தங்கள் நாட்டிற்கு எளிதாக மக்கள் வந்து செல்ல ஐக்கிய அரபு அமீரகம் புதிய விசா செயல்முறையை கொண்டு வந்துள்ளது.

ஐக்கிய அரபு அமீரகம் வேலை உட்பட விசாக்களை பெறுவதற்கான செயல்முறையை எளிதாகவும், விரைவாகவும் மாற்ற ”Work Bundle” என்ற புதிய தளத்தை ஆரம்பித்துள்ளது.

இதற்கு முன்பு இருந்த முறையில் பணி அனுமதி மற்றும் தங்குவதற்கான விசாக்கள் பெற 30 நாட்கள் வரை ஆகும். 16 வகையான ஆவணங்களை அதற்கு சமர்ப்பிக்க வேண்டும்.

ஆனால் புதிய செயல்முறை மூலம் இது தற்போது எளிதாகியுள்ளது. அதாவது, வெறும் 5 நாட்களில் இனிமேல் துபாய் விசா பெற முடியும்.

இதற்கு 5 ஆவணங்களை மட்டுமே சமர்ப்பித்தால் போதும். அத்துடன் இந்த செயல்முறைக்காக 7 முறை விசாமையங்களுக்கு செல்ல வேண்டிய சூழல் இருந்தது. தற்போது அது இரண்டு நாட்களாக குறைக்கப்பட்டுள்ளது.

இதுதொடர்பாக ஐக்கிய அமீரகம் வெளியிட்டுள்ள அறிக்கையில், ‘Work Bundle என்ற இந்த தளம் அரசு நடைமுறைகளை எளிமையாக்கும். விரைவாக துபாயில் வந்து தங்கும் செயல்முறையை விரைவானதாக மற்றும்.

இதன் முதற்கட்டம் Invest in Dubai தளம் மூலம் துபாயில் செயல்படுத்தப்படும். அதேபோல் மற்ற அரசு டிஜிட்டல் தளங்களும் இதில் படிப்படியாக சேர்க்கப்படும்’ என தெரிவிக்கப்பட்டுள்ளது.