சூர்யா நடித்த ’கங்குவா’ படத்தின் டீசர் வெளியீட்டு விழா நேற்று நடைபெற்ற நிலையில் இந்த விழாவில் ‘ரோலக்ஸ்’ படத்தின் பணிகள் தொடங்கி விட்டதாகவும் விரைவில் இந்த படம் குறித்த அறிவிப்பு வெளியாகும் என்றும் சூர்யா கூறியது தான் ரசிகர்களுக்கு பெரும் ஆச்சரியத்தை ஏற்படுத்தியுள்ளது.

கடந்த 2022 ஆம் ஆண்டு லோகேஷ் கனகராஜ் இயக்கத்தில், கமல்ஹாசன் நடித்த ’விக்ரம்’ திரைப்படத்தில் கடைசி பத்து நிமிடங்களில் ரோலக்ஸ் என்ற கேரக்டரில் நடித்து சூர்யா மிரட்டி இருப்பார் என்பதும் இந்த வரவேற்பை லோகேஷ் கனகராஜே எதிர்பார்க்காத நிலையில் தான் இந்த கேரக்டருக்கு கிடைத்த வரவேற்பு காரணமாக ‘ரோலக்ஸ்’ என்ற தனி திரைப்படத்தையே அவர் இயக்க திட்டமிட்டு இருந்தார் என்பதும் அதற்கான திரைக்கதை எழுதும் பணியை அவர் விரைவில் தொடங்க இருப்பதாகவும் கூறப்பட்டது.

இந்த நிலையில் தற்போது ரஜினிகாந்த் நடிக்க இருக்கும் ’தலைவர் 171’ படத்தை லோகேஷ் கனகராஜ் இயக்க இருக்கும் நிலையில் இந்த படத்தை முடித்தவுடன் அவர் ‘ரோலக்ஸ்’ படத்தை தான் தொடங்குவார் என்றும் கூறப்படுகிறது. அதேபோல் ’கங்குவா’ படத்தை முடித்துள்ள சூர்யா அடுத்ததாக ’அயலான்’ இயக்குனர் ரவிக்குமார் இயக்கத்தில் ஒரு படத்தில் நடிக்க இருப்பதாகவும் இந்த படத்தை முடித்தவுடன் ‘ரோலக்ஸ்’ படத்தில் அவர் இணைவார் என்று எதிர்பார்க்கப்படுகிறது.

இந்த நிலையில் தான் நேற்று ’கங்குவா’ படத்தின் டீசர் ரிலீஸ் விழாவில் வருண் தவான் ‘ரோலக்ஸ்’ படம் குறித்த கேள்வி எழுப்பியபோது ‘ரோலக்ஸ்’ படத்தின் பணிகள் நடைபெற்று வருவதாகவும் எனது அடுத்த படம் இதுதான் என்றும் சூர்யா பதில் அளித்தார். இதனை அடுத்து ‘ரோலக்ஸ்’ படம் உறுதி செய்யப்பட்டுள்ளது என்பதும் அநேகமாக 2025 ஆம் ஆண்டு இந்த படத்தின் படப்பிடிப்பு தொடங்கும் என்றும் கூறப்படுகிறது.

ஜோதிகா நடித்த ’சைத்தான்’ திரைப்படம் இன்று வெளியாகி உள்ள நிலையில் நேற்று இந்த படத்தின் நிகழ்ச்சி ஒன்றில் ஜோதிகாவுடன் சூர்யா கலந்து கொண்ட போது சூர்யாவை அந்த விழாவுக்கு வந்திருந்த ரசிகர்கள் ’ரோலக்ஸ் ரோலக்ஸ்’ என்று அழைத்தது பரபரப்பை ஏற்படுத்தி உள்ளது. மேலும் இது குறித்து வீடியோ இணையத்தில் வைரல் ஆகி வருகிறது.

கமல்ஹாசன் நடித்த ’விக்ரம்’ திரைப்படத்தை இயக்கிய லோகேஷ் கனகராஜ், அந்த படத்தின் கிளைமாக்ஸில் சூர்யாவுக்கு ஒரு பத்து நிமிட காட்சியை வைத்திருந்தார். ரோலக்ஸ் என்ற அந்த கேரக்டரில் சூர்யா நடிப்பில் அசத்தியிருப்பார் என்பதும் அந்த கேரக்டருக்கு கிடைத்த வரவேற்பை அடுத்து ரோலக்ஸ் என்று ஒரு தனி படமாகவே எடுக்க லோகேஷ் கனகராஜ் திட்டமிட்டுள்ளார் என்பது குறிப்பிடத்தக்கது. இந்த படம் தமிழில் மட்டுமின்றி தெலுங்கு, ஹிந்தி என சக்கை போடு போட்டதை அடுத்து ரோலக்ஸ் கேரக்டர் ஹிந்தியிலும் பிரபலமானது.

இந்த நிலையில் அஜய் தேவ்கன், ஜோதிகா, மாதவன் நடித்த ’சைத்தான்’ திரைப்படம் இன்று வெளியாகி பாசிட்டிவ் விமர்சனங்களை பெற்று வரும் நிலையில் நேற்று இந்த படத்தின் புரமோஷன் நிகழ்ச்சியில் ஜோதிகாவுடன் சூர்யாவும் கலந்து கொண்டார். சூர்யாவை பார்த்ததும் ரசிகர்கள் அவரது பெயரை கூறாமல் அவர் ’விக்ரம்’ படத்தில் நடித்த ரோலக்ஸ் ரோலக்ஸ் என்று கூப்பிட்டது அருகில் இருந்த ஜோதிகாவுக்கே ஆச்சரியத்தை ஏற்படுத்தியுள்ளது.

இரண்டு ஆண்டுகளுக்கு முன்பு வந்த ஒரு படத்தின் கேரக்டர், அதுவும் பத்தே நிமிடங்கள் மட்டும் வரும் கேரக்டர், வட இந்தியாவில் உள்ள ரசிகர்களை எந்த அளவுக்கு தாக்கம் செய்து உள்ளது என்பதை இந்த வீடியோவில் இருந்து தெரிய வருகிறது. இதை அடுத்து சூர்யாவை வைத்து மிக விரைவில் ’ரோலக்ஸ்’ படத்தை தொடங்க லோகேஷ் கனகராஜ் திட்டமிட்டுள்ளதாக கூறப்படுகிறது.

வெற்றிமாறன் இயக்கத்தில், சூர்யா நடிப்பில் உருவாக இருந்த ’வாடிவாசல்’ திரைப்படம் கிட்டத்தட்ட ட்ராப் என்று கூறப்பட்ட நிலையில் தற்போது சுதா கொங்கரா இயக்கத்தில் உருவாக இருக்கும் ’சூர்யா 43’ படத்தின் படப்பிடிப்பும் தள்ளி போக வாய்ப்பு இருப்பதாக கூறப்படுகிறது.

நடிகர் சூர்யா நடிப்பில் சுதா கொங்கரா இயக்கத்தில் ஜீவி பிரகாஷ் இசையில் உருவாக இருக்கும் ’சூர்யா 43’ படத்தின் படப்பிடிப்பு மார்ச் மாதம் தொடங்கும் என்று எதிர்பார்க்கப்பட்டது. இந்த நிலையில் தற்போது சூர்யா பாலிவுட்டில் உருவாகும் ’கர்ணா’ என்ற படத்தில் நடிக்க கமிட்டானதை தொடர்ந்து அந்த படத்திற்கு கால்ஷீட் கொடுத்திருப்பதாகவும் இதனால் சுதா கொங்கரா இயக்கத்தில் உருவாகும் ’சூர்யா 43’ படத்தின் படப்பிடிப்பு தாமதமாக வாய்ப்பிருப்பதாகவும் கூறப்படுகிறது.

இதனை அடுத்து இயக்குனர் சுதா கொங்கரா தான் ஏற்கனவே இயக்கி வந்த ’சூரரை போற்று’ ஹிந்தி ரீமேக் படத்தில் கவனம் செலுத்தி வருவதாகவும், ’சூர்யா 43’ படப்பிடிப்பு தொடங்க இன்னும் சில மாதங்கள் ஆகும் என்றும் கூறப்படுகிறது.

பாலிவுட்டில் பிரமாண்டமாக உருவாக இருக்கும் ’கர்ணா’ படத்தின் படப்பிடிப்பில் தான் தற்போது சூர்யா கவனம் செலுத்தி வருவதாகவும் இந்த படம் தனக்கு பாலிவுட்டில் ஒரு மிகப்பெரிய எண்ட்ரியாக இருக்கும் என்றும் அவர் கருதுவதாக தகவல் வெளியாகி உள்ளது.

அதுமட்டுமின்றி இந்த படத்தில் சூர்யா ஜோடியாக ஸ்ரீதேவியின் மகள் ஜான்வி கபூர் நடிக்க உள்ளதை அடுத்து இந்த படம் மிகப்பெரிய ஹிட் ஆகும் என்று எதிர்பார்க்கப்படுகிறது.

மேலும் இனி வருங்காலத்தில் சூர்யா பாலிவுட்டில் தான் அதிக கவனம் செலுத்த போவதாகவும் கோலிவுட்டில் ஒரு சில படங்கள் மட்டுமே அவர் நடிப்பார் என்றும் கூறப்பட்டு வருகிறது. வெற்றிமாறனை அடுத்து சுதா கொங்கரா படத்தையும் சூர்யா தாமதம் செய்தது கோலிவுட் திரையுலகில் பரபரப்பை ஏற்படுத்தினாலும் பாலிவுட்டில் அவர் இனி சுறுசுறுப்பாக இருப்பார் என்று எதிர்பார்க்கப்படுகிறது.