பிரேசிலின் வடகிழக்கு மாநிலமான மினாஸ் ஜெராஸில் ஏற்பட்ட விமான விபத்தில் 7 பேர் உயிரிழந்தனர்.

இந்த சம்பவம் ஞாயிற்றுக்கிழமை இடம்பெற்றுள்ளது.

சாவ் பாலோவில் உள்ள காம்பினாஸ் நகரில் இருந்து புறப்பட்ட சிறிய ரக விமானம் விபத்துக்குள்ளானது.

இந்த விமானம் ஒற்றை எஞ்சின் மூலம் இயக்கப்படுகிறது. ஞாயிற்றுக்கிழமை காலை 10.30 மணியளவில், சுரங்க நகரம் என்று அழைக்கப்படும் இடாபேவா பகுதியில் நடுவானில் வெடித்து சிதறியது.

தகவல் கிடைத்ததும் தீயணைப்பு படையினர் சம்பவ இடத்திற்கு வந்தனர். விமானத்தில் இருந்த 7 பேர் உயிரிழந்ததாக கூறப்படுகிறது.

முதலில் மூன்று உடல்கள் மீட்கப்பட்டதாக அதிகாரிகள் தெரிவித்தனர், ஆனால் விமானத்தின் துண்டுகள் மலையின் ஓரத்தில் உள்ள மரங்கள் மற்றும் புல்வெளி மீது விழுந்ததாக உள்ளூர்வாசிகள் தெரிவித்தனர். விபத்துக்கான முழு காரணங்கள் இன்னும் தெரியவில்லை.