VAT – tamilnaadi.com https://tamilnaadi.com வையகத்தின் உயிர் துடிப்பு Sat, 13 Dec 2025 15:14:00 +0000 ta-LK hourly 1 https://wordpress.org/?v=6.9.4 https://tamilnaadi.com/wp-content/uploads/2023/06/cropped-tamilnaadi_new_icon@3x-32x32.png VAT – tamilnaadi.com https://tamilnaadi.com 32 32 2025 இல் வரி வருமானம் ரூ. 4,033 பில்லியன்: வாகன இறக்குமதி மூலம் ரூ. 350 பில்லியன் ஈட்டியுள்ளது அரசாங்கம்! https://tamilnaadi.com/news/local/government-tax-revenue-hits-rs-4033-billion-in-first-10-months-of-2025-vehicle-imports-contribute-rs-350-billion/ Sat, 13 Dec 2025 15:14:00 +0000 https://tamilnaadi.com/?p=207127 2025ஆம் ஆண்டின் முதல் 10 மாதங்களுக்குள் (ஜனவரி – ஒக்டோபர்) அரசாங்கத்தின் மொத்த வரி வருமானம் 4,033 பில்லியன் ரூபாயாகப் பதிவாகியுள்ளதாக நிதி அமைச்சினால் வெளியிடப்பட்ட அண்மைய அறிக்கை தெரிவிக்கின்றது.

இதில் உள்நாட்டு இறைவரித் திணைக்களம் ஊடாக 1,809 பில்லியன் ரூபாவும், இலங்கை சுங்கம் ஊடாக 1,970 பில்லியன் ரூபாவும், மதுவரித் திணைக்களம் ஊடாக 192 பில்லியன் ரூபாவும் வரி வருமானமாக ஈட்டப்பட்டுள்ளதுடன், ஏனைய வழிகளில் 62 பில்லியன் ரூபாவும் கிடைத்துள்ளதாகக் குறிப்பிடப்பட்டுள்ளது.

நிதி அமைச்சின் தகவல்களின் படி, 2025 ஆம் ஆண்டின் முதல் 10 மாதங்களில், வாகன இறக்குமதி மூலம் ஈட்டப்பட்ட வரி வருமானம் 302 பில்லியன் ரூபாவால் அதிகரித்துள்ளது.

2024 ஆம் ஆண்டின் முதல் 10 மாதங்களில் வாகன இறக்குமதி வரி வருமானம் 48 பில்லியன் ரூபாவாகப் பதிவாகியிருந்ததுடன், 2025 ஆம் ஆண்டில் 350 பில்லியன் ரூபா வரை அதிகரித்துள்ளது.

அரசாங்கத்தின் வரி வருமானத்திற்கு அதிகபட்ச பங்களிப்பு வற் (VAT) வரியின் ஊடாகக் கிடைத்துள்ளதுடன், அது 1,615 பில்லியன் ரூபாவாகும்.

இதற்கு மேலதிகமாக வருமான வரி மூலம் 1,167 பில்லியன் ரூபாவை 2025 ஜனவரி – ஒக்டோபர் காலப்பகுதிக்குள் பெற்றுக்கொள்ள அரசாங்கத்திற்கு முடிந்துள்ளதாகவும் தெரிவிக்கப்பட்டுள்ளது.

 

]]> VAT சட்டமூலத்தில் திருத்தம்! https://tamilnaadi.com/news/local/amendment-in-vat-bill/ https://tamilnaadi.com/news/local/amendment-in-vat-bill/#respond Thu, 15 Dec 2022 11:40:30 +0000 https://tamilnaadi.com/?p=67883 பெறுமதிசேர் வரி (திருத்தச்) சட்டமூலத்தில் (VAT) சபாநாயகர் மஹிந்த யாப்பா அபேவர்தன தனது கையொப்பத்தையிட்டு நேற்று (14) சான்றுரைப்படுத்தினார்.

பெறுமதிசேர் வரி (திருத்தச்) சட்டமூலம் கடந்த 09 ஆம் திகதி திருத்தங்களுடன் மேலதிக வாக்குகளால் பாராளுமன்றத்தில் நிறைவேற்றப்பட்டது.

இச் சட்டமூலத்துக்கு ஆதரவாக 82 வாக்குகளும், எதிராக 41 வாக்குகளும் அளிக்கப்பட்டிருந்தன.

இதற்கமைய சேர்பெறுமதி (திருத்தச்) சட்டமூலம் 2022 ஆம் ஆண்டின் 44 ஆம் இலக்க சேர்பெறுமதி வரி (திருத்தச்) சட்டமாக 2022ஆம் ஆண்டு டிசம்பர் 14 ஆம் திகதி முதல் நடைமுறைக்கு வருகிறது.

#SriLankaNews

]]> https://tamilnaadi.com/news/local/amendment-in-vat-bill/feed/ 0