சூரியின் அக்கா ஸ்வாசிகா திருமணமாகி 10 ஆண்டுகள் ஆகியும் கர்ப்பம் ஆகாமல் இருக்கிறார். இதனால் ஊரில் அனைவரும் அவரை குறை சொல்லிக்கொண்டே இருக்கிறார்கள். இப்படி ஒரு சூழலில் முதல் முறையாக கர்ப்பம் ஆகும் ஸ்வாசிகாவிற்கு ஆண் குழந்தை பிறக்கிறது.

தனக்கு மருமகன் பிறந்துவிட்டான் என்கிற மகிழ்ச்சியில் தனது ஒட்டுமொத்த அன்பையும் அவனுக்கே தருகிறார் சூரி. காலை எழுந்து அவனை குளிப்பாட்டி, பள்ளிக்கு அனுப்புவதில் இருந்து இரவு தன்னுடன் தூங்க வைப்பது வரை, பெற்றோர்கள் செய்ய வேண்டிய அனைத்தும் சூரியே செய்கிறார்.

இதனால் அவன் ஒரு நிமிடம் கூட தனது மாமனை விட்டு பிரிய மாட்டேன் என்கிற முடிவுடன் இருக்கிறான். இந்த நிலையில், சூரிக்கும் ஐஸ்வர்யா லட்சுமிக்கும் திருமணம் நடக்கிறது. திருமணத்திற்கு பின்பும் சூரியை விட்டு அவரது மருமகன் சிறுது நேரம் கூட பிரியாமல் இருக்கிறான்.

முதலில் இதை பெரிதாக ஐஸ்வர்யா எடுத்துக் கொள்ளவில்லை என்றாலும், நாட்கள் போகப்போக இது பெரிய பிரச்சனையாக வெடிக்கிறது. இதனால் சூரிக்கும் ஐஸ்வர்யாவிற்கு கடும் சண்டை ஏற்பட, ஒரு கட்டத்தில் குடும்பத்தில் இருந்து பிரிய முடிவு எடுக்கின்றனர். இதனால் உறவுகள் இடையே விரிசல் விழ, மீண்டும் அந்த உறவுகள் இணைந்ததா என்பதே படத்தின் மீதி கதை.

கதாநாயகன் சூரி மிகவும் யதார்த்தமான நடிப்பை வெளிப்படுத்தியுள்ளார். அக்காவுக்கு தம்பியாக, மருமகனுக்கு மாமனாக, மனைவிக்கு கணவனாக பாச போராட்டத்திற்கு இடையே எப்படி ஒரு ஆண் இருப்பான் என்பதை சிறப்பாக தனது நடிப்பில் காட்டியுள்ளார்.

அதே போல் கதாநாயகி ஐஸ்வர்யா லட்சுமி மற்றும் அக்காவாக நடித்து ஸ்வாசிகா இருவரின் நடிப்பும் படத்திற்கு மிகப்பெரிய பலம். தங்களுக்கு கிடைத்த ஒவ்வொரு காட்சியிலும் இருவரும் ஸ்கோர் செய்கிறார்கள். குறிப்பாக எமோஷனல் காட்சிகளில் வேற லெவலில் நடித்துள்ளனர்.

சூரியின் மருமகனாக நடித்த சிறுவனின் நடிப்பும் சிறப்பு. இவர்களை தவிர்த்து ராஜ்கிரண், விஜி சந்திரசேகர் இருவரின் கதாபாத்திரங்களும் அழகாக இருந்தது. அவர்கள் இருவரின் கதாபாத்திரங்களை, சூரி – ஐஸ்வர்யா லட்சுமி கதாபாத்திரங்களுடன் இணைத்த விதம் ரசிக்க வைத்தது.

மேலும் பாபா பாஸ்கரின் நடிப்பும் நன்றாக இருந்தது. மற்ற நடிகர்கள், நடிகைகள் அனைவரும் தங்களுடைய பங்கை சிறப்பாக செய்துள்ளனர். இயக்குநர் பிரசாந்த் பாண்டியராஜ் இப்படத்தின் எமோஷனல் காட்சிகளை திரைக்கதையில் அமைத்த விதம் சிறப்பு.

ஆனால், படம் முழுக்க எமோஷனல் காட்சிகள் மட்டுமே நிறைந்திருந்தது சற்று தொய்வு ஏற்படுத்துகிறது. இன்னும் தெளிவாக சொல்ல வேண்டும் என்றால், எமோஷனல் காட்சிகள் தான் இப்படத்திற்கு பலம் என்றாலும், அதே சமயம் அதுவே தான் பலவீனமாகவும் தெரிகிறது.

அனைவருக்கும் கனெக்ட் ஆகுமா என கேட்டால், அது சந்தேகம் தான். குறிப்பாக இந்த காலத்து 2k கிட்ஸுக்கு இது எந்த அளவிற்கு கனெக்ட் ஆகும் என தெரியவில்லை. மற்றபடி படத்தில் குறை என பெரிதாக ஒன்றுமில்லை.

எடுத்துக்கொண்ட கதைக்களத்தை திரைக்கதையில் எமோஷனலாக வடிவமைத்து திரையில் அழகாக வழங்கியுள்ளார் இயக்குநர் பிரசாந்த் பாண்டியராஜ். மேலும் கதாபாத்திரங்களை வடிவமைத்த விதமும் ரசிக்கும்படியாக இருந்தது. ஒளிப்பதிவு அழகு, பின்னணி இசையும் பாடல்களும் படத்தோடு ஒன்றி போகிறது. எடிட்டிங் சிறப்பு.

பிளஸ் பாயிண்ட்

சூரி, ஐஸ்வர்யா லட்சுமி, ஸ்வாசிகா நடிப்பு

எமோஷனல் காட்சிகள்

கதைக்களம்

மைனஸ் பாயிண்ட்

சில இடங்களில் ஏற்பட்ட தொய்வு

மொத்தத்தில் மாமன் ஒரு எமோஷனல் ரைடு(Ride).

மேலும் ஜி.வி. பிரகாஷ் இப்படத்திற்கு இசையமைத்துள்ளார். ரசிகர்களிடையே பெரிதும் எதிர்பார்ப்பில் இருந்த வணங்கான் திரைப்படம் எப்படி இருக்கிறது விமர்சனத்தில் பார்க்கலாம் வாங்க.

கன்னியகுமாரியில் தனது தங்கையுடன் வாழ்ந்து வரும் கதாநாயகன் அருண் விஜய் (கோட்டி) வாய் பேச இயலாதவராக இருக்கிறார்.

தங்கை மீது அளவுகடந்த பாசம் வைத்திருக்கும் அருண் விஜய், தன் கண்முன் கொடுமைகள் நடந்தால் அதை தட்டிக் கேட்கும் நபராகவும் மாறிவிடுகிறார். தட்டி கேட்பது என்றால், அந்த கொடுமைகளை செய்யும் நபர்களை அடித்து துவைத்து சாவு பயத்தையே காட்டி விடுகிறார்.

ஊருக்குள் இப்படி தொடர்ந்து அருண் விஜய் செய்து வர, இவருக்கு நிலையான வேலை இருந்தால் மட்டுமே இப்படி எதுவும் செய்யமாட்டார் என முடிவு செய்து, அருண் விஜய்யின் நலன் விரும்பியான சர்ச் ஃபாதர், ஆதரவற்றோர் இல்லத்தில் செக்யூரிடி வேலையை அருண் விஜய்க்கு வாங்கி தருகிறார்.

அங்கு வேலை பார்த்துக் கொண்டே அங்குள்ள அனைவரிடமும் பழகும் அருண் விஜய்க்கு பல சொந்தங்கள் கிடைக்கிறது. இந்த நிலையில், அதே ஆதரவற்றோர் இல்லத்தில் உள்ள இரண்டு நபர்களை அருண் விஜய் கொலை செய்கிறார். இந்த கொலைகளை செய்தது நான் தான் என, தானே முன் வந்து போலீசிடம் சரணடைகிறார்.

போலீஸ் எவ்வளவு கேட்டாலும் கொலைக்கான காரணத்தையும் சொல்லாமல் மூடி மறைக்கிறார் அருண் விஜய். இவர் எதற்காக இந்த கொலையை செய்தார்? இதன்பின் என்ன காரணம் உள்ளது? எதை அனைவரிடம் இருந்தும் காரணத்தை மறைகிறார் என்பதே படத்தின் மீதி கதை.

படத்தை பற்றிய அலசல்

கதாநாயகன் அருண் விஜய் நடிப்பு வேற லெவல். வாய் பேச இயலாதவராக நடித்து நம்மை கலங்க வைத்துவிட்டார். ஒவ்வொரு காட்சியிலும் ஸ்கோர் செய்கிறார். குறிப்பாக எமோஷனல் காட்சிகளில் இவருடைய நடிப்பு மனதை தொடுகிறது.

இவருடன் இணைந்த நடித்த நடிகைகள் ரோஷ்ணி பிரகாஷ், ரிதா ஆகியோரின் நடிப்பு சிறப்பாக இருந்தது. அதே போல் சாயா தேவி, பாலசிவாஜி, சண்முகராஜன் ஆகியோரின் நடிப்பு திரைக்கதையோடு ஒன்றிப்போகிறது. கௌரவ வேடத்தில் தோன்றிய மிஷ்கின் மற்றும் சமுத்திரக்கனியின் கதாபாத்திரங்களும் சிறப்பு.

இயக்குநர் பாலா எடுத்துக்கொண்ட கதைக்களத்திற்கு முதல் பாராட்டுக்கள். சமுதாயத்தில் பெண்களுக்கு எதிராக நடக்கும் கொடுமைகளை சுட்டிக்காட்டி, அதற்கு தண்டை இப்படித்தான் இருக்க வேண்டும் என திரைக்கதையை நேர்த்தியாக கொண்டு சென்ற விதம் சிறப்பாக இருந்தது.

முதல் பாதியில் அருண் விஜய்க்கும் ரோஷ்ணி பிரகாஷுக்கும் இடையிலான காதல் காட்சிகள் கவனம் ஈர்க்கவில்லை. மற்றபடி படத்தில் குறை என்று சொல்லும் அளவுக்கு எதுவும் இல்லை. இடைவேளை மற்றும் கிளைமாக்ஸ் காட்சி படத்தின் மிகப்பெரிய பலம்.

குறிப்பாக கிளைமாக்ஸ் காட்சியில் அனைவரையும் கண்கலங்க வைத்துவிட்டார் பாலா. கண்டிப்பாக அருண் விஜய் மற்றும் பாலா இருவருக்கும் தேசிய விருது கிடைக்க வேண்டும். தன்னைச் சுற்றி நடக்கும் கொடுமைகளை ஒருவன் தட்டிக் கேட்டால், அவனுடன் இந்த சட்டமும் நிற்கும் என காட்டிய விதம் பாராட்டுக்குரியது.

இசையமைப்பாளர் ஜி.வி. பிரகாஷின் பாடல்கள் சிறப்பு. சாம் சி.எஸ் பின்னணி இசை மிரட்டலாக இருந்தது. ஒப்பனை மற்றும் ஆடை வடிவமைப்பு பக்கா. ஒளிப்பதிவு மற்றும் எடிட்டிங் படத்தின் பலம்.

பிளஸ் பாயிண்ட்

அருண் விஜய் நடிப்பு.

பாலாவின் இயக்கம்.

திரைக்கதை.

சாம் சி.எஸ் பின்னணி இசை.

மைனஸ் பாயிண்ட்

பெரிதாக எதுவும் இல்லை.

மொத்தத்தில் வணங்கான் அனைவரையும் கலங்க வைத்துவிட்டான். கண்டிப்பாக அனைவரும் பார்க்க வேண்டிய படம்..

வருண் தவான், கீர்த்தி சுரேஷ் நடிப்பில் வெளியாகியுள்ள பேபி ஜான் இந்தி திரைப்படத்தின் விமர்சனம் குறித்து காண்போம்.

கதைக்களம்
கேரளாவில் பேக்கரி வைத்திருக்கும் ஜானுக்கும், பெண்களை கடத்தும் கும்பலுக்கும் இடையே மோதல் உருவாகிறது.

அப்போது ஜானின் பின்னணி தெரிய வர, அவரின் கடந்த கால வாழ்க்கையில் என்ன நடந்தது? கடத்தல் கும்பலிடம் இருந்து பெண்களை அவர் மீட்டாரா என்பதே ‘பேபி ஜான்’ படத்தின் கதை.

தமிழில் வெளியான ‘தெறி‘ திரைப்படத்தின் ரீமேக்தான் இந்த பேபி ஜான். அட்லீ இப்படத்தை தயாரித்திருக்கிறார். ஆனால் கதாபாத்திரங்களிலும், காட்சிகளிலும் நிறைய மாற்றங்கள் செய்யப்பட்டுள்ளன.

தமிழில் ‘கீ’ படத்தை இயக்கிய காலிஸ் திரைக்கதையில் நன்கு கவனம் செலுத்தியுள்ளார். வருண் தவான் பேக்கரி வைத்திருக்கும் ஜான் டி சில்வா மற்றும் DCP சத்யா வர்மாவாக ஆக்ஷ்ன் அதகளம் செய்திருக்கிறார்.

ஆனால், ஒப்பீட்டளவில் நடிகர் விஜய்யை விட குறைவாகதான் பல காட்சிகளில் நடித்துள்ளார். எனினும் தன்னால் முடிந்தவரை கதாபாத்திரத்திற்கு நியாயம் சேர்த்துள்ளார்.

காணாமல் போன மாணவியை வருண் தவான் கண்டுபிடிப்பதும், அவரது நிலைக்கு காரணமான நபரை கொலை செய்யும் விதமும் இயக்குநரின் மிரட்டல். வருண் தவானின் மகளாக வரும் ஸாரா துறுதுறு நடிப்பால் கவர்கிறார்.

வாமிகா கேபியை ஆசிரியையாக காட்டி பின் அவருக்கு என வைத்திருக்கும் ட்விஸ்ட் காட்சி அருமை. கீர்த்தி சுரேஷ் நடிப்பில் ஸ்கோர் செய்திருந்தாலும், நைன் மடக்கா பாடலில் தனது நடன அசைவுகளால் ஈர்க்கிறார்.

அதேபோல் வருண் தவானுடன் பயணிக்கும் காமெடி நடிகர் ராஜ்பால் யாதவ் எமோஷனலாக பேசும் காட்சியிலும், பஞ்ச் டயலாக் பேசியும் தெறிக்கவிட்டிருக்கிறார்.

ஜாக்கி ஷெராப் வழக்கமான வில்லனாக மிரட்டும்போது, தமிழ் நடிகர்கள் ஜாபர் சாதிக், காளி வெங்கட் ஆகியோரின் அறிமுகம் நமக்கு அட நம்மாளுங்க என தோன்ற வைக்கிறது.

அவர்களும் தங்களது கதாபாத்திரத்தை சரியாக செய்துள்ளனர். தமனின் பின்னணி இசை பல இடங்களில் இரைச்சலாக இருந்தாலும், ஒரு குறிப்பிட்ட காட்சியில் வரும் பாடலில் உருக வைக்கிறார்.

இறுதியாக சல்மான் கானின் கேமியோவும், ஆக்ஷ்ன் சீனும் தியேட்டரை ஆர்ப்பரிக்க செய்கிறது.

க்ளாப்ஸ்
நடிப்பு

திரைக்கதை

எமோஷனல் காட்சிகள்

சண்டைக்காட்சிகள்

மைனஸ்
ரீமேக் படம் என்பதால் அடுத்து என்ன நடக்கும் என தெரிந்துவிடுகிறது

மொத்தத்தில் தெறி படத்தை ஒப்பிட்டு பார்க்கும்போது பேபி ஜான் சற்று குறைவுதான் என்றாலும் தொய்வில்லாத திரைக்கதையால் ரசிக்க வைக்கிறது.

ரேட்டிங் 3/5

தமிழ் சினிமாவின் கல்ட் திரைப்படங்களில் ஒன்று சூது கவ்வும். இயக்குனர் நலன் குமாரசாமி இயக்கத்தில் விஜய் சேதுபதி, பாபி சிம்ஹா, சஞ்சிதா ஷெட்டி, கருணாகரன் ஆகியோர் நடித்து 2013ஆம் ஆண்டு வெளிவந்த திரைப்படம் சூது கவ்வும்.

இப்படத்தின் இரண்டாம் பாகமாக சூது கவ்வும் 2 இன்று திரையரங்கில் வெளிவந்துள்ளது. இப்படத்தை இயக்குனர் எஸ்.ஜே. அர்ஜுன் இயக்கியுள்ளார். மிர்ச்சி சிவா, கருணாகரன். எம்.எஸ். பாஸ்கர், ராதாரவி ஆகியோர் இப்படத்தில் நடித்துள்ளனர்.

பெரிதும் எதிர்பார்க்கப்பட்டு வெளிவந்துள்ள சூது கவ்வும் 2 திரைப்படம், எப்படி இருக்கிறது என்று விமர்சனத்தில் பார்க்கலாம் வாங்க.

சூது கவ்வும் முதல் பாகத்தின் இறுதியில் அரசியலில் என்ட்ரி கொடுக்கும் கருணாகரன், இரண்டாம் பாகத்தில் நிதி அமைச்சராக 3 முறை மக்களால் தேர்ந்தெடுக்கப்பட்டு ஆட்சி செய்து வருகிறார்.

ஊழல் செய்து மட்டுமே நிதி அமைச்சராக இருக்கும் கருணாகரன் ஒரு கட்டத்தில் மாட்டிக்கொள்கிறார். முதல் பாகத்தில் எப்படி விஜய் சேதுபதி கடத்தல் தொழில் செய்து வந்தாரோ, அதே போல் இரண்டாம் பாகத்தில் தனக்கென்று சில கொள்கை, கோட்பாடுகளை கொண்டு கடத்தல் தொழில் செய்து வருகிறார் மிர்ச்சி சிவா.

அரசியல் சிக்கலில் மாட்டிக் கொள்ளும் கருணாகரனை, மிர்ச்சி சிவா கடத்த, அதன்பின் என்ன நடந்தது? எதற்காக கருணாகரனை மிர்ச்சி சிவா கடத்தினார்? தனக்கு ஏற்பட்ட சிக்கலில் இருந்த கருணாகரன் எப்படி வெளியே வந்தார் என்பதே படத்தின் மீதி கதை.

கதாநாயகனாக வரும் மிர்ச்சி சிவா மற்றும் அவருடைய கேங்கில் இருக்கும் நபர்கள் செய்யும் நகைச்சுவை, சில இடங்களில் நம்மை சிரிக்க வைத்தாலும், பல இடங்களில் நம் பொறுமையை சோதிக்க வைக்கிறது.

அரசியல் குறித்து இடம்பெற்றிருந்த வசனங்கள், அதில் வந்த நகைச்சுவையை அழகாக வடிவமைத்து இருந்தார் இயக்குனர் எஸ்.ஜே. அர்ஜுன். ஆனால், கதாபாத்திரங்களை இன்னும் வலுவாக அமைத்திருந்தால், படம் இன்னும் கூட சிறப்பாக இருந்திருக்கும். திரைக்கதையும் ரசிக்கும்படியாக அமைத்திருக்கும்.

மிர்ச்சி சிவா சொன்னது போல், சூது கவ்வும் 1 கல்ட் படம், சூது கவ்வும் 2-ல் கழற்றுவதற்கு எதுவும் இல்லை என்பது போல் தான், இப்படமும் இருக்கிறது. ஒளிப்பதிவு, எடிட்டிங் ஓகே.

முதல் பாகத்தின் மிகப்பெரிய பிளஸ் பாயிண்ட் பின்னணி இசை மற்றும் பாடல்கள் என்று கூறலாம். ஆனால், சூது கவ்வும் 2ல் பாடல்கள், பின்னணி இசை எதுவும் மனதை தொடவில்லை.

பிளஸ் பாயிண்ட்
அரசியல் குறித்து இடம்பெற்றிருந்த வசனங்கள்
சில நகைச்சுவை காட்சிகள்
மைனஸ் பாயிண்ட்
பொறுமையை சோதிக்கும் திரைக்கதை
பின்னணி இசை
மொத்தத்தில் சூது கவ்வும் 2 ஏமாற்றமே..

இந்திய சினிமவில் தெலுங்கு, கன்னடம், ஹிந்தி industry என அனைத்தும் ஒரு Pan Indian Hit படத்தை கொடுத்துள்ளது.

நம் தமிழ் சினிமா தொடர்ந்து இதில் சறுக்கி வர, இதன் பெரும் முயற்சியாக சிவா இயக்கத்தில் சூர்யா நடிப்பில் பிரமாண்டமாக இன்று வெளிவந்துள்ள கங்குவா பதில் சொன்னதா, பார்ப்போம்.

சூர்யா கோவாவில் ஒரு பவுண்டி ஹண்டராக இருக்க, கே எஸ் ரவிகுமார் சொல்லும் வேலைகளை செய்து வருகிறார், அப்போது ஒரு சிறுவன் சூர்யாவிடம் வர, அவனை தேடி மிகப்பெரிய ரஷ்யா கும்பல் ஒன்று வருகிறது.

அவர்கள் அந்த சிறுவனை வைத்து ஏதோ எக்ஸ்பிரிமெண்ட் செய்து வருகின்றனர், அந்த சிறுவனை ரஷ்யா கும்பல் தூக்கி செல்ல, அங்கிருந்து கதை கற்காலத்திற்கு செல்கிறது. 5 நிலங்கள் கொண்ட ஒரு ஊரில், ரோமானிய அரசன் அந்த 5 நிலங்களை கைப்பற்ற நினைக்க, போஸ் வெங்கட்-யை வைத்து 5 நிலங்களை கைப்பற்ற முடிவு செய்கின்றனர்.

போஸ் வெங்கட் பெருமாச்சி, அராத்தி நிலத்திற்கும் எப்படியோ சகுனி வேலை பார்த்து சண்டை மூட்டிவிட, பிறகு பெரிய போர் உருவாகிறது. இந்த போர்-ல் வெற்றி யாருக்கு, நிகழ் காலத்தில் அந்த சிறுவன் என்ன ஆனான், என்பதே மீதிக்கதை.

இரண்டு உலகம் அந்த இரண்டு உலகத்திலும் சூர்யா ஒரு பையனை காக்க வேண்டும் என்ற கதைக்களத்தை தேர்ந்த்டுத்த சிவா அதில் தன்னால் முடிந்த அளவிற்கு ஒரு பிரமாண்ட பேண்டஸி படத்தை எடுக்க முயற்சித்துள்ளார்.

இதில் சூர்யா ஒன் மேன் ஷோ, மொத்த படத்தையும் தன் யானை பல தோளில் சுமந்து செல்கிறார், ப்ரான்சிஸ் ஆக கலகலப்பாக 20 நிமிடம் அவர் கதாபாத்திரம் சென்றாலும், கங்குவாக படம் முழுவதும் மிரட்டியுள்ளார்.

அதிலும் கிளைமேக்ஸில் இந்த வயதிலும் சிக்ஸ் பேக் உடற்கட்டுடன் அவர் செய்யும் சண்டைக்காட்சிகள் பிரமிப்பு.

படத்தின் நிகழ்காலம் 20-30 நிமிடமே வருகிறது, படம் முழுவதும் கங்குவாவை சுற்றி நகர்கிறது, தான் தண்டனை கொடுத்த நட்ராஜின் மகனை காக்கும் பொறுப்பை ஏற்கும் சூர்யா, நிகழ் காலத்தில் ஆராய்ச்சி கூடத்தில் தப்பித்த சிறுவனை காப்பாற்ற போராடும் சூர்யா, இதில் கங்குவா உலகத்தை சிவா உருவாக்கிய விதம் மெய் சிலிர்க்க வைக்கிறது.

அதிலும் முடிந்த அளவிற்கு ரியல் லொக்கேஷனில் வெற்றியின் ஒளிப்பதிவில் மிக தத்ரூபமாக காட்ட முயற்சித்துள்ளார், இரண்டாம் பாதியில் முதலையுடன் வரும் சண்டை காட்சி ஹாலிவுட்டிற்கு நிகராஜ சிஜி வேலைப்பாடு.

ஆனால், எப்போதும் சிவா படத்தில் ஒரு எமோஷ்னல் ஒர்க் அவுட் ஆகும், அதை வைத்து அழகாக திரைக்கதையை எடுத்து செல்வார், இதில் அப்படி பல காட்சிகள் இருந்தும் எதோ எமோஷ்னல் காட்சிகள் ஈர்க்க வில்லை.

போதாத குறையாக படத்தில் பெரும் இரைச்சல், எல்லோரும் கத்திக்கொண்டே இருப்பது ஒரு கட்டத்திற்கு மேல் போதும்ப்பா மெதுவா பேசுங்க என்று சொல்லும் நிலை வருகிறது. பாபி தியோல் வழக்கம் போல ஹை பிட்சில் பேசும் ஒரு ஹிந்தி வில்லன், அவ்வளவே.

DSP இசையில் தலைவனே பாடல் மிரட்டல், பின்னணி இசை கொஞ்சம் சத்தத்தை குறைத்திருக்கலாம், வெற்றி ஒளிப்பதிவு கங்குவா உலகம் சிறப்பாக இருந்தாலும், நிகழ்காலம் பெரும் செயற்கைதனமாக இருக்கிறது.

சூர்யா அரக்கதனமான உழைப்பு. படத்தின் கதை டெக்னிக்கல் ஒர்க், குறிப்பாக சிஜி வேலைகள் மற்றும் செட் ஒர்க். படத்தின் கிளைமேக்ஸ்

எமோஷ்னல் காட்சிகள் பெரிதும் ஒர்க் அவுட் ஆகாமல் போனது. கொஞ்சம் இரைச்சலை தவிர்த்து இருக்கலாம்.

மொத்தத்தில் ஒரு புதிய அனுபவத்திற்கும், சூர்யாவின் கடின உழைப்பிற்கும் கங்குவாவை காணலாம்.

3/5

ஜெயம் ரவி தமிழ் சினிமாவில் தொடர்ந்து தரமான படங்களாக நடித்து வந்தவர், கடந்த சில நாட்களாக கொஞ்சம் சறுக்கி வர, இந்த பிரதர் கைக்கொடுத்ததா, பார்ப்போம்.

ஜெயம் ரவி சிறு வயதிலேயே பாய்ண்ட் பிடித்து பேசுவதால் அவருடைய அப்பா வக்கிலுக்கு படிக்க வைக்கிறார். ஆனால், போற இடத்தில் எல்லாம் லா பாயிண்ட் பேச, ஒரு கட்டத்தில் ஜெயம் ரவி அப்பாவிற்கு நெஞ்சு வலி வர, இதுக்கு மேல் நீ வீட்டில் இருக்காதே என்று திட்டுகிறார்.

ஜெயம் ரவியின் அக்கா பூமிகா இனி நான் தம்பியை பார்த்துக்கொள்கிறேன், அவனை ஒரு நல்ல பையனாக மாற்றுகிறேன் என தன் குடும்பத்திற்கு அழைத்து செல்கிறார்.

ஆனால், அங்கே சென்றதும் ஜெயம் ரவியால் அவர்கள் குடும்பமே பிரியும் நிலை ஏற்பட பிறகு என்ன ஆனது என்பதே மீதிக்கதை.

ஜெயம் ரவி-க்கு என்றே அளவு எடுத்து செய்த பேமிலி படம், அதை அவரும் திறம்பட செய்துள்ளார். பூமிகா குடும்பத்திற்குள் சென்ற பிறகு VTV கணேஷுடன் அவர் அடிக்கும் லூட்டி ரசிக்க வைக்கிறது, எமோஷ்னல் காட்சியிலும் ஸ்கோர் செய்கிறார்.

இதை தாண்டி படத்தில் வந்த அனைவரும் எதோ நாடகத்தனமான நடிப்பு தான், அதிலும் சரண்யா பொன்வண்ணன் எல்லாம் எவ்வளவு யதார்த்தமாக நடிப்பவர், அவரே அவ்வளவு செயற்கை தனமாக நடித்துள்ளார்.

பூமிகா, ப்ரியங்கா மோகன் என அனைவரிடத்திலும் செயற்கை தனமே மிஞ்சியுள்ளது. நட்ராஜ் இருந்தாலே அந்த இடத்தை தன் நடிப்பால் ஆக்ரமிப்பார் என்பார்கள், ஆனால், இதில் எதோ சப்போர்ட்டிங் ஆக்டர் போல் அவர் வந்து செல்வது மிக வருத்தம், அதிலும் குழந்தைகள் நாடகத்தை பார்த்து மனம் மாறும் இடமெல்லாம் ஏன் ராஜேஸ் இவ்ளோ பழைய மசாலாவை அரைத்து வைத்துள்ளீர்கள் என்றே கேட்க தோன்றுகின்றது.

கண்டிப்பாக சந்தானம் இல்லாமல் ராஜேஸ் தடுமாறுவதை நன்றாக பார்க்க முடிகிறது, பாஸ் என்கிற பாஸ்கரன் படத்தையே மீண்டும் இந்த ஜெனரேஷன் கிட்ஸுகளுக்கு ராஜேஷ் எடுக்க முயற்சித்துள்ளார், அதில் மக்காமிஷி தவிற வேறு எதுவும் அவர்களுக்கு ஒட்டாது என்பதே உண்மை.

ஜெயம் ரவி கதாபாத்திரம் சரியா, தவறா என்ற குழப்பமே படம் முழுவதும் நீடிக்கிறது, அதுவே நம்மை படத்திலிருந்து விலகி வைக்கிறது, சந்தானம் பதில் VTV கணேஷ், ஆனால், அவரால் சந்தானம் இடத்தை நிரப்ப முடியுமா, MS பாஸ்கருடன் வரும் ஒரு காட்சி மட்டும் வாய் விட்டு சிரிக்க வைக்கிறார்.

ஒளிப்பதிவு ஊட்டியை செம கலர்புல்லாக காட்டியுள்ளனர், ஹாரிஸ் ஜெயராஜ் மக்காமிஷி, ஒரு அக்கா தம்பி செண்டிமெண்ட் பாடலில் ஸ்கோர் செய்ய, பின்னணி எல்லாம் ஹிந்தி சீரியல் போல் போட்டு வைத்துள்ளார்.

க்ளாப்ஸ்
படத்தின் முதல் பாதியில் வரும் சில காமெடி காட்சிகள்
பல்ப்ஸ்
சுவாரஸ்யமே இல்லாமல் செல்லும் திரைக்கதை.
மொத்தத்தில் ‘முடியல’ பிரதர்.

இந்திய ராணுவத்தில் சேவை செய்து நாட்டிற்காக உயிர் நீத்தவர் மேஜர் முகுந்த் வரதராஜன். மேஜர் முகுந்த் மற்றும் அவரது துணைவியார் இந்து ரெபேக்கா வர்கீஸ் இருவருடைய வாழ்க்கையை மையமாக வைத்து தான் இப்படத்தை உருவாக்கியுள்ளனர்.

பெரிதும் எதிர்பார்ப்பில் வெளிவந்துள்ள அமரன் படம் எப்படி இருக்கிறது என்று விமர்சனத்தில் பார்க்கலாம் வாங்க.

முகுந்த் வரதராஜன் (சிவகார்த்திகேயன்) தனது சிறு வயதில் இருந்தே இந்திய ராணுவத்தில் சேர வேண்டும் என்கிற கனவுடன் இருக்கிறார். கல்லூரியில் இந்து ரெபேக்கா வர்கீஸை (சாய் பல்லவி) சந்திக்கும் முகுந்த் காதலில் விழுகிறார்.

காதல் ஒரு பக்கம் இருந்தாலும் இராணுவத்தில் சேர வேண்டும் என்ற முனைப்போடு இராணுவ பயிற்சியில் முழுமூச்சாக ஈடுபட்டு வருகிறார். அவர்களுடைய காதலிக்கு முகுந்த் வீட்டில் கிரீன் சிக்னல் கிடைத்து விட்டது.

முகுந்த் ராணுவ வீரன் என்பதால் இந்துவின் தந்தை அவர்களுடைய காதலுக்கு சம்மதம் தெரிவிக்கவில்லை. எப்படியோ பல போராட்டங்களுக்கு பின் இரு வீட்டார் சம்மதத்துடன் முகுந்த் – இந்துவின் திருமணம் நடைபெறுகிறது.

ராணுவத்தில் முதலில் லெப்டினன்ட் இணையும் முகுந்த், பின் கேப்டனாக பதவி ஏற்க, அதனை தொடர்ந்து 44 ராஷ்ட்ரிய ரைபிள்ஸ் சீட்டா கம்பெனியில் மேஜராக பொறுப்பேற்கிறார்.

காஷ்மீர் எல்லைப் பகுதியில் அல்டாஃப் பாபா எனும் பயங்கரவாதியை என்கவுண்டர் செய்கிறார் மேஜர் முகுந்த் வரதராஜன். இந்த சம்பவத்திற்கு பின் என்ன நடந்தது என்பதே படத்தின் மீதி கதை.

இயக்குநர் ராஜ்குமார் பெரியசாமி அமரன் படத்தை ராணுவ படமாக மட்டுமே காட்டாமல், முகுந்த் – இந்து இருவருக்கும் இடையே இருக்கும் காதலை வைத்து திரைக்கதையை அழகாக வடிவமைத்துள்ளார்.

போர்க்களத்தில் முகுந்த் போராடிக் கொண்டிருக்கும் வேளையில், வீட்டில் இந்துவின் தவிப்பை காட்டிய விதம் மிகவும் எமோஷனலாக இருந்தது. கல்லூரியில் தொடங்கி முகுந்தின் மரணம் வரை இருவருக்கும் இடையே இருந்த காதல், முகுந்தின் மறைவு பின்பும் அவரை எந்த அளவிற்கு இந்து காதலித்து கொண்டு இருக்கிறார்கள் என்று காட்டிய விதமும் அருமையாக இருந்தது.

திரைக்கதையில் சில இடங்கள் தொய்வாக இருந்தாலும் அவை யாவும் மிகப்பெரிய மைனஸாக தெரியவில்லை. உண்மை சம்பவங்களை அடிப்படையாக கொண்டு உருவான இப்படத்தில் கமர்ஷியலுக்காக எதுவும் செய்யாமல், எதார்த்தமாக இப்படத்தை எடுத்ததற்கு இயக்குநர் ராஜ்குமார் பெரியசாமிக்கு பாராட்டு.

இடைவேளை காட்சி எந்த அளவுக்கு மாஸாக இருந்ததோ, கிளைமாக்ஸ் காட்சி அனைவரையும் நெகிழ வைத்து விட்டது என்று தான் சொல்ல வேண்டும். தான் இறந்து பிறகு, தன் மனைவி யார் முன்பும் கண்ணீர் விடக்கூடாது என முகுந்த் சொன்ன வார்த்தையை மனதில் வைத்து இந்து நடந்துகொண்ட விதம் மிகவும் எமோஷனலாக இருந்தது.

OM2JBDதந்தையின் மறைவு அறியாத குழந்தை ‘அப்பாவுக்கு அடுத்த விடுமுறை எப்போது’ என்று தாயிடம் கேட்கும் காட்சிகள் கண் கலங்க வைக்கிறது. தனது குடும்பத்தை பிரிந்து ராணுவத்திற்கு எப்போது சென்றாலும், கண் கலங்காத முகுந்த், இறுதியாக தனது மனைவி, குழந்தை, தாய், தந்தையை விமான நிலையத்தில் சந்தித்துவிட்டு செல்லும் போது கண்கலங்கிய காட்சிகளை இயக்குநர் ராஜ்குமார் பெரியசாமி அழகாக எடுத்திருந்தார்.

முகுந்த் வரதராஜன் கதாபாத்திரத்தில் நடித்து நம் அனைவரையும் சிலிர்க்க வைத்துவிட்டார் கதாநாயகன் சிவகார்த்திகேயன். ஒரு பக்கம் சிவாவின் நடிப்பு பட்டையை கிளப்பி கொண்டு இருந்தாலும், மற்றொரு புறம் அவரை மிஞ்சும் அளவிற்கு அனைவரின் மனதிலும் இடம் பிடிக்கிறார் இந்து கதாபாத்திரத்தில் நடித்த சாய் பல்லவி. இருவரும் அந்த கதாபாத்திரமாகவே வாழ்ந்துள்ளனர் என்று தான் சொல்ல வேண்டும். அதற்கு பாராட்டுக்கள்.

அதே போல் முகுந்த் வரதராஜனுக்கு எப்போது பக்கபலமாக துணை நின்று விக்ரம் சிங் கதாபாத்திரமும் சிறப்பாக இருந்து. அந்த கதாபாத்திரத்தை ஏற்று நடித்திருந்த பூவன் அரோராவுக்கு தனி பாராட்டு.

கண்டிப்பாக அமரன் படம் முகுந்த் வரதராஜனுக்கு சிறந்த சமர்ப்பணமாக அமையும். அதில் எந்த ஒரு சந்தேகமும் இல்லை. இந்திய ராணுவத்திற்காக உயிர்நீத்த முகுந்த் வரதராஜன் போல் இன்னும் ஏராளமானோர் தங்களது உயிரை தியாகம் செய்துள்ளனர். அவர்களுடைய கதையும் மக்களுக்கு படங்கள் மூலம் தெரிய வந்தால், அது அவர்களுக்கு செய்யும் மரியாதையாக இருக்கும்.

படத்தின் அடுத்த ஹீரோ ஜிவி பிரகாஷ் குமார். பாடல்களும் சரி, பின்னணி இசையும் சரி மிரட்டி விட்டார். எமோஷனல் காட்சிகள், காதல் காட்சிகள், ஆக்ஷன் காட்சிகள் பட்டையை கிளப்பியுள்ளார், வேற லெவல். ஆக்ஷன் காட்சிகளை சிறப்பாக வடிவமைத்துள்ளனர் அன்பறிவு மாஸ்டர்ஸ் மற்றும் Stefan Richter. ஒளிப்பதிவு படத்திற்கு மிகப்பெரிய பலம். அதே போல் எடிட்டிங் சூப்பர்.

பிளஸ் பாயிண்ட்
சிவகார்த்திகேயன், சாய் பல்லவி நடிப்பு
ராஜ்குமார் பெரியசாமி திரைக்கதை
எமோஷனல் காட்சிகள், இராணுவ காட்சிகள்
ஸ்டண்ட்
பாடல்கள், பின்னணி இசை
மைனஸ் பாயிண்ட்
பெரிதாக ஒன்றும் இல்லை

மொத்தத்தில் அமரன் ராணுவ வீரரின் வலி நிறைந்த காதல் கதை. அனைவரும் பார்க்கவேண்டிய படம்..

96 படத்தின் மூலம் தென்னிந்திய சினிமாவை திரும்பி பார்க்க வைத்தவர் இயக்குனர் பிரேம் குமார். இவர் இயக்கத்தில் தற்போது வெளிவந்துள்ள திரைப்படம் மெய்யழகன். இப்படத்தின் தலைப்பில் இருந்தே இப்படத்தின் மீதான எதிர்பார்ப்பு எழுந்தது.

மேலும் கார்த்தி மற்றும் அரவிந்த் சாமி இணைந்து நடிக்க கோவிந்த் வசந்தா இசையமைத்துள்ளார். இந்த கூட்டணியில் மெய்யழகன் எப்படி வந்திருக்கிறது என்று விமர்சனத்தில் பார்க்கலாம் வாங்க.

தஞ்சாவூரை சேர்ந்த அரவிந்த் சாமியின் (அருள்மொழி) தனது சொந்த வீடு அவருடைய குடும்பத்தின் கையை விட்டு போகிறது. சொந்த வீட்டை பிரிந்து அதே ஊரில் இருக்க முடியாத என்பதால், சென்னைக்கு வருகிறார்கள்.

20 ஆண்டுகள் இப்படியே செல்ல, தனது தங்கையின் திருமணத்திற்காக மீண்டும் தஞ்சாவூருக்கு செல்கிறார் அரவிந்த் சாமி. மனதில் சிறு தயக்கத்துடன் செல்லும் அரவிந்த் சாமிக்கு, உறவினராக வருகிறார் கார்த்தி.

அத்தான் அத்தான் என அரவிந்த் சாமியை உரிமையோடு கார்த்தி அழைத்தாலும், கார்த்தி யார்? அவருடைய பெயர் என்ன என்று தெரியாமல் நிற்கிறார் அரவிந்த் சாமி. இந்த கட்டத்தில் சென்னையில் இரவு பேருந்தில் கிளம்ப முடிவு செய்யும் அரவிந்த் சாமி, சென்னை போகும் கடைசி பேருந்தையும் தவறவிட்டு விடுகிறார்.

சென்னைக்கு செல்லவிருந்த கடைசி பேருந்தை தவற விட்ட அரவிந்த் சாமியின் வாழ்க்கையில் அன்று ஓர் இரவில் நடந்த மாற்றங்கள் என்னென்ன? அதன்பின் என்ன நடந்தது என்பது படத்தின் மீதி கதை.

கதை முழுக்கு முழுக்க அரவிந்த் சாமியின் வாழ்க்கையுடன் பயணிக்கிறது. எமோஷனலான நடிப்பு, தயக்கத்தை காட்டும் விதம், பாசம், குற்ற உணர்ச்சி என அனைத்து இடங்களிலும் பட்டையை கிளப்பியுள்ளார் அரவிந்த்சாமி.

அரவிந்த் சாமியின் நடிப்பு ஒரு புறம் படத்தை கொண்டு செல்கிறது என்றால், மறுபுறம் நான் இருக்கிறேன் என நடிப்பில் அசத்திவிட்டார் கார்த்தி. எவ்வளவு வயதானாலும், மனதளவில் இன்னும் சிறு பிள்ளைகள் போலவே இருக்கும் நபர் போல் கார்த்தி நடித்துள்ள நடிப்பு அருமை.

என்ட்ரி கொடுத்ததில் இருந்து கார்த்தி பேசும் விஷயங்கள் நம்மை அரவிந்த் சாமி மற்றும் கார்த்தி இருவருடன் பயணிக்க வைக்கிறது. உடல் மொழியிலும் சரி, வசனங்களிலும் சரி எங்குமே நமக்கு கார்த்தி தெரியவில்லை, அந்த கதாபாத்திரம் தான் நம் கண்ணனுக்கு தெரிகிறது.

தொய்வு என்பதே படத்தில் இல்லை. வசனங்களிலேயே படம் செல்வது புதிய திரை அனுபவத்தை கொடுக்கிறது. அதை தைரியமாக செய்ததற்கு இயக்குனர் பிரேம் குமாருக்கு பாராட்டுக்கள். பல நாட்கள் கழித்து சண்டை, கத்தி, துப்பாக்கி சந்தம் இல்லாமல் அமைதியாக ஒரு படத்தை பார்த்த உணர்வை கொடுத்ததற்கு இயக்குனருக்கு மிக்க நன்றி.

அரவிந்த் சாமி மற்றும் கார்த்தி இருவருடைய கதாபாத்திரம் தான் மொத்த படமும். மற்ற கதாபாத்திரங்களை வடிவமைத்த விதமும் அழகு. அதில் எந்த குறையும் இல்லை. 20 ஆண்டுகளுக்கு பின் தனது சொந்த ஊருக்கு வரும் அரவிந்த் சாமி ஏக்கத்தை காட்டிய விதமும் மனதை தொடுகிறது.

அரவிந்த்சாமி கதாபாத்திரம் வேண்டாம் என கூறிய ஒரு விஷயம், கார்த்தியின் வாழ்க்கையை மாற்றியதை காட்சியாக அமைத்த விதம் சூப்பர். அதே போல் தமிழர்களின் முன்னோர்கள் குறித்தும், தூத்துக்குடி துப்பாக்கி சூடு குறித்து பேசிய விதம், அதேபோல் ஜல்லிக்கட்டு குறித்து காட்டிய காட்சிகளும் மெய்சிலிர்க்க வைத்தது.

ஒவ்வொரு இடத்திலும் அரவிந்த் சாமியிடம் கார்த்தி பேசும் விஷயங்கள் நம்மை அப்படியே அவர்கள் இருவருடன் அழைத்து செல்கிறது. இதை திரைக்கதையில் தொய்வு இல்லாமல் வடிவமைத்தது மிகப்பெரிய விஷயம். அதற்கு பாராட்டுக்கள்.

தமிழ் சினிமாவின் முன்னணி நடிகர்களின் லிஸ்டில் டாப்பில் இருப்பது ரஜினி மற்றும் விஜய்.

கடந்த செப்டம்பர் 5ம் தேதி விஜய்யின் கோட் படம் வெளியாகி ரூ. 400 கோடிக்கு மேல் வசூல் வேட்டை நடத்தி வருகிறது.

அடுத்து தமிழ் சினிமாவில் வெளியாகப்போகும் பெரிய நடிகரின் படம் என்றால் அது வேட்டையன் தான்.

ஞானவேல் இயக்கத்தில் ரஜினி, அமிதாப் பச்சன், பகத் பாசில், மஞ்சு வாரியர், துஷாரா விஜயன், ரித்திகா சிங் என பலர் நடித்துள்ள இப்படம் வரும் அக்டோபர் 10ம் தேதி வெளியாக இருக்கிறது.

அனிருத் இசையமைக்க இப்படம் ரூ. 160 கோடி பட்ஜெட்டில் உருவாக்கப்பட்டுள்ளதாம்.

படத்தில் இடம்பெற்ற மனசிலாயோ பாடல் வெளியாகி பட்டிதொட்டி எங்கும் கலக்கியுள்ளது. அதோடு இப்படத்தின் இசை வெளியீட்டு விழா படு பிரம்மாண்டமாக அண்மையில் நடந்து முடிந்தது.

அக்டோபர் 10ம் தேதி படம் வெளியாகவுள்ள நிலையில் படத்திற்கான முதல் விமர்சனம் வந்துள்ளது.

படம் வந்து செமயா வந்திருக்காம், பகத் பாசில் வடிவேலு மாதிரி டிராக் காமெடி எல்லாம் செய்து அமர்க்களம் செய்துள்ளாராம். படத்தை பார்த்துவிட்டு ரஜினி செம ஹேப்பி என கேள்விப்பட்டதாக பிக்பாஸ் புகழ் அபிஷேக் கூறியுள்ளார்.

தமிழ் சினிமாவில் அடுத்தடுத்து சின்ன பட்ஜெட் படங்கள், புதுமுக கலைஞர்களின் படங்கள் என வெளியாகிய வண்ணம் உள்ளது.

அந்த படங்களும் அழுத்தமான கதைக்களத்தை கொண்டு இருக்க பாக்ஸ் ஆபிஸிலும் கலக்கி வந்தது.

இப்போது தமிழ் சினிமா ரசிகர்கள் பெரிதும் எதிர்ப்பார்க்கும் விஜய்யின் கோட் படம் வரும் செப்டம்பர் 5ம் தேதி வெளியாக இருக்கிறது.

AGS நிறுவனம் தயாரிக்க வெங்கட் பிரபு இயக்க, யுவன் ஷங்கர் ராஜா இசையமைத்துள்ளார்.

தமிழ்நாடு மற்றும் ஓவர்சீஸ் போன்ற இடங்களில் படத்திற்கான ப்ரீ புக்கிங் செம மாஸாக நடந்து வருகிறது. இந்த நேரத்தில் விஜய்யின் கோட் படம் குறித்த முதல் விமர்சனம் தற்போது வெளியாகியுள்ளது.

Salt and Pepper விஜய்யின் லுக் அருமையாக வந்துள்ளதாம், 2ம் பாதி கொஞ்சம் டல் என்றாலும் இறுதியில் மாஸ் தானாம். அதேபோல் மோகனின் Vintage Collection, சிஎஸ்கே-கில்லி காட்சிகள், அதிலும் கடைசி 30 நிமிடம் தெறி மாஸ் தானாம்.