இது உடலுக்கு பல ஆரோக்கிய நன்மைகளை வழங்குகின்றது. அந்தவகையில் வாழைப்பபூவை வைத்து செய்யக்கூடிய சூப்பரான கிரேவி ஒன்றை இங்கே எப்படி செய்யலாம் என்பதை பார்ப்போம்.

தேவையானவை

• வாழைப்பூ – 2
• வேர்க்கடலை – 2 டேபிள் ஸ்பூன்
• வர மல்லி – 2 டேபிள் ஸ்பூன்
• சீரகம் – 1 ஸ்பூன்
• பட்டை – 1
• கிராம்பு – 2
• தேங்காய் துருவல் – 3 டேபிள் ஸ்பூன்
• எள்ளு – 1 ஸ்பூன்
•  எண்ணெய்  – 2 ஸ்பூன்
• நறுக்கிய வெங்காயம் – 1 கைப்பிடி அளவு
• கருவேப்பிலை – 1 கொத்து
• பச்சை மிளகாய் – 2
• இஞ்சி பூண்டு விழுது – 1 டேபிள் ஸ்பூன்
• தக்காளிப் பழம் – 1
• மஞ்சள் தூள் – 1/4 ஸ்பூன்
• மிளகாய் தூள் – 1 ஸ்பூன்
• கரம் மசாலா – 1/2 ஸ்பூன்
• தேவையான அளவு – உப்பு

செய்முறை

முதலில்  பெரிய கைப்பிடி அளவு வாழைப்பூவை எடுத்துக் கொள்ளுங்கள். அதாவது வாழை பூவை உதிர்த்த பின்பு உள்ளே இருக்கக்கூடிய அந்த வாழைப்பூ 2 கைப்பிடி அளவு தேவை.

சுத்தம் செய்த வாழைபூவை கொஞ்சம் பொடியாக வெட்டி மோர் கலந்த தண்ணீரில் போட்டு வைத்துக் கொள்ளுங்கள். அப்போதுதான் அது கருத்து போகாமல் இருக்கும். இது அப்படியே இருக்கட்டும்.

ஒரு கடாயை அடுப்பில் வைத்து வேர்க்கடலை – 2 டேபிள் ஸ்பூன், வர மல்லி – 2 டேபிள் ஸ்பூன், சீரகம் – 1 ஸ்பூன், பட்டை – 1, கிராம்பு – 2, இந்த பொருட்களை எல்லாம் மணக்க மணக்க வறுத்து விட்டு இறுதியாக தேங்காய் துருவல் – 3 டேபிள் ஸ்பூன் போட்டு வறுத்து, அடுப்பை அணைப்பதற்கு முன்பு எள்ளு – 1 ஸ்பூன் சேர்த்து படபடவென பொரிந்து வந்ததும் அடுப்பை அணைத்து விடுங்கள்.

இந்த எல்லா பொருட்களையும் ஆறிய பின்பு மிக்ஸி ஜாரில் போட்டு கொஞ்சமாக தண்ணீர் ஊற்றி விழுது போல நைசாக அரைத்து வைத்துக் கொள்ளுங்கள்.

அடுத்து ஒரு கடாயை அடுப்பில் வைத்து 2 ஸ்பூன் எண்ணெய் ஊற்றி பொடியாக நறுக்கிய வெங்காயம் – 1 கைப்பிடி அளவு, கருவேப்பிலை – 1 கொத்து, பச்சை மிளகாய் – 2, இஞ்சி பூண்டு விழுது – 1 டேபிள் ஸ்பூன், சேர்த்து நன்றாக வதக்கி விட வேண்டும்.

வெங்காயம் வதங்கி வந்தவுடன் பொடியாக நறுக்கிய தக்காளிப் பழம் – 1, மஞ்சள் தூள் – 1/4 ஸ்பூன், மிளகாய் தூள் – 1 ஸ்பூன், கரம் மசாலா – 1/2 ஸ்பூன், சேர்த்து தக்காளி பழத்தை நன்றாக வதக்கி விட்டு தேவையான அளவு – உப்பு போட்டு, நறுக்கி வைத்திருக்கும் வாழைப்பூவை இதில் சேர்த்து நன்றாக வதக்க வேண்டும்.