இலங்கையிலுள்ள பிரித்தானிய உயர்ஸ்தானிகராலயம் இதற்கு முன்னர் 675,000 ஸ்டெர்லிங் பவுண்டுகள் மனிதாபிமான உதவியை வழங்குவதாக அறிவித்திருந்தது.

நாட்டின் மோசமான பாதிப்புகளைக் கருத்தில் கொண்டு, இந்த உதவித் தொகை ஒரு மில்லியன் பவுண்டுகளாக அதிகரிக்கப்பட்டுள்ளது.

பிரித்தானியாவால் வழங்கப்பட்ட அவசர அனர்த்த நிவாரணங்கள், அனர்த்தத்தால் கடுமையாகப் பாதிக்கப்பட்ட பகுதிகளுக்கு ஏற்கனவே விநியோகிக்கப்பட்டு வருகின்றன.

இந்த நிதியுதவி அதிகரிப்பு, இலங்கையின் மீட்சி மற்றும் நிவாரணப் பணிகளுக்கு மேலும் வலு சேர்க்கும் என எதிர்பார்க்கப்படுகிறது.

இதற்கமைய, 890,000 அமெரிக்க டாலர் (USD) அவசர நிவாரண நிதி அறிவிக்கப்பட்டுள்ளது.

குறித்த நிதியானது செஞ்சிலுவைச் சங்கம் (Red Cross), ஐக்கிய நாடுகளின் இலங்கைக்கான அமைப்பு (UN Agencies in Sri Lanka) மற்றும் உள்ளூர் பங்காளிகளுடன் இணைந்து, பாதிக்கப்பட்ட மக்களுக்கு அவசரப் பொருட்கள் மற்றும் உயிர்காக்கும் உதவிகளை வழங்குவதற்காகப் பயன்படுத்தப்படும் என இலங்கைக்கான பிரித்தானிய உயர் ஸ்தானிகராலயம் (British High Commission) தெரிவித்துள்ளது.