புதன்கிழமை (நவம்பர் 19) அன்று நடத்திய செய்தியாளர் சந்திப்பில் கலந்துகொண்டு கருத்துரைக்கும்போதே அவர் இவ்வாறு தெரிவித்தார்.

“இங்கு தமிழர்களும் முஸ்லிம்களும் என்னுடன் தனிப்பட்ட முறையில் மிகவும் நட்புணர்வுடனே பழகி வருகின்றனர்,” என்று தேரர் குறிப்பிட்டார்.

“ஆனால், பொலிஸாரே மிகவும் மோசமாக நடந்துகொண்டனர். எனவே யாரும் இதனை இனரீதியான மோதல் என்று கூறி விடயத்தை திசை திருப்ப வேண்டாம்,” எனக் கேட்டுக்கொண்டார்.

“திருகோணமலை கடற்கரையில் 1952ஆம் ஆண்டு முதல் மாவட்டத்தின் முதலாவது தர்ம பாடசாலை இயங்கி வந்தது.”

“2004ஆம் ஆண்டு ஏற்பட்ட சுனாமி பேரலையினால் இங்கிருந்த பாடசாலைக் கட்டிடம் முற்றாக அழிவடைந்தது. அது பின்னர் புனரமைக்கப்படவில்லை. எனினும் நீண்டகாலமாக இதனைப் புனரமைக்க வேண்டும் என விரும்பினோம்.”

இந்நிலையில் இம்மாதம் இது தொடர்பில் எமது விஹாரையின் நிர்வாகக் குழுவின் தீர்மானப்படி அழிவடைந்த கட்டிடத்தைக் கட்டுவது எனத் தீர்மானிக்கப்பட்டது.

இந்த விவகாரம் குறித்து நீதிமன்ற உத்தரவு வழங்கப்பட்டுள்ள நிலையில், “நாங்கள் நீதியை, சட்டத்தை மதிக்கின்றோம். எமக்கு உரிய நீதி கிடைக்கும் என நம்புகின்றோம்,” என்றும் தேரர் மேலும் தெரிவித்தார்.

திருகோணமலை காவல்துறை கண்காணிப்பாளர் ஜே.எல். அஜித் குமார உள்ளிட்ட அதிகாரிகள் சமர்ப்பித்த ‘பீ அறிக்கையை’ (B report) பரிசீலித்த பின்னர் நீதவான் இந்த உத்தரவைப் பிறப்பித்தார்.

திருகோணமலையில் உள்ள டச்சு விரிகுடா கடற்கரையில் ஸ்ரீ சம்புத்த ஜெயந்தி விஹாராதிகாரி தேரர் தற்காலிக கட்டிடம் கட்டுவது தொடர்பாக கடலோரப் பாதுகாப்பு மற்றும் கடலோர வள மேலாண்மைத் துறையால் தாக்கல் செய்யப்பட்ட புகாரைத் தொடர்ந்தே இரு தரப்பினருக்கும் இடையிலான தகராறு குறித்துக் காவல்துறை இந்த அறிக்கையைச் சமர்ப்பித்திருந்தது.

முன்வைக்கப்பட்ட உண்மைகளைக் கணக்கில் எடுத்துக்கொண்டு, தொடர்புடைய கட்டுமானத்தின் முன்னேற்றம் மற்றும் மேற்கொள்ளப்பட்ட விசாரணைகளைக் குறிக்கும் அறிக்கையை நவம்பர் 26ஆம் திகதி நீதிமன்றத்தில் சமர்ப்பிக்குமாறு துறைமுக காவல்துறைக்கு நீதவான் உத்தரவிட்டார்.

இதற்கிடையில், சம்பந்தப்பட்ட நீதிமன்ற உத்தரவின் நகல்களை மருத்துவமனையில் அனுமதிக்கப்பட்ட விஹாராதிகாரி தேரர் மற்றும் தயாக சபையின் செயலாளரிடம் ஒப்படைக்க நடவடிக்கை எடுக்கப்பட்டது.