில் ஜெயக்குமார், மக்கள் நீதி மய்யம் தலைவர் கமல்ஹாசன், நாம் தமிழர் கட்சியின் ஒருங்கிணைப்பாளர் சீமான், நடிகர்கள், நடிகைகள் என போன்ற பல பிரபலங்கள் வாழ்த்து தெரிவித்தனர்.

இந்நிலையில் தனது அரசியல் பயணத்திற்கு வாழ்த்து தெரிவித்த அனைவருக்கும் தமிழக வெற்றி கழகத் தலைவரும், நடிகருமான விஜய் நன்றி தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், தமிழ்நாட்டு மக்களின் பேரன்போடு நான் முன்னெடுத்துள்ள அரசியல் பயணத்திற்கு தங்கள் வாழ்த்துக்களை தங்களது வாழ்த்துக்களை தெரிவித்த பெருமதிப்புக்குரிய பல்வேறு அரசியல் கட்சித் தலைவர்கள் அன்புக்குரிய திரைத்துறை நண்பர்கள், பாசத்துக்குரிய தமிழக தாய்மார்கள், சகோதர,சகோதரிகள், ஊக்கமளிக்கும் ஊடகவியலாளர்கள், “என் நெஞ்சில் குடியிருக்கும் தோழர்கள்” அனைவருக்கும் நெஞ்சார்ந்த நன்றியுடன் பணிவான வணக்கங்கள் என தெரிவித்துள்ளார்.