பொருளாதாரத்தின் பல்வேறு துறைகளில் சாதகமான போக்குகள் காணப்படுகின்றன. சுற்றுலாத்துறையில் குறிப்பிடத்தக்க வளர்ச்சி பதிவாகியுள்ள நிலையில், 378 மில்லியன் அமெரிக்க டொலர் வருமானம் ஈட்டப்பட்டுள்ளது. அதேவேளை, வெளிநாட்டுத் தொழிலாளர்களால் அனுப்பப்பட்ட பணப்பரிமாற்றம் ஜனவரியில் 751 மில்லியன் அமெரிக்க டொலராகப் பதிவாகியுள்ளது. இது கடந்த ஆண்டின் இதே காலப்பகுதியுடன் ஒப்பிடுகையில் 31.1 சதவீத குறிப்பிடத்தக்க வளர்ச்சியாகும்.

இருப்பினும், வாகன இறக்குமதியில் சரிவு ஏற்பட்டுள்ளது. கடந்த 2025 டிசம்பர் மாதத்தில் 301 மில்லியன் அமெரிக்க டொலராகக் காணப்பட்ட வாகன இறக்குமதி, 2026 ஜனவரியில் 224 மில்லியன் அமெரிக்க டொலராகக் குறைவடைந்துள்ளது. இதற்கிடையில், அரசாங்க பிணையங்கள் சந்தையில் 17 மில்லியன் அமெரிக்க டொலர் தேறிய முதலீடுகள் உள்வருகையாகப் பதிவாகியுள்ளன. ஆனால், கொழும்பு பங்குச்சந்தையில் 22 மில்லியன் அமெரிக்க டொலர் தேறிய வெளிச்செல்லலாகப் பதிவாகியுள்ளது.