கடந்த 22 ஆண்டுகளாக சினிமாவில் பயணித்த இன்றும் முன்னணி நடிகையாக வலம் வந்து கொண்டிருப்பவர் நடிகை த்ரிஷா. இவர் நடிப்பில் அடுத்ததாக திரைக்கு வரவிருக்கும் திரைப்படம் விடாமுயற்சி.

அஜித்துடன் பல ஆண்டுகளுக்கு பின் இணைந்து நடித்துள்ளார். இயக்குநர் மகிழ் திருமேனி இயக்கத்தில் உருவாகியுள்ள இப்படம் வருகிற பிப்ரவரி 6ஆம் தேதி வெளிவரவுள்ள நிலையில், இதற்கான ப்ரோமோஷன் வேலைகளும் விறுவிறுப்பாக நடைபெற்று வருகிறது.

மகிழ் திருமேனி தொடர்ந்து பல்வேறு தொலைக்காட்சி மற்றும் youtube சேனல்களுக்கு பேட்டியளித்த வருகிறார். இந்த நிலையில், விடாமுயற்சி படத்தில் த்ரிஷா எப்படி நடித்துள்ளார் அவருடைய கதாபாத்திரம் என்ன என்பது குறித்த கேள்விக்கு பதிலளித்துள்ளார்.

இதில் “She is Professional, எந்த பிரச்சனையும் பண்ணாத ஒரு நடிகை. ஒரு artist-ஆ, அது ஒரு challeging-ஆன ஒரு ரோல்-ஆ அத பாத்தாங்க. இந்த படத்தினுடைய முழுமை அவருக்கு பிடித்திருந்தது. அவங்க என் படங்களை பார்த்துருக்காங்க. அவங்களுக்கு மிகவும் மகிழ்ச்சி என்னுடைய படத்தில் நடிக்க வந்ததற்கு. அவங்களுடைய கதாபாத்திரத்தை திறன்பட உணர்ந்து, அவங்க தனி ஒரு sensibility கொண்டு வந்தாங்க.” என கூறியுள்ளார்.

நடிகர் அஜித், துணிவு படத்தை தொடர்ந்து மகிழ்திருமேனி இயக்கத்தில் விடாமுயற்சி என்ற படத்தில் நடித்து வந்தார்.

மங்காத்தா என்ற ஹிட் படத்திற்கு பிறகு அஜித்-த்ரிஷா இருவரும் இப்படம் மூலம் ஜோடி சேர்ந்துள்ளனர், இவர்களை தாண்டி அர்ஜுன், ஆரவ், ரெஜினா உள்ளிட்ட பலர் நடிக்க அனிருத் இசையமைத்துள்ளார்.

இதில் இடம்பெற்றுள்ள Sawadeeka பாடல் வெளியாக ரசிகர்களிடம் செம வைரலானது.

இப்படம் பிப்ரவரி 6ம் தேதி வெளியாகவுள்ள நிலையில் படத்தின் வெளியீட்டு உரிமையை பெற்ற ரெட் ஜெயண்ட் மூவிஸ் நிறுவனம் விடாமுயற்சியை 800 திரைகளில் வெளியிட திட்டமிட்டுள்ளதாக தகவல் வெளியாகியுள்ளது.

அண்மையில் ஒரு பேட்டியில் இயக்குனர் மகிழ்திருமேனி பேசும்போது, ரேஸிங் தொடங்குவதற்கு சில நாட்கள் முன்பு அஜித் ஒரு வார்த்தை கூறினார். நான் ரேஸிங் செல்வதற்கு முன் என் பட வேலைகளை முடித்து விட வேண்டும்.

ரேஸிங்கில் எனக்கு என்ன வேண்டுமானாலும் நடக்கலாம், நான் கார் Acceleratorஐ அழுத்தும் போது 100% அழுத்த வேண்டும், 90% அழுத்தி நான் விளையாட விரும்பவில்லை.

இந்த வேலை இருக்கு, அந்த வேலை இருக்கிறது என நான் யோசிக்க கூடாது என கூறினார். அதைக் கேட்டதும் எனக்கு ஒரு மாதிரி ஆகிவிட்டது என இயக்குனர் பேசியுள்ளார்.