“ரஷ்ய ஜனாதிபதியைப் பிடிப்பதற்கு அவசியமிருக்காது. புதினுடன் நான் எப்போதும் சிறந்த உறவையே கொண்டுள்ளேன். அவருடன் பேசிப் பிரச்சினையைத் தீர்க்க முடியும்” என ட்ரம்ப் தெரிவித்துள்ளார்.

ரஷ்யா – உக்ரைன் போரைத் தீர்ப்பது எளிது என்று தான் நினைத்ததாகவும், ஆனால் அது இன்னும் முடிவுக்கு வராதது தனக்கு ஏமாற்றமளிப்பதாகவும் அவர் குறிப்பிட்டார்.

“கடந்த ஒரு மாதத்தில் மட்டும் சுமார் 31,000 பேர் பலியாகியுள்ளனர். அவர்களில் பெரும்பாலானோர் ரஷ்ய வீரர்கள். ரஷ்யப் பொருளாதாரமும் தற்போது மோசமான நிலையில் உள்ளது” என அவர் சுட்டிக்காட்டினார்.

அமெரிக்கா சமீபத்தில் வெனிசுவேலா ஜனாதிபதி மதுரோவை போதைப்பொருள் கடத்தல் புகாரில் கைது செய்ததைத் தொடர்ந்து, உக்ரைன் ஜனாதிபதி வொலோதிமீர் ஸெலென்ஸ்கி, “சர்வாதிகாரிகள் மீது அமெரிக்கா இதேபோன்ற நடவடிக்கையைத் தொடர வேண்டும்” என மறைமுகமாகப் புதினைக் குறிப்பிட்டுப் பேசியிருந்தார். இதற்குப் பதிலளிக்கும் விதமாகவே ட்ரம்ப் இந்தக் கருத்தை வெளியிட்டுள்ளார்.

இந்த வரலாற்று முக்கியத்துவம் வாய்ந்த நடவடிக்கை குறித்து வெள்ளை மாளிகை வெளியிட்டுள்ள விபரங்கள்.

மொத்தம் 66 அமைப்புகள் இதில் அடங்கும். இதில் 31 ஐக்கிய நாடுகள் சபை (UN) சார்ந்த அமைப்புகளும், 35 ஐநா அல்லாத சர்வதேசக் குழுக்களும் உள்ளடக்கப்பட்டுள்ளன.

இந்த அமைப்புகளுக்கு வழங்கப்பட்டு வந்த நிதியை உடனடியாக நிறுத்துமாறும், அவற்றுடன் எவ்விதத் தொடர்புகளையும் பேண வேண்டாம் எனவும் அனைத்து அரசு நிறுவனங்களுக்கும் உத்தரவிடப்பட்டுள்ளது.

இந்த அமைப்புகள் இனி அமெரிக்காவின் தேசிய நலன்களுக்குச் சேவை செய்யவில்லை என்றும், அமெரிக்க வரி செலுத்துவோரின் பணம் வீணடிக்கப்படுவதாகவும் டிரம்ப் நிர்வாகம் கருதுகிறது.

அமெரிக்கா வெளியேற முடிவு செய்துள்ள சில முக்கியமான சர்வதேச உடன்படிக்கைகள் மற்றும் அமைப்புகள்:

ஐநா பருவநிலை ஒப்பந்தம் (UN Climate Agreement): உலகளாவிய புவி வெப்பமடைதலைக் கட்டுப்படுத்தும் ஒப்பந்தம்.

சர்வதேச சூரிய சக்தி கூட்டமைப்பு (ISA): இந்தியாவும் பிரான்சும் இணைந்து முன்னெடுத்த தூய்மையான எரிசக்தி திட்டம்.

இயற்கை பாதுகாப்புக்கான சர்வதேச ஒன்றியம் (IUCN): பல்லுயிர் பாதுகாப்புக்கான உலகளாவிய அமைப்பு. பருவநிலை மாற்றம் குறித்த அரசுகளுக்கிடையேயான நிபுணர் குழு.

அமெரிக்காவின் இந்த நடவடிக்கை உலகளாவிய சுற்றுச்சூழல் பாதுகாப்பு மற்றும் தூய்மையான எரிசக்தித் திட்டங்களுக்குப் பெரும் பின்னடைவாகக் கருதப்படுகிறது. குறிப்பாக, உலக வல்லரசான அமெரிக்கா நிதி மற்றும் தொழில்நுட்ப ரீதியாக வழங்கிய பங்களிப்பு நிறுத்தப்படுவது சர்வதேச அளவில் பெரும் விவாதத்தை ஏற்படுத்தியுள்ளது.