அதனடிப்படையில், நேற்றைய தினம் முதல் எதிர்வரும் ஜூலை 26 ஆம் திகதி வரை குவைத்திற்கான விமான சேவைகள் தற்காலிகமாக இடைநிறுத்தப்பட்டுள்ளதாகவும் குறிப்பிடப்பட்டுள்ளது.

அத்துடன்,இது தொடர்பான மேலதிக விபரங்களினை 1979 என்ற அவசர தொலைபேசி இலக்கம் மூலமாகவும் +94 11 777 1979 அல்லது +94 74 444 1979 ஆகிய WhatsApp இலக்கங்களுக்கு குறுஞ்செய்தி அனுப்பியோ பெற்றுக்கொள்ள முடியும் என்பதுடன் ஸ்ரீலங்கன் ஏர்லைன்ஸ் நிறுவனத்தின் உத்தியோகபூர்வ இணையத்தளத்திற்கு பிரவேசிப்பதன் மூலம் மேலதிக தகவல்களைப் பெற்றுக்கொள்ளலாம் என தெரிவிக்கப்பட்டுள்ளது.

மத்திய கிழக்கில் நேற்றைய தினம் இரவு திடீரென பதற்றம் அதிகரித்ததமையால் மத்திய கிழக்கின் சில பகுதிகளில் வான்வெளி மூடப்பட்டிருந்தது.
குவைத் நகரம் மற்றும் தம்மாம் நோக்கிச் சென்ற ஸ்ரீலங்கன் ஏர்லைன்ஸ் நிறுவனத்தின் இரண்டு விமானங்கள் பண்டாரநாயக்க சர்வதேச விமான நிலையத்திற்கு பாதுகாப்பாகத் திருப்பி அனுப்பப்பட்டுள்ளதாக தெரிவிக்கப்பட்டுள்ளது.

ஸ்ரீலங்கன் ஏர்லைன்ஸ் விமானம் UL229 நேற்று மாலை 5:10 மணிக்கு பஹாய் சர்வதேச விமான நிலையத்திலிருந்து குவைத் சர்வதேச விமான நிலையத்திற்குப் புறப்பட்டதுடன், விமானம் UL253 மாலை 6:36 மணிக்கு தம்மாமில் உள்ள கிங் ஃபஹத் சர்வதேச விமான நிலையத்திற்குப் புறப்பட்டது.

விமானங்கள் மத்திய கிழக்கை நெருங்கியபோது, ​​ஈரானால் தொடர் ஏவுகணை மற்றும் ஆளில்லா விமானத் தாக்குதல்கள் நடத்தபட்டதாக கூறப்படுகிறது. அதனால் தொடர்ந்து, குவைத்தும் சவூதி அரேபியாவும் தத்தமது வான்வெளிகளைத் தற்காலிகமாக மூடின.

இந்நிலையில் உரிய இடங்களுக்கு உடனடியாக செல்ல முடியாத காரணத்தினால், அந்த இரண்டு விமானங்களும் பாதிக்கப்பட்ட வான்வெளிக்கு அருகே சுமார் ஒரு மணி நேரத்திற்கும் அதிகமாக பறந்து கொண்டிருந்ததாக கூறப்படுகிறது.

தற்காலிகமாக வான்வெளிகள் மூடப்பட்டதால், மற்றும் பல சர்வதேச விமானங்களும் வானில் காத்திருக்க வேண்டிய தேவை ஏற்பட்டதாகவும் கூறப்படுகின்றது.

குறித்த விமானங்கள் இரண்டும் இன்று காலை பண்டாரநாயக்க சர்வதேச விமான நிலையத்திற்கு திரும்பி வந்துள்ளதாக கூறப்படுகின்றது.

2012 மற்றும் 2013 ஆம் ஆண்டுகளில் ஸ்ரீலங்கன் ஏர்லைன்ஸ் நிறுவனத்திற்காக 10 எயார்பஸ் விமானங்களை கொள்வனவு செய்யத் திட்டமிட்ட போது, இந்த ஊழல் இடம்பெற்றதாகத் தெரிவிக்கப்படுகிறது. இந்த விமானக் கொள்வனவு ஒப்பந்தத்தைப் பெறுவதற்காக, எயார்பஸ் நிறுவனம் 16.84 மில்லியன் அமெரிக்க டொலர்களை இலஞ்சமாக வழங்க இணங்கியிருந்ததாக விசாரணைகளில் தெரியவந்துள்ளது. இதில், இரண்டு மில்லியன் அமெரிக்க டொலர்கள் கபில சந்திரசேனவின் மனைவியின் பெயரில் புருணே நாட்டில் பதிவு செய்யப்பட்டிருந்த நிறுவனத்தின் கணக்கிற்கு மாற்றப்பட்டுள்ளதாக வெளிநாட்டு விசாரணைகள் மூலம் ஏற்கனவே வெளிப்படுத்தப்பட்டிருந்தது.

இந்தக் குற்றச்சாட்டு தொடர்பாகப் பல ஆண்டுகளாக விசாரணைகள் முன்னெடுக்கப்பட்டு வந்த நிலையில், தற்போதைய கைது நடவடிக்கை முக்கியத்துவம் பெறுகிறது. இவர் மீது பணமோசடி (Money Laundering) மற்றும் ஊழல் குற்றச்சாட்டுகள் சுமத்தப்பட்டுள்ளன. ஏற்கனவே 2020 ஆம் ஆண்டிலும் இதே குற்றச்சாட்டுக்காக அவர் கைது செய்யப்பட்டு விளக்கமறியலில் வைக்கப்பட்டிருந்தமை குறிப்பிடத்தக்கது. இந்த ஊழல் தொடர்பான விசாரணைகள் தற்போது கையூட்டல் மற்றும் ஊழல் விசாரணை ஆணைக்குழு மற்றும் குற்றப்புலனாய்வு திணைக்களம் (CID) ஆகியவற்றால் இணைந்து முன்னெடுக்கப்பட்டு வருகின்றன.

இதேவேளை, முன்னாள் சபாநாயகர் சமல் ராஜபக்ஷவின் புதல்வரான ஷமீந்திர ராஜபக்ஷவும் இந்த வழக்கில் மூன்றாவது சந்தேகநபராகப் பெயரிடப்பட்டுள்ளார். 2013 ஆம் ஆண்டில் அவரது வங்கிக் கணக்கிற்கு 160,000 அமெரிக்க டொலர்கள் வரவு வைக்கப்பட்டுள்ளமை விசாரணைகளில் கண்டறியப்பட்டுள்ளது. பல நாடுகளின் புலனாய்வு அமைப்புகளின் ஒத்துழைப்புடன் முன்னெடுக்கப்படும் இந்த விரிவான விசாரணைகள், நாட்டின் தேசிய விமான சேவையில் இடம்பெற்ற மிக மோசமான ஊழல்களில் ஒன்றின் பின்னணியை வெளிச்சத்திற்குக் கொண்டு வந்துள்ளன.

தற்போது முன்னெடுக்கப்பட்டு வரும் தினசரி விமான சேவைகளுக்கு மேலதிகமாக, வாரத்தில் மூன்று நாட்கள் மேலதிக விமானங்களை இயக்க நிறுவனம் திட்டமிட்டுள்ளது. பயணிகளின் தேவை மற்றும் பயணிகளின் வசதிகளைக் கருத்தில் கொண்டே இந்த அதிகரிப்பு செய்யப்பட்டுள்ளதாக ஸ்ரீ லங்கன் எயார்லைன்ஸ் தெரிவித்துள்ளது.

புதிய விமானங்களின் சேவை நேர அட்டவணை பின்வருமாறு:

• கொழும்பிலிருந்து: பிற்பகல் 02:10 மணிக்கு புறப்படும் விமானம், மறுநாள் அதிகாலை 04:30 மணிக்கு மெல்பேர்னைச் சென்றடையும்.

• மெல்பேர்னிலிருந்து: காலை 06:00 மணிக்கு புறப்படும் விமானம், மதியம் 12:15 மணிக்கு கொழும்பை வந்தடையும்.

இந்த விமான சேவை அதிகரிப்பானது, இரு நாடுகளுக்கும் இடையிலான சுற்றுலா மற்றும் வர்த்தக உறவுகளை மேலும் வலுப்படுத்துவதோடு, பயணிகளின் பயண நேரத்தைச் சிக்கனப்படுத்தவும் உதவும் என எதிர்பார்க்கப்படுகிறது. டிக்கெட் முன்பதிவு மற்றும் மேலதிக விபரங்களுக்கு ஸ்ரீ லங்கன் எயார்லைன்ஸ் நிறுவனத்தின் உத்தியோகபூர்வ இணையத்தளத்தையோ அல்லது பயண முகவர்களையோ தொடர்புகொள்ளுமாறு அறிவுறுத்தப்பட்டுள்ளது.

இதன்படி, ரியாத்துக்கான தினசரி விமான சேவைகள் இன்று இரவும், டுபாய்க்கான சேவைகள் நாளையிலிருந்தும் மீண்டும் ஆரம்பமாகவுள்ளன.

மத்திய கிழக்கின் நிலைமைகளைத் தொடர்ந்து உன்னிப்பாகக் கண்காணித்து வருவதாகவும், பயணிகள் மற்றும் பணியாளர்களின் பாதுகாப்பிற்கு முன்னுரிமை அளிக்கப்படும் என்றும் நிறுவனம் குறிப்பிட்டுள்ளது.

இயக்கப்படவுள்ள விமானங்களின் விபரங்கள் பின்வருமாறு: 

UL265   Colombo–Riyadh   18:15 hrs 

UL266   Riyadh–Colombo   22:35 hrs 

UL231   Colombo–Dubai 1  2:40 hrs 

UL232   Dubai–Colombo   17:00 hrs 

மேலதிக விபரங்களுக்கு பொதுமக்கள் www.srilankan.com என்ற இணையதளத்தைப் பார்வையிடலாம்.

பாடகர் சாமர ரணவக்க அதிக அளவில் குடிபோதையில் இருந்ததாகவும், விமானத்தில் ஏறும்போதும் விமானப் பணிப்பெண்கள் மற்றும் பணியாளர்களுடன் முரண்பட்டதாகவும் தெரிவிக்கப்படுகிறது. அவர் பணியாளர்களுடன் கடுமையான வாக்குவாதத்திலும் ஈடுபட்டார்.

மது அருந்தி மோசமாக நடந்து கொண்ட பாடகரை விமானத்தில் பயணிக்க அனுமதிக்க முடியாது என்று தலைமை விமானி முடிவெடுத்தார். இதனையடுத்து அவர் விமான நிலைய அதிகாரிகளுக்கு தகவல் தெரிவித்தார்.

விமானத்தில் இருந்து வலுக்கட்டாயமாக வெளியேற்றப்பட்ட பிரபல பாடகர், கட்டுநாயக்க விமான நிலையத்தில் குடிவரவு மற்றும் குடிவரவு அதிகாரிகளிடம் ஒப்படைக்கப்பட்டார். அதிகாரிகள் தீவிர விசாரணை மேற்கொண்ட பின்னர், எச்சரிக்கையுடன் அவரை வீட்டுக்குச் செல்ல அனுமதித்துள்ளனர்.

கட்டுநாயக்க விமான நிலையத்தில் 80 சதவீதம் விமான நடவடிக்கைகள் இயல்பு நிலைக்குத் திரும்பியுள்ளதாக கட்டுநாயக்க விமான நிலைய செயல்பாட்டுக் குழுவின் தலைவர் ரோஷனி மசகோரல தெரிவித்துள்ளார்.

எனினும் கட்டார் எயார்வேஸ் விமான நடவடிக்கைகள் இன்னும் இயல்பு நிலைக்குத் திரும்பவில்லை என ரோஷனி மசகோரல குறிப்பிட்டுள்ளார்.

டோஹா விமான நிலையத்தில் பணியாற்றும் கட்டார் எயார்வேஸ் ஊழியர்கள் மற்றும் அதிகாரிகள் இன்னும் தேவைக்கேற்ப பணிக்கு வராமையே இதற்கான காரணமாகும் என அவர் குறிப்பிட்டுள்ளார்.

மாற்று விமான நிலையத்திற்கு திருப்பி விடப்பட்ட அனைத்து இலங்கை விமானங்களும் தற்போது கட்டுநாயக்க விமான நிலையத்தை வந்தடைந்துள்ளன.இலங்கை உணவகம்

அத்துடன் விமான நடவடிக்கைகளுக்கு மீண்டும் அனுப்பப்பட்டுள்ளதென இலங்கை சிவில் விமானப் போக்குவரத்து ஆணையத்தின் தலைவர் சுனில் ஜெயரத்ன தெரிவித்துள்ளார்.

மாற்று விமான வழிகளைப் பயன்படுத்துவதாலும், எரிபொருளை பெறுவதற்காக வேறு விமான நிலையங்களுக்கு திருப்பிவிடுவதாலும் சிறிய விமான தாமதங்கள் ஏற்படக்கூடும்.

எனினும் இன்று அனைத்து விமானங்களும் திட்டமிட்டபடி செயற்படும் என எதிர்பார்ப்பதாக சுனில் ஜெயரத்ன மேலும் தெரிவித்துள்ளார்.

“பேட்ரியட்” (Patriot) எனும் திரைப்படத்தின் மூன்று நாட்கள் படப்பிடிப்பில் கலந்துகொள்வதற்காக இன்று (15) இலங்கையின் கட்டுநாயக்க பண்டாரநாயக்க சர்வதேச விமான நிலையத்திற்கு வந்தடைந்தனர்.

இந்த திரைப்படம் இந்தியாவின் எட்டு மொழிகளில் Pan-India திரைப்படமாக வெளியாகும் வகையில் தயாராகி வருகிறது.

இந்த மிக முக்கியமான திரைப்படத்தில் மோஹன்லால், மம்முட்டி, ஃபஹத் ஃபாசில், குஞ்சாக்கோ போபன், நயன்தாரா, ஜரின் ஷிஹாப் மற்றும் ரேவதி உள்ளிட்ட பிரபலங்கள் முக்கிய கதாபாத்திரங்களில் நடித்துள்ளனர்.

இருவரும் இன்று காலை 11.20 மணிக்கு, இந்தியாவின் கொச்சியிலிருந்து UL-166 என்ற ஸ்ரீலங்கன் எயர்லைன்ஸ் விமானத்தில் கட்டுநாயக்கா வந்தடைந்தனர்.

இலங்கை சுற்றுலா ஊக்குவிப்பு பணியகத்தின் திரைப்பட சுற்றுலா பிரிவைச் சேர்ந்த சில அதிகாரிகள், இந்த நிகழ்வை விளம்பர நோக்கில் சிறப்பித்துப் பாராட்டுவதற்காக விமான நிலையத்தில் வரவேற்க வந்திருந்தனர்.

இந்தநிலையில், “இலங்கை படப்பிடிப்புக்கு மிக சிறந்த இடங்களை வழங்குகிறது. வேலை செய்ய மிகவும் நட்பான இடம்.

இலங்கைக்கு வருகை தருவதை நான் மிகவும் விரும்புகின்றேன். மேலும் எனது எதிர்காலத் திட்டங்களுக்கும் இங்கு படப்பிடிப்பைத் திட்டமிட்டு வருகிறேன்.

சினிமாவுக்கான புதிய அமைப்புகளுடன் கூடிய அழகான இடமாக இது இருக்கின்றது என மோகன்லால் குறிப்பிட்டுள்ளார்.

இந்த கட்ட படப்பிடிப்பை முடிக்க மோகன்லால் சுமார் 10 நாட்கள் இலங்கையில் தங்கவுள்ளதுடன் இதற்கு முன்பு, முதலாவது கட்ட படப்பிடிப்புக்காக அவர் சுமார் ஆறு நாட்கள் இலங்கையில் இருந்தமை குறி்ப்பிடத்தக்கது.

பிரான்ஸின் தலைநகரிலிருந்து வரும் இந்த விமானம், கொழும்பு மற்றும் கட்டுநாயக்கவில் மீது குறைந்த உயரத்தில் பறக்கும் இதன்போது பாரிய விமானத்தை பார்வையிட மக்களுக்கு வாய்ப்பு வழங்கப்பட்டுள்ளது.

இந்த விமானம் காலை 8.00 மணி முதல் 9.00 மணி வரை, சுமார் 1,500 அடி உயரத்தில் கொழும்பு கடற்கரையோரம், துறைமுக நகரத்தின் தெற்கு முனையிலிருந்து மொரட்டுவ வரை பறக்கும்.

பின்னர் அது கட்டுநாயக்காவில் உள்ள பண்டாரநாயக்க சர்வதேச விமான நிலையத்தை வந்து, தரையிறங்குவதற்கு முன்பு விமான நிலையத்திற்கு மேல் குறைந்த உயரத்தில் மீண்டும் பறக்கும்.

இலங்கையை உலகத்துடன் இணைக்கும் ஸ்ரீலங்கன் ஏர்லைன்ஸின் நீண்ட தூர மற்றும் குறுகிய தூர விமானக் குழுவில் சேரும் இந்த விமானத்தின் முதல் வருகையை விமான ஆர்வலர்கள் மற்றும் பார்வையாளர்கள் காண இது ஒரு வாய்ப்பாக இருக்கும் என தெரிவிக்கப்பட்டுள்ளது.

பொது அழைப்புகளின் அடிப்படையில், கிட்டத்தட்ட 12,000 விண்ணப்பங்கள் கிடைக்கப்பெற்றுள்ளன.

அதிகரித்து வரும் பயணிகளின் தேவைகள், சந்தைகளில் வளர்ச்சியின் மத்தியில், இந்த திட்டம் முன்னெடுக்கப்படுகிறது.

தேர்வு செய்யப்பட்ட விண்ணப்பதாரர்களுக்கு, 2025,மே 20–23 வரையான திகதிகளில், பண்டாரநாயக்க நினைவு சர்வதேச மாநாட்டு மண்டபத்தில், நேர்முகத் தேர்வுகள் இடம்பெறுகின்றன.

அனைத்து சுற்றுகளிலும் தேர்ச்சி பெறுபவர்களுக்கான இறுதி நேர்காணல்கள், கட்டுநாயக்காவில் உள்ள விமான நிறுவனத்தின் தலைமையகத்தில் நடைபெறும் என்று அறிவிக்கப்பட்டுள்ளது.