இந்தோனேசியக் கொடியுடன் பயணித்துக் கொண்டிருந்த வணிகக் கப்பல் ஒன்றிலிருந்து, அதில் பணியாற்றிய இலங்கையர் ஒருவருக்கு அவசர மருத்துவ உதவி தேவைப்படுவதாகப் பாகிஸ்தான் கடற்படைக்குத் தகவல் வழங்கப்பட்டது.

பாகிஸ்தான் கரையில் இருந்து மிக நீண்ட தூரமான 1,500 கடல் மைல் தொலைவில் இச்சம்பவம் நிகழ்ந்த போதிலும், பாகிஸ்தான் கடற்படை உடனடியாகச் செயல்பட்டு அவரை மீட்டுள்ளது.

மீட்கப்பட்ட இலங்கையருக்குக் கப்பலிலேயே முதலுதவிகள் வழங்கப்பட்டதுடன், மேலதிக சிகிச்சைகளுக்காக அவர் பாதுகாப்பாக அழைத்துச் செல்லப்பட்டுள்ளார்.

சர்வதேச கடல் எல்லைகளில் மனிதாபிமான அடிப்படையில் பாகிஸ்தான் கடற்படை முன்னெடுத்த இந்த மீட்புப் பணிக்கு இலங்கைத் தூதரகம் மற்றும் கடல்சார் அமைப்புகள் பாராட்டுத் தெரிவித்துள்ளன.