இந்த நிலையில், இந்தியா மற்றும் நியூஸிலாந்து அணிகளுக்கு இடையிலான இரண்டாவது டெஸ்ட் போட்டியின் நான்காம் நாள் ஆட்டம் இன்று இடம்பெற்றது.

போட்டியில் தமது இரண்டாவது இன்னிங்ஸில் 540 எனும் வெற்றியிலக்கை நோக்கி துடுப்பெடுத்தாடிய நியூஸிலாந்து அணி சகல விக்கெட்டுகளையும் இழந்து 167 ஓட்டங்களை மாத்திரமே பெற்று தோல்வியடைந்தது.

பந்துவீச்சில் இந்திய அணியின் சுழல் ஜாம்பவான் அஸ்வின், ஜெயந் ஜாதவ் தலா நான்கு இலக்குகளையும் அக்சர் பட்டேல் ஒரு இலக்கையும் கைப்பற்றினர்.

போட்டியின் நாயகனாக மயாங் அகர்வால் தெரிவு செய்யப்பட்டதுடன், தொடர் நாயகனாக ரவிச்சந்திரன் அஸ்வின் தெரிவு செய்யப்பட்டார்.

முன்னதாக இரு அணிகளுக்கும் இடையிலான முதலாவது டெஸ்ட் போட்டி சமநிலையில் முடிவடைந்திருந்தமை குறிப்பிடத்தக்கது.

அத்துடன், நியூஸிலாந்து அணிக்கு எதிரான இருபதுக்கு 20 தொடரையும் 3 க்கு 0 எனும் அடிப்படையில் இந்திய அணி கைப்பற்றியிருந்தது.

இதேவேளை டெஸ்ட் அரங்கில் அதிக இலக்குகளை கைப்பற்றிய இந்தியர்கள் வரிசையில் அஸ்வின் 300 இலக்குகளுடன் இரண்டாமிடத்திற்கு முன்னேறியதுடன் இந்தியாவில் அதிக ஓட்டங்களில் வெல்லப்பட்ட டெஸ்ட் போட்டியாகவும் இது பதிவானது.

#Sports

முதல் டெஸ்ட் போட்டியில்  187 ஓட்டங்களால் வெற்றிபெற்ற இலங்கைஅணி இரண்டாவது டெஸ்ட் போட்டியில் 164 ஓட்டங்களால் வெற்றி பெற்றது.

கடந்த 29ஆம் திகதி காலி மைதானத்தில் ஆரம்பமான போட்டியில் முதலில் துடுப்பெடுத்தாடிய இலங்கை அணி 204 ஓட்டங்களுக்கு அனைத்து விக்கெட்டுக்களையும் இழந்தது. துடுப்பாட்டத்தில் அதிகபட்சமாக நிசங்க  73 ஓட்டங்களையும்  மேற்கிந்திய தீவுகள் அணி சார்பாக வீராசாமி பெருமாள் 5 விக்கெட்டுகளையும் கைப்பற்றினர்.

முதல் இன்னிங்சில் துடுப்பெடுத்தாடிய மேற்கிந்திய தீவுகள் அணி 253 ஓட்டங்களுக்கு அனைத்து விக்கெட்டுகளையும் இழந்தது. அதிகபட்சமாக அணித்தலைவர் பிரத்வைட்  72 ஓட்டங்களை பெற்றார். பந்துவீச்சில் இலங்கை சார்பாக ரமேஷ் மென்டிஸ் 6 விக்கெட்டுகளை கைப்பற்றினார்.

49 ஓட்டங்கள் பின்தங்கிய நிலையில் தனது இரண்டாவது இன்னிங்சை ஆரம்பித்த இலங்கை அணி இன்று காலை வரை 345 ஓட்டங்களுக்கு 9 இலக்குகளை இழந்து போட்டியை இடைநிறுத்தியது. அதிகபட்சமாக தனஞ்செய டி சில்வா 155 ஓட்டங்களையும் நிசங்க 66 ஓட்டங்களையும் பெற்றனர். பந்துவீச்சில் மேற்கிந்தியத் தீவுகள் அணி சார்பாக வீராசாமி பெருமாள் 3 இலக்குகளை கைப்பற்றினார்.

296 என்ற வெற்றி இலக்கை நோக்கி துடுப்பெடுத்தாடிய மேற்கிந்தியத் தீவுகள் அணி 132 ஓட்டங்களுக்கு அனைத்து விக்கெட்டுகளையும் இழந்து தோல்வியடைந்தது. இதில் மேற்கிந்திய தீவுகள் அணி சார்பாக 44 ஓட்டங்களை போனர் பெற்றார். பந்துவீச்சில் இலங்கை சார்பில் ரமேஷ் மென்டிஸ், எம்புல்தெனிய தலா 5 விக்கெட்டுகளையும்  கைப்பற்றினர்.

இறுதிப் போட்டியில் இலங்கை அணி 164 ஓட்டங்கள் வித்தியாசத்தில் மேற்கிந்திய தீவுகள் அணியை வீழ்த்தி 2:0 என்ற நிலையில் தொடரை கைப்பற்றியது.

போட்டியின் ஆட்டநாயகனாக தனஞ்சய டி சில்வாவும் தொடர் ஆட்டநாயகனாக ரமேஸ் மென்டிசும் தெரிவு செய்யப்பட்டனர்.

இந்த போட்டியுடன் இலங்கை அணியின் தலைமைப்பயிற்சியாளர் பதவியில் இருந்து விலகும் மிக்கி ஆர்தருக்கு  பிரியாவிடை தொடர் வெற்றியாக அமைந்தமை குறிப்பிடத்தக்கது.

இதேவேளை ஐ.சி.சி சம்பியன்சிப் தொடரின் புள்ளி பட்டியலில்  இரண்டு போட்டிகளிலும் வெற்றிபெற்று 24 புள்ளிகளுடன் முதல் இடத்தில் இலங்கையணி உள்ளது.

#Sports

அதன்படி வீதிகளில் தேவையற்று பயணிப்பவர்கள் அதிவிரைவு அன்டிஜென் பரிசோதனைக்கு உட்படுத்தப்படுவார்கள் என தெரிவிக்கப்படுகிறது.

இதனை பொலிஸார் மற்றும் சுகாதாரத் துறையினர் இணைந்து  கொக்குவில்– கே.கே.எஸ் வீதியில் ஆரம்பித்துள்ளனர்.

தனிமைப்படுத்தல் ஊரடங்கு அடுத்த மாதம் முதலாம் திகதிவரை அமுல்படுத்தப்பட்டுள்ள நிலையில் தற்போது பொதுமக்களின் நடமாட்டம் அதிகரித்துள்ளது.

இதனைக் கட்டுப்படுத்துவதற்காக அதிவிரைவு அன்டிஜென் சோதனை முன்னெடுக்கும் பணி  ஆரம்பிக்கப்பட்டுள்ளது.

இந்நிலையில் 40 பேரிடம் முன்னெடுக்கப்பட்ட சோதனையில் 5 பேர் தொற்றுடன் இனங்காணப்பட்டுள்ளனர்.

அவர்கள் கோப்பாய் கொரோனா சிகிச்சை நிலையத்துக்கு அனுப்ப நடவடிக்கை எடுக்கப்பட்டுள்ளது எனவும் தெரிவிக்கப்பட்டுள்ளது.