ராஜா ராணி திரைப்படத்தின் மூலம் இயக்குனராக அறிமுகமாகி இன்று இந்தியளவில் முக்கிய இயக்குனராக மாறியுள்ளார் இயக்குனர் அட்லீ.

தெறி, மெர்சல், பிகில் என தொடர்ந்து விஜய்யுடன் மூன்று வெற்றி படங்களுக்கு பின் ஷாருக்கான் உடன் ஜவான் திரைப்படத்தில் கைகோர்த்தார். இப்படம் உலகளவில் ரூ. 1200 கோடிக்கும் மேல் வசூல் செய்து சாதனை படைத்தது.

அடுத்ததாக சல்மான் கானுடன் இணைந்துள்ளார் என தகவல் வெளியாகியுள்ளது. இப்படத்திற்கான முன் தயாரிப்பு பணிகள் நடைபெற்று வருவதாகவும், விரைவில் இதற்கான அறிவிப்பும் வெளியாகும் என்றும் கூறப்படுகிறது.

இயக்குனராக மட்டுமின்றி அட்லீ தயாரிப்பாளராகவும் திரையுலகில் பயணித்து வருகிறார். இவருடைய தயாரிப்பில் அடுத்ததாக வெளியாகவுள்ள திரைப்படம் தான் பேபி ஜான். தமிழில் வெளிவந்த தெறி படத்தின் இந்தி ரீமேக் தான் இந்த பேபி ஜான்.

இப்படத்தில் வருண் தவான் ஹீரோவாக நடிக்க கீர்த்தி சுரேஷ், வாமிகா காபி உள்ளிட்ட கதாநாயகிகளாக நடித்துள்ளனர். பெரிதும் எதிர்பார்ப்பில் இருக்கும் இப்படம் வருகிற டிசம்பர் 25ஆம் தேதி கிருத்துமஸ் பண்டிகை அன்று வெளியாகும் என அதிகாரப்பூர்வமாக அறிவிக்கப்பட்டுள்ளது.

கமல்ஹாசன் நடித்த பாபநாசம் படத்தில் அவரது மகள் ரோலில் நடித்து இருந்தவர் எஸ்தர் அணில். கேரளாவை சேர்ந்த அவர் அதற்கு பிறகு அதிகம் தமிழ் படங்களில் பார்க்க முடியவில்லை, மலையாளத்தில் மட்டும் நடித்து வருகிறார்.

எஸ்தர் அணில் 22 வயதாகும் நிலையில் அடுத்து ஹீரோயினாக நடிக்கும் முயற்சியில் இறங்கி இருக்கிறார். அதற்காக தொடர்ந்து கிளாமராக போட்டோஷூட் எடுத்து புகைப்படம் வெளியிட்டு வருகிறார்.

தற்போது எஸ்தர் அணில் மால்தீவுக்கு ட்ரிப் சென்று இருக்கும் நிலையில் அங்கு நீச்சல் உடையில் இருக்கும் ஸ்டில்களை வெளியிட்டு இருக்கிறார்.

அந்த போட்டோக்கள் தற்போது இணையத்தில் வைரல் ஆகி வருகிறது.

தென்னிந்திய அளவில் தனக்கென்று தனி இடத்தை பிடித்துள்ளார் காஜல் அகர்வால். இவர் நடிப்பில் தற்போது  இந்தியன் 2 மற்றும் 3 ஆகிய படங்கள் உருவாகியுள்ளது.

சமீபத்தில் நடந்த  இந்தியன் 2 இசை வெளியிட்டு விழாவில் காஜல் கலந்துகொண்டு இருந்தார். திருமணமாகி குழந்தை பிறந்த பிப்பும் பிசியாக நடித்து வரும் நடிகை காஜல் அகர்வால் சமீபத்தில் அளித்த பேட்டி ஒன்றில் ரசிகர்கள் மத்தியில் வைரலாக பேசப்பட்டு வருகிறது.

“பாலிவுட் சினிமாவிற்கு தென்னிந்திய சினிமாவிற்கும் இடையே நிறைய பாகுபாடு இருக்கிறது. இந்தியில் திருமணத்திற்கு பின்பும் கதாநாயகியாக நடித்து வருகிறார்கள். தீபிகா படுகோன், ஆலியா பட் ஆகியோரும் நல்ல கதாபாத்திரத்தில் நடித்து வருகிறார்கள்”.

“ஆனால், தென்னிந்திய சினிமாவில் திருமணமான நடிகைகளுக்கு படங்களில் ஹீரோயினாக நடிக்கும் வாய்ப்பு கிடைப்பது இல்லை. இந்த விஷயத்தில் நடிகை நயன்தாரா விதிவிலக்காக இருக்கிறார். அவருடைய படங்கள் தேர்வும், கதை தேர்வும் எனக்கு பிடித்த விஷயம். திருமணமான நடிகைகளை தென்னிந்திய சினிமா ஓரம் காட்டுகிறது. இந்த நிலையை விரைவில் மாற்றுவோம்”.

“இந்த தலைமுறை நடிகைகள் திருமணமாகி குழந்தை பெற்ற பிறகும் கூட நடித்து வருகிறார்கள். ரசிகர்களின் பார்வையில் மாறி இருக்கிறது. நல்ல கதை உள்ள படங்களில் யார் நடித்தாலும் அவர்கள் அதனை ரசித்து பார்க்கிறார்கள்” என காஜல் அகர்வால் பேசியுள்ளார்.

வெங்கட் பிரபு இயக்கத்தில் வெளியான சரோஜா படத்தில் ஒரு சூப்பர் ஹிட் பாடல் உள்ளது.

கோடான கோடி என்ற ஒரு குத்துப் பாடல் உள்ளது, இது ரசிகர்களிடம் மிகவும் பிரபலமான பாடலாக அமைந்தது. இதில் குத்துப் பாட்டுக்கு கிளாமர் டான்ஸ் ஆடி மீண்டும் மக்கள் மனதில் இடம் பிடித்தவர் தான் நிகிதா துக்ரால்.

மார்க்கெட் இழந்த நடிகைகள் ஒரே ஒரு மாஸ் குத்து பாடலுக்கு நடனம் ஆடி மார்க்கெட்டை பிடித்தது போல் கோடான கோடி பாடல் மூலம் மீண்டும் சினிமாவில் வலம் வர ஆரம்வித்தவர் நிகிதா.

தெலுங்கு சினிமா மூலம் தனது பயணத்தை தொடங்கியவர் மலையாளம், தமிழ், கன்னடம், ஹிந்தி உள்ளிட்ட மொழி படங்களில் நடித்துள்ளார்.

2003ம் ஆண்டு குறும்பு என்ற படத்தில் நடித்து தமிழ் சினிமாவில் நாயகியாக அறிமுகமானார்.

அதன்பின் சத்ரபதி, வெற்றிவேல் சக்திவேல், முரண், அலெக்ஸ் பாண்டியன், பாயும் புலி உள்ளிட்ட படங்களில் நடித்துள்ளார்.

திரைப்படங்களில் பிஸியாக நடித்துவந்த நிகிதா 2017ம் ஆண்டு கங்கா சிங் என்பவரை திருமணம் செய்துகொண்டார். திருமணம், குழந்தை என இருந்த இவர் சினிமா பக்கம் அதன்பிறகு வரவில்லை.

நடிகர் சிவகார்த்திகேயன் கோலிவுட்டில் முன்னணி ஹீரோக்களில் ஒருவராக இருந்து வருகிறார். தற்போது அவர் நடித்து வரும் அமரன் படம் மீது பெரிய எதிர்பார்ப்பு இருந்து வருகிறது.

இந்நிலையில் சிவகார்திகேயன் தமிழ்நாடு முழுவதும் இருக்கும் தனது ரசிகர் மன்ற நிர்வாகிகளை வர வைத்து சென்னை போரூர் பகுதியில் இருக்கும் பெரிய திருமண மண்டபத்தில் சந்திப்பு நிகழ்ச்சியை நடத்தி இருக்கிறார்.

சிவகார்த்திகேயன் ரசிகர்களை வரவைத்து பிரம்மாண்ட நிகழ்ச்சி நடத்தியது பற்றி நெட்டிசன்கள் பல்வேறு கமெண்டுகளை கூறி வருகின்றனர்.

விஜய் தொலைக்காட்சியில் ஒளிபரப்பான பிக் பாஸ் நிகழ்ச்சியின் மூலம் சந்தித்து கொண்டவர்கள் அமீர் மற்றும் பாவனி. நிகழ்ச்சி நடந்துகொண்டிருந்த போதே இருவருக்கும் இடையே காதல் என கிசுகிசுக்கப்பட்டது.

பின் நிகழ்ச்சி முடிந்து வெளியே வந்தபின், இருவரும் காதலிப்பதாக அறிவித்தனர். இதன்பின் எப்போது திருமணம் என அமீர், பாவனி இருவரிடமும் தொடர்ந்து கேள்விகள் கேட்கப்பட்டு வருகிறது.

ஆனால், இதுவரை எந்த ஒரு தகவலையும் தங்களது திருமணம் குறித்து இருவருமே தெரிவிக்கவில்லை. சமீபத்தில் பேட்டி ஒன்றில் அமீர் – பாவனி கோடியாக கலந்துகொண்டனர். அப்போது தங்களது திருமண தேதியை கூறினார்கள்.

இந்த ஆண்டு நவம்பர் மாதம் திருமணம் நடக்கும் என அமீர் – பாவனி கோடி கூறியுள்ளனர். இவர்களுடைய திருமணத்தை எதிர்பார்த்து காத்து கொண்டிருந்த ரசிகர்களுக்கு இது மகிழ்ச்சியான செய்தியாக அமைந்துள்ளது. பலரும் தங்களது வாழ்த்துக்களையும் இந்த காதல் ஜோடிக்கு தெரிவித்து வருகிறார்கள்.

சின்னத்திரையில் பிரபலமாக தற்போது பேசப்பட்டு வரும் சீரியல் சிறகடிக்க ஆசை. விஜய் டிவியின் TRP-யில் நம்பர் 1 ஆக இருக்கும் இந்த சீரியல் சின்னத்திரையில் டாப் 5ல் இடம்பிடித்துள்ளது.

மக்கள் மத்தியில் நல்ல வரவேற்பை பெற்று வரும் இந்த சீரியலில் கதாநாயகன் முத்துவின் பாட்டியாக நடித்து வருபவர் தான் நடிகை ரேவதி. இவர் எம்.ஜி.ஆர், சிவகுமார் போன்ற பல நட்சத்திரங்களும் படங்களில் இவர் நடித்துள்ளார்.

மௌனராகம் சீரியல் மூலம் சின்னத்திரையில் நல்ல வரவேற்பை பெற்ற ரேவதி பாட்டி தற்போது சிறகடிக்க ஆசை சீரியலில் கலக்கிக்கொண்டிருக்கிறார். ரசிகர்கள் மத்தியில் இவர் ஏற்று நடித்து வரும் கதாபாத்திரங்களுக்கு பாராட்டுக்கள் குவிந்து வருகிறது.

இந்நிலையில், இந்திய கிரிக்கெட் அணியின் முன்னாள் வீரரான தோனியுடன், சிறகடிக்க ஆசை சீரியல் ரேவதி பாட்டி எடுத்துக்கொண்ட புகைப்படம் ஒன்று இணையத்தில் வைரலாகி வருகிறது.

இது விளம்பர படபிடிப்பின் போது எடுக்கப்பட்ட புகைப்படம் என கூறப்படுகிறது என்பது குறிப்பிடத்தக்கது.

தொகுப்பாளினி பிரியங்காவிற்கு அறிமுகமே தேவையில்லை. சின்னத்திரையின் மூலம் நம் அனைவரின் மனதையும் கொள்ளைகொண்டவர் ஆவார்.

இதுவரை மகிழ்ச்சியான பிரியங்காவை மட்டுமே நாம் பார்த்திருக்கிறோம். சமீபத்தில் பேட்டி ஒன்றில் கலந்துகொண்ட பிரியங்கா, தனது சோகமான பக்கத்தை பற்றியும் பேசினார்.

இதில், தனது தம்பியின் மகள் தான் தன்னுடைய உலகம் என்றும். தங்கள் குடும்பத்தை ஒட்டுமொத்தமாக மாற்றியதே அவள் தான் என்றும் கூறி கண்கலங்கினார். அவள் அம்புக்காக தான் நான் ஏங்குகிறேன், அது போன்ற காதலை மட்டும் எனக்கு தாருங்கள். மற்ற அனைத்தையும் நான் தருகிறேன், வேறு எதுவுமே எனக்கு வேண்டாம். அவளுக்காக நான் எதுவேண்டுமானாலும் செய்வேன், அத்தை எனும் உறவை தாண்டி அவள் மீது அதிக அன்பு வைத்து இருக்கிறேன்” என கூறினார் பிரியங்கா.

இதன்பின் அந்த நிகழ்ச்சியை தொகுத்து வழங்கிய தொகுப்பாளினி அர்ச்சனா “நீ நினைத்தபடி உன்னை உருகி உருகி காதலிக்கும் ஒருத்தர் உன் வாழ்க்கையில் நிச்சயம் வருவார்” என கூறினார். பின் ” நீ நிறைய குழந்தையை பெற்றுக்கொள்ள வேண்டும் இதற்கான நான் கடவுளிடம் வேண்டிக்கொள்கிறேன். உன் மகன், உன் மகளை நான் பார்க்க வேண்டும்” என அர்ச்சனா சொன்னவுடன், கண்கலங்கி அழுதார் பிரியங்கா.

முதல் முறையாக அன்புக்காக ஏங்கி பிரியங்கா பேசிய இந்த விஷயம் சோசியல் மீடியாவில் வைரலாகி வருகிறது. சிரித்து நகைச்சுவையாக மட்டுமே பேசும் பிரியங்காவிற்கு இப்படியொரு ஒரு பக்கம் இருக்கிறதா என ரசிகர்கள் பலரும் ஷாக்காகியுள்ளனர்.

நடிகர் சிம்பு வேல்ஸ் நிறுவனத்தின் தயாரிப்பில் வெந்து தணிந்தது காடு என்ற படத்தில் நடித்து இருந்தார். அப்போது கொரோனா குமார் என்ற படத்திற்காகவும் ஒப்பந்தம் போடப்பட்டு சிம்புவுக்கு ஒரு பெரிய தொகை அட்வான்ஸாக வழங்கப்பட்டது.

ஆனால் சிம்பு அந்த படத்தில் நடிக்கவும் வரவில்லை, அட்வான்ஸ் தொகையையும் திருப்பி தரவில்லை என வேல்ஸ் நிறுவனம் வழக்கு தொடர்ந்தது.

இந்நிலையில் சிம்புவை அந்த படத்தில் இருந்து நீக்கிவிட்டு அவருக்கு பதிலாக விஷ்ணு விஷாலை ஒப்பந்தம் செய்திருக்கிறார்கள் என தற்போது தகவல் வெளியாகி இருக்கிறது.

இதற்குத்தானே ஆசைப்பட்டாய் பாலகுமாரா பட புகழ் இயக்குனர் கோகுல் தான் இந்த படத்தை இயக்குகிறார். அவர் இயக்கத்தில் சமீபத்தில் சிங்கப்பூர் சலூன் படம் ரிலீஸ் ஆகி இருந்தது. அந்த படத்தை தயாரித்தும் வேல்ஸ் நிறுவனம் தான் என்பது குறிப்பிடத்தக்கது.

உலகமே வியக்கும் அளவுக்கு முகேஷ் அம்பானியின் மகன் ஆனந்த் அம்பானியின் ப்ரி வெட்டிங் பங்க்ஷன் மிகவும் பிரம்மாண்டமாக நடந்து முடிந்தது.

இதில் கலந்து கொண்டு சிறப்பிப்பதற்காக இந்தியாவில் மட்டுமின்றி உலகளவில் மிகவும் பிரபலமானவர்கள், நட்சத்திரங்கள், டாப் பாடகி என சுமார் 2000 பேருக்கு அழைப்பு விடுக்கப்பட்டு இருந்தது.

ஆனந்த் அம்பானியின் திருமணத்திற்கு முந்தைய விழாவில் ஆயிரம் கோடி செலவழித்து அமர்க்களப்படுத்தியிருந்தார் முகேஷ் அம்பானி.

மார்ச் முதலாம் தேதி முதல் 3ஆம் திகதி வரை மூன்று நாட்களுக்கு பல நூறு கோடி செலவில் நடந்த இந்த நிகழ்ச்சியில், பிரபல பாடகி ரிஹானாவின் பாடல் மற்றும் நடனம், முகேஷ் – நீத்தா அம்பானியின் நடனம், ஆனந்த் – ரித்திகாவின் ரொமாண்டிக் டான்ஸ் மற்றும் ஆனந்த் அம்பானியின் எமோஷனல் பேச்சு என்பன பார்ப்பவர்களுக்கு உற்சாகத்தை ஏற்படுத்தி இருந்தது.

இந்த நிலையில், ஆனந்த் அம்பானியின் திருமணத்துக்கு முந்திய விழாவில் கலந்துகொண்டு சிறப்பித்த பாலிவுட் பிரபலங்களுக்கு கோடிக்கணக்கில் பணம் வழங்கப்பட்டதாக தற்போது தகவல் வெளியாகியுள்ளது.

அதன்படி கத்ரீனா – விக்கி கௌஷல் தம்பதிக்கு மூன்று கோடி ரூபாய் நடனம் ஆடுவதற்காக வழங்கப்பட்டுள்ளது. அதேபோல ரன்வீர் சிங் – தீபிகா படுகோன் ஜோடிக்கு ஒரு கோடி ரூபாயும், நடிகர் அக்ஷய் குமாருக்கு 1.5 கோடியும், நடனம் ஆடுவதற்கு தனியாக 3.5 கோடியும் வழங்கப்பட்டுள்ளது.

அதுபோல சல்மான்கான் பங்கேற்க இரண்டு கோடியும், நடனம் ஆடுவதற்கு தனியாக 3 கோடியும் வழங்கப்பட்டுள்ளது.

நடிகர் ஷாருக்கானுக்கு நடனமாட மட்டும் மூன்று கோடி வழங்கப்பட்டுள்ளதாக கூறப்படுகிறது.