தளபதி விஜய்யின் மகன் ஜேசன் சஞ்சய் தமிழ் சினிமாவில் இயக்குநராக அறிமுகமாகியுள்ளார். கடந்த 2023ம் ஆண்டு இதற்கான அறிவிப்பு வெளிவந்த நிலையில், கடந்த சில மாதங்களுக்கு முன் இப்படத்தின் ஹீரோ சந்தீப் கிஷன் என அறிவித்தனர்.

ஹீரோ குறித்து அறிவிப்பு வந்த நிலையில், படப்பிடிப்பும் விறுவிறுப்பாக சென்னையில் துவங்கியுள்ளது. ஆனால், மூன்று நாட்கள் மட்டுமே இந்த படப்பிடிப்பு நடந்துள்ளது. இந்த தகவல் வெளிவந்த நிலையிலும், சஞ்சய் இயக்கத்தில் உருவாகும் படம் ட்ராப் ஆகிவிட்டது என பேச துவங்கிவிட்டனர்.

ஆனால், உண்மையில் அப்படி எதுவும் நடக்கவில்லை. முதற்கட்ட படப்பிடிப்பு மூன்று நாட்கள் சென்னையில் நடந்த நிலையில், அடுத்தகட்ட படப்பிடிப்பு இலங்கையில் விரைவில் துவங்கவுள்ளது. அதற்கான ஏற்பாடுகள் நடந்து வருகிறதாம்.

லைகா நிறுவனத்திடம் இருந்து First Copy அடிப்படையில் ரூ. 25 கோடி இப்படத்திற்கான பட்ஜெட்டை சஞ்சய் வாங்கிவிட்டாராம். இதனால் படப்பிடிப்பிற்கு எந்த ஒரு தடையும் இருக்காது என்றும், படம் கைவிடப்பட்டது என வெளிவந்த தகவல் உண்மையில்லை என்றும் பிரபல பத்திரிகையாளர் ஒருவர் கூறியுள்ளார்.

ஜேசன் சஞ்சய், தமிழ் சினிமாவின் நம்பிக்கை நட்சத்திரமாக, பாக்ஸ் ஆபிஸ் கிங்காக இருந்துவரும் நடிகர் விஜய்யின் மகன்.

இவர் சினிமாவில் நாயகயாக களமிறங்குவார் என ரசிகர்கள் அனைவரும் எதிர்ப்பார்க்க எனது வழி தனி வழி என யாரும் எதிர்ப்பார்க்காத வண்ணம் இயக்குனர் அவதாரம் எடுத்துள்ளார்.

லைகா நிறுவனம் தயாரிப்பில் இவர் படம் இயக்குகிறார் என தகவல் எப்போதோ வெளியான நிலையில் சமீபத்தில் தான் படத்தின் நாயகன் அறிவிப்பு வந்தது.

ஜேசன் சஞ்சய் தனது முதல் பட நாயகனை நீண்ட மாதங்களாக தேடி வந்த நிலையில் சந்தீப் கிஷான் கமிட்டாகியுள்ளார். இந்த அறிவிப்பு கூட சமீபத்தில் தான் வெளியானது, அதோடு இப்படத்திற்கு தமன் இசையமைக்க உள்ளதாக அறிவிக்கப்பட்டது.

இந்த நிலையில் தனது முதல் படத்திற்காக ஜேசன் சஞ்சய் வாங்கும் சம்பளம் என ஒரு விவரம் சமூக வலைதளங்களில் வலம் வருகிறது.

அதாவது நடிகர் விஜய்யின் மகன் ஜேசன் சஞ்சய் தனது முதல் படத்திற்காக ரூ. 10 கோடி சம்பளம் பெற இருப்பதாக கூறப்படுகிறது.