எரிசக்தி அமைச்சர் கிறிஸ் போவன் இன்று (நவம்பர் 05) இத்திட்டம் குறித்துத் தெரிவித்தார். இது எரிசக்தி சேமிப்புத் திட்டத்தின் கீழ் கொண்டுவரப்படுகிறது.

சூரிய மின்சக்தி பேனல்கள் இல்லாத வீடுகள் உட்பட, அனைத்து வீடுகளுக்கும் தினமும் குறைந்தது 3 மணி நேரம் இலவச சூரிய மின்சாரம் வழங்கப்படும். இது அடுக்குமாடி குடியிருப்பாளர்களுக்கும் பொருந்தும்.

குறிப்பாக நியூ சவுத் வேல்ஸ், தெற்கு அவுஸ்திரேலியா மற்றும் தென்கிழக்கு குயின்ஸ்லாந்து ஆகிய பகுதிகளில் உள்ள வீடுகளுக்கு இந்தச் சலுகை கிடைக்கும்.

பயனாளர்கள் ஒரு ஸ்மார்ட் மீட்டரை வைத்திருக்க வேண்டும். அத்துடன், சூரிய மின் உற்பத்தி நேரங்களுக்கு (பகல் நேரத்தில்) தங்கள் ஆற்றல் பயன்பாட்டை மாற்ற, ‘சோலார் ஷேரர்’ திட்டத்தைத் தேர்வு செய்ய வேண்டும்.

இதன்மூலம் பயனர்கள் பகல் நேரத்தில் இலவச சூரிய மின்சாரத்தைப் பெறுவார்கள்.

கிறிஸ் போவன் இந்தத் திட்டம் பற்றி அறிவித்ததைத் தொடர்ந்து, அவுஸ்திரேலியாவின் மிகப்பெரிய மின்சார வழங்குநர்களான ஏஜிஎல் (AGL) மற்றும் ஆரிஜின் எனர்ஜி (Origin Energy) ஆகியவற்றின் பங்கு விலைகள் பிற்பகலில் 3 சதவீதம் சரிந்துள்ளமை குறிப்பிடத்தக்கது.

அரச கட்டிடங்களில் சோலர் பேனல்களை பொருத்தி மின்சாரம் வழங்கும் திட்டம் தொடர்பான தகவல் சேகரிக்கும் பணிகள் சுமார் 90% நிறைவடைந்துள்ளதாக குறிப்பிடப்பட்டுள்ளது.

ஏப்ரல் 15 ஆம் திகதிக்குள் தகவல் சேகரிக்கும் பணி நிறைவடையும் என எதிர்பார்க்கப்படுவதாக மின்சக்தி அமைச்சர் காஞ்சன விஜேசேகர டுவிட்டர் பதிவில் தெரிவித்துள்ளார்.

இத்திட்டத்திற்காக இந்தியாவிடம் இருந்து 100 மில்லியன் டொலர் கடன் உதவி பெறப்படவுள்ளதாக தெரிவிக்கப்படுகின்றது.