2026 சட்டமன்ற தேர்தலை இலக்காக கொண்டு விஜய் பணியாற்றி வரும் நிலையில், ஒரு பக்கம் தனது கடைசி படம் என தளபதி 69வது படமான ஜனநாயகன் படத்திலும் நடித்து வருகிறார்.

இந்த நிலையில் விஜய் செய்யும் அரசியல் பற்றி நாளுக்கு நாள் விமர்சனங்களை அரசியல் கட்சியை சேர்ந்தவர்கள் கடும் குற்றச்சாட்டை வைத்து வருகின்றனர். குறிப்பாக ஃபெஞ்சல் புயலால் பாதிக்கப்பட்டவர்களை விஜய் நேரில் அழைத்து நிவாரணம் வழங்கியது பேசுபொருளானது. அரசியலில் விஜய் WORK FROM HOME செய்து வருகிறார் என விமர்சிக்கப்பட்டது.

இதனிடையே விஜய், திரிஷா குறித்து கிசுகிசுக்களும் பரவியது. லியோ படத்தில் இருந்தே இருவருக்கும் நெருக்கம் அதிகரித்திருப்பதாகவும், தனி விமானத்தில் சென்றது, லிப்டில் போட்டோ என அடுத்தடுத்து கிசுகிசுக்கள் எழுந்தாலும், விஜய் தரப்பினர் நண்பர்கள்தான் என கூறி வருகின்றனர்.

இது ஒரு புறம் இருக்க, திமுகவில் அண்மையில் இணைந்த நடிகர் சத்யராஜின் மகள் திவ்யா சத்யராஜ் தற்போது விஜய்யை கடுமையாக விமர்சித்துள்ளார்.

தனியார் ஊடகத்துக்கு அவர் அளித்த பேட்டியில், விஜய் மக்கள் பணியை இன்னும் ஆரம்பிக்கவில்லை, அவருடைய கட்சி திமுகவுக்கு எந்த போட்டியையும் கொடுக்க வாய்ப்பே இல்லை.

இதுவரை தனது படங்களில் தமிழ் நடிகைகளை விஜய் ஏன் நடிக்க வைக்கவில்லை என கேள்வி எழுப்பிய திவ்யா, பிரியா பவானி, திவ்யா துரைசாமி, வாணி போஜன் என தமிழ் நடிகைகள் இருக்கும் போது வடமாநில நடிகைகளுக்கு மட்டும் முக்கியத்துவம் கொடுக்கிறார். தமிழ் நடிகைகளில் திரிஷாவை தவிர வேறு யார் அண்ணா உங்களுக்கு ஜோடியாக நடித்துள்ளார் என கேள்வி எழுப்பியுள்ளார்.