இந்த விடயத்தை விண்வெளி விஞ்ஞானியும் சிரேஷ்ட விரிவுரையாளருமான கிஹான் வீரசேகர தெரிவித்துள்ளார். இன்று நள்ளிரவில் (டிசம்பர் 13, நள்ளிரவு அல்லது டிசம்பர் 14 அதிகாலை) கிழக்கு திசையிலிருந்து இந்த விண்கல் பொழிவு தெரியும் எனச் சுட்டிக்காட்டப்பட்டுள்ளது.

அந்தவகையில் ஒரு மணி நேரத்தில் சுமார் 150 விண்கற்கள் வானில் பிரகாசமாகத் தெரியும் என அவர் மேலும் தெரிவித்துள்ளார்.

ஜெமினிட்ஸ் விண்கல் பொழிவு மற்ற விண்கல் மழைகளைப் போலல்லாமல், வால் நட்சத்திரத்தின் எச்சங்களிலிருந்து உருவாகாமல், 3200 பேதான் (3200 Phaethon) எனப்படும் சிறுகோளின் சிதைவிலிருந்து உருவானது என்ற தனித்துவத்தைக் கொண்டுள்ளது.

இந்தக் கண்கவர் நிகழ்வைக் காணச் சிறப்பு உபகரணங்கள் எதுவும் தேவையில்லை; வெறும் கண்களாலேயே இதைப் பார்க்கலாம் எனவும் தெரிவிக்கப்படுகின்றது.

ரஷியாவை சேர்ந்த 3 விண்வெளி வீரர்கள் சர்வதேச விண்வெளி நிலையத்தை நேற்று சென்றடைந்தனர்.

ரஷியாவின் டேனிஸ் மெத்வேவெவ், செர்ஜி கோர்சாகோவ், ஒலெக் ஆர்டெமிகேவ் ஆகிய விண்வெளி வீரர்கள் சோயுஸ் எம்.எஸ்.21 ராக்கெட்டில் புறப்பட்டனர்.

கஜகஸ்தானில் உள்ள பைசோனூர் ஏவு தளத்தில் இருந்து ஏவப்பட்ட இந்த ராக்கெட் வெற்றிகரமாக சர்வதேச விண்வெளி நிலையத்துடன் இணைந்தது.

சர்வதேச விண்வெளி நிலையத்துக்குள் சென்றடைந்த ரஷிய வீரர்கள் உக்ரைன் நாட்டு தேசிய கொடி நிறமான மஞ்சள் மற்றும் நீலநிறத்தில் ஆடை அணிந்து இருந்தனர்.

இது குறித்து ஆர்ட்டெ மிகேவ் கூறும்போது, ‘ஒவ்வொரு குழுவினரும் தங்களது சொந்த விருப்பத்தை தேர்வு செய்கிறார்கள்.

ஒரு வண்ணத்தை தேர்ந்தெடுப்பது எங்கள் முறை. நாங்கள் நிறைய மஞ்சள் பொருட்களை குவித்து இருக்கிறோம். அதனால்தான் மஞ்சள் நிறம் அணிய வேண்டியதாயிற்று’ என்றார்.
#WorldNews

Russian soldiers in space dressed in Ukraine !!

அமெரிக்காவின் செயற்கை கோளிற்கு எதிராக ரஷ்யா மேற்கொண்ட ஆயுத சோதனையை அமெரிக்கா வன்மையாக எச்சரித்துள்ளது.

அத்தோடு இச்செயற்பாடு பொறுப்பற்றதெனவும் அமெரிக்க வெளிவிவகார செயலாளர் தெரிவித்துள்ளார்.

இவ்வாறான செயற்பாடுகள் தொடருமாயின் அது சர்வதேச விண்வெளி நிலையத்தில் உள்ள ஆய்வாளர்களுக்கு ஆபத்தை ஏற்படுத்தும் எனவும் தெரிவித்துள்ளார்.

ரஷ்யா தமது சொந்த செயற்கை கோள் ஒன்றை வெடிக்க செய்ததால் பூமியின் சுற்றுவட்டத்தில் மாசடைய செய்துள்ளதாக விண்வெளி ஆய்வாளர்கள் விமர்சித்துள்ளனர்.

மேலும் விண்வெளியை ஆயுதமாக்குவதை இதுவரைகாலமும் எதிர்த்து வந்த ரஷ்யாவின் கருத்துகள் பொய்யானதென தற்போது நிரூபிக்கப்பட்டுள்ளதாக அமெரிக்க வெளிவிவகார செயலாளர் குறிப்பிட்டுள்ளார்.

#world

சீனாவின் விண்வெளித் திட்டத்தின் ஒரு பகுதியாக டியாங்காங் விண்வெளி நிலையத்திற்கான கட்டுமானப் பணிகள் நடந்து வருகின்றன.

இந்நிலையில் இந்தத் திட்டத்தின் முக்கிய அதிகாரியான ஜாய் ஜிகாங் என்பவருடன் இணைந்து பணியாற்றிய பெண் வீராங்கனை வாங் யாப்பிங் விண்வெளியில் நடந்து சாதனை படைத்தார்.

இதன் மூலம் விண்வெளியில் நடந்த முதல் சீனப் பெண் என்ற பெயரையும் அவர் பெற்றுள்ளார்.

#WorldNews

சர்வதேச விண்வெளி மையத்தில் வைத்து படப்பிடிப்பு நடத்த மூத்த விண்வெளி வீரர் ஆண்டன் ஷ்காப்லெரோவ் தலைமையில்  ரஷிய நடிகை யூலியா பெரிசில்ட் மற்றும் திரைப்பட இயக்குநர் ஷிபென்கோ ஆகியோர் கொண்ட படக்குழுவினர் விண்வெளிக்கு சென்றனர்.

‘தி சேலன்ஜ்’ என பெயரிடப்பட்டுள்ள இந்த படம், திடீர் உடல்நலக் குறைபாடு ஏற்படும் விண்வெளி வீரரை காப்பாற்ற விண்வெளி நிலையத்திற்கு செல்லும் பெண் மருத்துவரின் கதை என படக்குழு அறிவித்துள்ளது.

கடந்த 5ஆம் திகதி ‘சோயுஸ் எம்எஸ் -19’ என்ற விண்கலத்தில் சர்வதேச விண்வெளி நிலையம் சென்ற இவர்கள் 12 நாட்கள் விண்வெளியில் தங்கி படப்பிடிப்பு நடத்தினர்கள்.

இன்று படப்பிடிப்பு முடிந்து பூமிக்கு திரும்பினர்.

படக்குழு மட்டும் பூமிக்குத் திரும்பியுள்ள நிலையில் விண்வெளி வீரர் ஆண்டன் ஷ்காப்லெரோவ் ஷ்காப்லெரோவ் அடுத்த ஆண்டு மார்ச் மாதம்
பூமிக்குத் திரும்புவார் என அறிவிக்கப்பட்டுள்ளது.

அந்த வகையில் அமெரிக்க விண்வெளி ஆய்வு மையமான நாசா அண்மையில் ஒரு புகைப்படம் ஒன்றை வெளியிட்டுள்ளது.

இந்தப் புகைப்படம் தற்போது சமூக வலைத்தளத்தில் வைரலாகி வருகின்றது.

இந்தப் புகைப்படமானது விண்வெளியின் ஆழமான இருள் பின்னணியில் தங்க நிறத்தில் கைபோன்ற ஒரு பெரிய வடிவத்தில் காணப்படுகிறது. இந்த வடிவம் கடவுளின் கை HAND OF GOD என்று பலரும் கூறி வருகின்றனர்.

இந்த வடிவம் அதிக ஆற்றலும் நுண்ணிய துகள்களும் கொண்ட நெபுலா என்று விஞ்ஞானிகள் கணிக்கின்றனர்.

அதாவது ஒரு நட்சத்திரம் வெடித்து உருவாகுகையில் அதனால் விட்டு செல்லப்படும் பல்சாரிலிருந்து புறப்படுவது இப்படியான வடிவம் எனக் கூறப்படுகிறது.

இந்த பல்சர் 19 கிலோமீற்றர் பரப்பளவு உடையது எனத் தெரிவிக்கப்படுகிறது.

இது பூமியிலிருந்து 17 ஆயிரம் ஒளியாண்டுகள் தொலைவில் உள்ளது எனவும் தெரிவி்க்கப்படுகிறது.

இந்த நிலையில் நெட்டிசன்கள் இது சிவனின் 3ஆவது நெற்றிக்கண்ணிலிருந்து தோன்றிய நெருப்பு. அவர் காது வளையம் போட்டிருக்கிறார். இது இறைவனின் கை என அந்தப் புகைப்படத்தை வைரலாக்கி வருகின்றனர்.