கடந்த ஜனவரி 09-ஆம் திகதி, தெஹிவளை பொலிஸ் பிரிவிற்குட்பட்ட பகுதியில் ஹோட்டல் உரிமையாளர் ஒருவர் இனந்தெரியாத நபரால் சுட்டுக் கொல்லப்பட்டார். இக்கொலை தொடர்பில் கல்கிசைப் பிரிவு குற்ற விசாரணைப் பணியகத்தினர் தீவிர விசாரணைகளை முன்னெடுத்து வருகின்றனர்.

விசாரணைகளின் போது சாட்சிகள் வழங்கிய விபரங்கள் மற்றும் அடையாளங்களை அடிப்படையாகக் கொண்டு, செயற்கை நுண்ணறிவு (AI) தொழில்நுட்பத்தைப் பயன்படுத்திச் சந்தேக நபரின் உருவப்படத்தைப் பொலிஸார் தயாரித்துள்ளனர். இலங்கைப் பொலிஸ் வரலாற்றில் குற்றவாளிகளை அடையாளம் காண AI தொழில்நுட்பத்தைப் பயன்படுத்தும் நவீன முறைகளில் இதுவும் ஒன்றாகக் கருதப்படுகிறது.

வெளியிடப்பட்டுள்ள புகைப்படத்தில் காணப்படும் நபரை ஒத்த உருவம் கொண்டவர் குறித்து ஏதேனும் தகவல் தெரிந்தால், உடனடியாகப் பின்வரும் இலக்கத்திற்குத் தொடர்புகொள்ளுமாறு கேட்டுக் கொள்ளப்பட்டுள்ளனர்:

நிலையப் பொறுப்பதிகாரி, கல்கிசைப் பிரிவு குற்ற விசாரணைப் பணியகம்: 071-8596408. தகவல் வழங்குபவர்களின் இரகசியத்தன்மை பாதுகாக்கப்படும் எனப் பொலிஸார் உறுதியளித்துள்ளனர்.